ኢሳያሳ ቲንቢቴ 25:1 - Geeshsha Maxaafa

¹ Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ጋሞ ማጻፋ

¹ ኣቤት ጎዳዉ! ኔኒ ታ ጾሳ። ታኒ ኔና ቁ ቁ ሂስታና፤ ኔ ሱንካ ሳባና። ጋሶይካ ቤኒፔ ቆፌቲዳይሳ ማላሊሲዛ ሃኖ ኩሜ ኣማኔቴን ኦዳሳ።

ኢሳያሳ ቲንቢቴ 25:1 ပူးပေါင်းရင်းမြစ်များ

ዬ ማጻፋ 111:4

Izi ba malalisiza oosota hassa7ettana mala ooththides. Izi kiyanne maariza GODAA.

ዬ ማጻፋ 118:28

Neni ta Xoossa; tani nena galatana; Neni ta Xoossa; tani nena gitasana.

ዬ ማጻፋ 145:1

Abeet ta kawo Xoossawu! Tani nena dhoqqu dhoqqu histtana; ne sunththa mernaaskka galatana.

ዬ ማጻፋ 146:2

Ta de7o layththa ubbaan tani GODAA galatana; tani shemppora paxa diza wode ubbaan ta Xoossa sabbana.

ዬ ማጻፋ 31:15

Ta de7o layththay ne kushenna; tana gooddiza ta morkketa kusheppe ne tana ashsha.

ዬ ማጻፋ 40:5

Abeet ta GODAWU! Neni daro malalisiza ooso ooththadasa; nenara likkettizay ooninne baawa! Neni nuus qoppida lo7o qofa ooninne qoodanawu dandayenna; hessi tani yootiin wurizaaz gidenna.

ዬ ማጻፋ 40:6

Neni yarshonne muxuwaata koyabeekka; xuuggiza yarshonne nagara yarshoka neni saamottabeekka; gido attiin siyana mala taas hayththata doyadasa.

ዬ ማጻፋ 46:10

Shempi uttite; tani Xoos gididayssa erite; kawoteththata bolla ta dhoqqu dhoqqu gaana; biitta bollaka ta dhoqqu dhoqqu gaana.

ዬ ማጻፋ 75:2

Xoossi, «Ta bara woththida woden suure pirda pirdanay tana.

ዬ ማጻፋ 78:4

He yo7ota nuni istta naytappe qottoko; GODAAS bessiza galata, iza wolqqanne malalisiza iza ooso yiza yeletataskka nuni yootana.

ዬ ማጻፋ 89:1

Abeet GODAWU! Ne mernaa siiqo gishshas tani mernaas yexxana; ne ammaneteththaa yeleta ubbaas ta awajjana.

ዬ ማጻፋ 98:1

GODAAS ooraththa mazamure yexxite; gaasoykka izi malalisiza miish ooththides; iza ushachcha kusheynne iza geeshsha qesey izas xoono immides.

ዬ ማጻፋ 99:5

Izi dumma gidida gishshas GODAA nu Xoossaa dhoqqu dhoqqu histtite; iza toho garsankka gufannidi izas goynnite.

ኬሳ ማጻፋ 15:2

GODAY taas wolqqanne mazamure; izi tana ashshides. Izi ta Xoossa; tani iza sabbana. Izi ta aawa Xoossa; tani iza dhoqqu dhoqqu histtana.

ኢሳያሳ ቲንቢቴ 11:5

Xilloteththi izas xeessa dancco gidana; ammaneteththay izas dabala dancco gidana.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኢሳያሳ ቲንቢቴ 26:13

Abeet GODAWU Nu Xoossawu! neeppe hara allaga xoossati nuna haarida; nuni gidikko ne sunththaa xalla bonchchoos.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ኢሳያሳ ቲንቢቴ 28:29

Hayssi ubbay ba zoren malalisizaaz, ba aadho erateththan malalisizaaz gidida Ubbaafe Wolqqama GODAAPPE hanees.

ኢሳያሳ ቲንቢቴ 40:27

Yaaqoobe ne ays hessaththo gay? Isra7eele ne ays hessaththo haasayay? «Ta ogey GODAAPPE geemmides; ta pirday Xoossa achchan wudu geetettibeenna» ays gay?

ኢሳያሳ ቲንቢቴ 46:10

Wurseththan hananayssa koyrotta, buroppe yaanayssa beni yootadis; ‹Ta halchchoy mino; tana ufayssizaaz ubbaa ta ooththana› gadis.

ኢሳያሳ ቲንቢቴ 46:11

Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

ኢሳያሳ ቲንቢቴ 49:4

Gido attiin tani, «Tani mela coo daaburadis; go7ay baynda coo hada miishshan ta wolqqa wursadis; gidikkoka ta oosozas kushe zaaranay GODAA; ta waagaykka ta Xoossa matanna» gadis.

ኢሳያሳ ቲንቢቴ 49:5

Ha7i tani GODAA ayfe sinththan bonchchettadis; Xoossay taas wolqqa gidides; tani Yaaqoobe izakko zaarana mala, Isra7eele izakko shiishshana mala ooththida GODAY ha7ikka zaaridi,

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢሳያሳ ቲንቢቴ 7:13

Isayaasi, «Intteno Dawite zaretoo, siyite! Intte asaa saleththizayssi guuxxiin Xoos saleththanaas dendidetii?

ኢዩኤሌ ቲንቢቴ 2:26

Intte buro daro miidi kallana; inttes malalisiza miishshata ta ooththida gishshas intte tana GODAA intte Xoossaa galatana; hayssafe guye ta deraa yeellay gakkenna.

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

ዮሃኒሳ ኣጁታ 15:3

Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

ዮሃኒሳ ኣጁታ 19:11

Hessafe guye saloy doyettidayssa ta beyadis; qasseka booththa parakka beyadis; he paraza toggidayssi ammanettidaadenne tumanchcha geetettizaade; izi qasse tuma pirdeessinne olettees.

ዮሃኒሳ ኣጁታ 7:12

«Amiin! Sabay, gitateththi, erateththi, galatay, bonchchoy, wolqqaynne minoteththi nu Godaas Xoossaas mernaappe mernaas gido. Amiin!» gida.