ኢሳያሳ ቲንቢቴ 28:1 - Geeshsha Maxaafa

¹ Efreemen diza maththottizaytas, otoreteththas, kallachcha gididaaris, cilila shoobba hu7en kippi ga uttida, izas bonchcho seelo gidida shulla ciishshays, woyne ushshay istta zereththas otoreteththas gidida katamays aayye ana!

ጋሞ ማጻፋ

¹ ኤፍሬሜን ዲዛ ማቲዛይታስ፥ ኦቶሬቴስ፥ ካላቻ ጊዲዳሪስ፥ ጪሊላ ሾባ ሁኤን ኪፒ ጋ ኡቲዳ፥ ኢዛስ ቦንቾ ሴሎ ጊዲዳ ሹላ ጪሻይስ፥ ዎይኔ ኡሻይ ኢስታ ዜሬስ ኦቶሬቴስ ጊዲዳ ካታማይስ ኣዬ ኣና!

ኢሳያሳ ቲንቢቴ 28:1 ပူးပေါင်းရင်းမြစ်များ

2ካዎታ ማጻፋ 15:29

Isra7eele kawo Faaquhey kawoti diza layththatan Asoore kawo Teligelitelifelisoorey yiidi Iyoone, Aabeeli-Beeti-Ma7ika, Yaanooke, Qaadeese, Haxoore, Gala7aade, Galilanne Niftaaleme deraakka issife gaththi oykkides. Asaakka di7i ekkidi Asoore dere efides.

2ታሪኬ ማጻፋ 28:6

Yuhuda asay GODAA bantta aawata Xoossa aggida gishshas Eromeliyo naa Faaquhey Yuhuda olanchchatappe 120,000 olanchchata issi gallas wodhides.

ሌሚሶ ማጻፋ 23:29

«Woo!» giza waasoy oossee? Ceecey oossee? Ooshshi oossee? Zuuzunththi oossee? Gaasoykka baynda madunththi oossee? Ayfey zo7izay oossee?

ኢሳያሳ ቲንቢቴ 28:7

Hayti woyne ushshu uyidi yiicoteettes; maththosiza ushshan gandigareettes. Qeesetinne nabeti maththosiza ushshan gandigarda; woyne ushsha gaason yo7oy isttafe balettides; maththosiza ushshan gandigarda; ajjuutaa likkera be7ettenna; pirda pirdishe dhuphetteettes.

ኢሳያሳ ቲንቢቴ 5:11

Maththosiza ushshu koyanaas maalado guurara dendidi woyne ushshan xuugettana gakkanaas, sa7aa qamisizaytas aayye ana!

ኢሳያሳ ቲንቢቴ 5:22

Woyne ushshan erettidaytassinne maththosiza ushshu walakkanaas goobizaytas aayye ana!

ኢሳያሳ ቲንቢቴ 8:4

Naazi, ‹Aabboo! Aayee!› gi xeys eranaappe kase Asoore biitta kawoy Samaariyanne Damasqo aqota di7i efana» gides.

ኢሳያሳ ቲንቢቴ 9:11

Hessa gishshas GODAY Eraasoone morkketa minththana; istta morkketa istta bolla denththeththidi ehana.

ኢሳያሳ ቲንቢቴ 9:8

GODAY Yaaqoobe zareta bolla pirda qaala kiittides; izikka Isra7eele bolla polettana.

ኢሳያሳ ቲንቢቴ 9:9

Efreemeninne Samaariyan de7iza derey ubbay hessa Xoossi ooththidayssa erana; otoroninne moodheteththan dendidi,

ሆሴኤ ቲንቢቴ 4:11

«Laymateththas, Caalida woyne ushshas, mal7o woyne ushsha suukes banttana aaththi immida; hessantti ta dereza wozina ekkida.

ሆሴኤ ቲንቢቴ 5:5

Isra7eele asaa otoroy istta bolla simmi markkattees. Istti bantta nagaran dhuphettana. Yuhudaykka isttara issife dhuphetti kundana.

ሆሴኤ ቲንቢቴ 5:9

Qixaatey yiza wode Efreemey bula gidana; hayssi Isra7eele bolla gakkanayssa ta lo7eththa erisays» gees.

ሆሴኤ ቲንቢቴ 6:10

Dizhiginthiza iita miish Isra7eelen beyadis; Efreemey eeqas goynoninne laymateththan tunides.

ሆሴኤ ቲንቢቴ 7:5

Nu kawoza ba7aale gallas halaqati woyne ushshan maththo leelaa gida. Izikka qidhizaytara zuppetides.

ሌዌታ ማጻፋ 26:19

Intte otoroteththaa wolqqa ta menththana; inttefe bollara saloza birata mala ooththana; intte biittaaka xarqimalaththo ooththana.

ኣሞጼ ቲንቢቴ 2:12

Xoossay, «Intte gidikko Naaziraaweta woyne ushshu ushshideta; nabetakka tinbite yootontta mala azazideta.

ኣሞጼ ቲንቢቴ 2:8

Asappe oyso ekettida may7o hiixxidi Yarsho yarshizasoza garsan aqeettes; istti bantta xoossa keeththan edasi ekkidi woyne ushshu izan uyeettes.

ኣሞጼ ቲንቢቴ 4:1

Dhiikettida Baasaane miizata mala intte asateththa ordisida Samaariya maccassatoo! Hayssa qaala siyite! Intte daaburanchchata kawushsheeta; manqota bollaka godateeta; intte azinata, «Nuus maththosiza ushshu ehite» geeta.

ኣሞጼ ቲንቢቴ 6:1

Xiyoonen badhdhi gi uttidaytoo! Samaariya zuma bolla hirgay baynda dizaytoo! Isra7eele asay maado koyidi intteko yizaytoo! Intteno dere halaqatoo! Inttes aayye ana!

ኣሞጼ ቲንቢቴ 6:4

Intte danggarsa zaaleppe oosettida algan ichcheeta; ohala laaqqa ashonne mara asho mishe soofa bolla utti shempeeta.

ኣሞጼ ቲንቢቴ 6:6

Woyne ushshu birillera gidontta otora uyizaytoo! Keehi al7o gidida shitto tiyettizaytoo! Isra7eele deraa bolla gakkida meto gishshas qadhettonttayto inttena aayye ana!

ኣሞጼ ቲንቢቴ 6:8

GODAY Salo Xoossay, «Isra7eele asa otoreteththaa tani harassettadis; istta miixatikka tana shuunneettes; hessa gishshas tani katamayonne izin dizayta ubbaa morkkes aaththa immana» giidi barkka banan caaqqides.