ኢሳያሳ ቲንቢቴ 3:24 - Geeshsha Maxaafa

²⁴ Shitto xinqqon, dancco wodoron, goofare bo7an, seelo may7o maaqan, puulateth pigen laammana.

ጋሞ ማጻፋ

²⁴ ሺቶ ጺንቆን፥ ዳንጮ ዎዶሮን፥ ጎፋሬ ቦኣን፥ ሴሎ ማይኦ ማቃን፥ ፑላቴ ፒጌን ላማና።

ኢሳያሳ ቲንቢቴ 3:24 ပူးပေါင်းရင်းမြစ်များ

ኣስቴሪ ማጻፋ 2:12

Geela7oti kawozaakko gelanaappe kasetidi issi layth kumeth dhiiketteettes; layththafe koyro usuppun agina kumeth istta bollay liiqi lo7ana mala karbbenne tiyettiza zayte go7etteettes; kaalliza usuppun aginatan dumma dumma shittotanne dumma dumma sinth tiyiza qalameta go7etteettes.

ኢዮቤ ማጻፋ 16:15

«Ta kayoteththas maaqa sikka may7adis; gudulla bolla gufannadis.

ሌሚሶ ማጻፋ 31:24

Laynoppe seelo may7ota ooththada bayzawus; zal7anchchataskka dancco dadda shiishshawus.

ሌሚሶ ማጻፋ 7:17

Tani karbbe, almmuniyemenne qarafa geetettiza sawotappe oosettida shitto ta hiixan cacafadis.

ኢሳያሳ ቲንቢቴ 15:2

Diboone asay Xoossa keeth kezides; yeekkanaas pude zumbullata bolla kezides; Mo7aabe asay Nebo gishshassinne Medeba gishshas waassees; hu7eynne buuchchay milxi gi meedettides.

ኢሳያሳ ቲንቢቴ 15:3

Ogey dizaso ubbaan maaqa may7eettes; pooqeta bollaninne dabaabay dizason yeekkeettes; afunth gusseettes.

ኢሳያሳ ቲንቢቴ 22:12

He gallas GODAY Ubbaafe Wolqqama Xoossay intte yeekkana malanne waassana mala, intte hu7e binana buucana malanne maaqa may7ana mala xeygides.

ኢሳያሳ ቲንቢቴ 3:23

Heregata, laynota, giddora may7iza may7ota, binana qachchiza alleqotanne ayfeso kammiza qolleta ubbaa dafi ekkana.

ኢሳያሳ ቲንቢቴ 4:4

GODAY Xiyoone maccassata qitaa meeccana; maadhetti uttida suuththaafe Yerusalaame pirda ayananinne xuuggiza ayanan geeshshana.

ኢሳያሳ ቲንቢቴ 57:9

Wogara zayte ekkada, shitto iza bolla gujjada Molooke geetettiza eeqa xoossaako badasa; nees kiitettizayta haako dere kiittadasa; duge si7oole gakkanaas kanththadasa.

ኤርማሳ ቲንቢቴ 4:8

Hessa gishshas maaqa may7ite; kayottishe, ‹Wuu! Wuy› gi yeekkite. Ays giikko GODAA hanqo seelay nu bollafe simmibeenna» gees.

ኤርማሳ ቲንቢቴ 48:37

As ubbaa hu7eynne buuchchi meedettides; bantta kushekka cadereththida; qasse maaqa may7ida.

ኤርማሳ ቲንቢቴ 49:3

Hanne Haseboone! Aye katamay dhayda gishshas yeekka; Eraaba macca naytoo waassite; maaqa may7idi yeekkite; gaasoykka Milkkoomey ba qeesetaranne ba shuumetara di7ettidi baana; dirsa giddon yaanne haa woxerettite.

ኤርማሳ ቲንቢቴ 6:26

Ta deretoo maaqa may7ite; bidinththa bolla bululettite; mexi issi nay hayqqida asa mala camo yeeho yeekkite; gaasoykka nu qoppontta dishin dhayssizay nu bolla yaana.

ኤርማሳ ዚላስ 2:10

Xiyoone dere cimati biitta bolla co7u gi uttida; istti ba hu7en gudulla laallida; maaqaka may7ida; Yerusalaame geela7oti duge biitta xeellida.

ሂዚቄላ ቲንቢቴ 27:31

Ne gishshas kayottidi bantta hu7e bulusana; maaqaka may7ana; wozinappe ceecidi camo yeeho nees yeekkana.

ሂዚቄላ ቲንቢቴ 7:18

Istti maaqa may7ana; istti dagaman shirotana; istta ubbaa ayfesoy yeella may7ana; istta ubbaa hu7eykka bulisettana.

ኢዩኤሌ ቲንቢቴ 1:8

Hessa gishshas izo ekkana giigsidayssi hayqqiin maaqa may7ada yeekkiza geela7oy mala intteka yeekkite.

ሌዌታ ማጻፋ 26:16

he wode tani intte bolla hayssa ehana; gita dagama, gilqateth, ayfe boljesizaaz, asateththa gilqisizaaz qoxo harge ta intte bolla ehana; intte zereth zeranaashin coo mela hada gidana; gaasoykka intte zeridayssa intte morkketi maana.

ኣሞጼ ቲንቢቴ 8:10

Intte layththan layththan bonchchiza ba7aaleza yeehon laammana; intte yexxiza yeththaaka waason laammana; diza pexi issi nay hayqqiin camo yeeho yeekkiza asa mala intte intte hu7e binana buucidi maaqa may7ana mala tani inttena ooththana; he wurseththa gallassay camo gallas gidana.

ሚኪያሳ ቲንቢቴ 1:16

Intte isttan ufayettiza intte nayti inttefe di7etti baana gishshas intte hu7e bulusite.

ዛሬ ማጻፋ 28:22

GODAY nena gilqateththan, mishoninne qoxon, madunththan, xuuggiza awaninne koshan nena dhayssana; ne kaththaa dhayssanaas kutul7enne lobe ne bolla yeddana.

ዛሬ ማጻፋ 32:24

Ta ubbaa wursiza kosha istta bolla yeddana; issaafe issaan aadhdhiza iita hargeninne boshan istti wurana; meto gaththiza iita do7atanne dukkiza marzera diza shooshshata ta istta bolla yeddana.

1ጴጽሮሳ ኪታ 3:3

Intte lo7eteththi coo mela hu7e daththaninne worqqan geexeteththan, al7o may7o may7on, coo mela ayfen beettiza geexen gidoppo.

ዮሃኒሳ ኣጁታ 11:3

Ta markka nam7ati kayo may7o may7idi 1,260 gallas gakkanaas tinbite yootana mala ta isttas wolqqa immana» geetettides.

ዮሃኒሳ ኣጁታ 16:9

Asaykka wolqqama seelan xuugettides; he boshata bolla sheney izas diza Xoossaa sunth asay cayides attiin maaroteththan gelibeennanne izakka bonchchibeenna.

ዮሃኒሳ ኣጁታ 18:9

Izira laymatishe ishalo duus de7ida ha biittaa kawoti iza xuugettishin cuwattiza cuwa be7idi izi gishshas waassidi yeekkana.