ኢሳያሳ ቲንቢቴ 22:11 - Geeshsha Maxaafa

¹¹ Kase gal7a eele haaththaa zaaridi, iza minjjizaso nam7u gimbetappe giddon giigsideta. Gido attiin intte hessa ooththiday oonakko eribeekketa; koyro halchchi ooththidayssa akeekibeekketa.

ጋሞ ማጻፋ

¹¹ ካሴ ጋልኣ ኤሌ ሃ ዛሪዲ፥ ኢዛ ሚንጂዛሶ ናምኡ ጊምቤታፔ ጊዶን ጊግሲዴታ። ጊዶ ኣቲን ኢንቴ ሄሳ ኦዳይ ኦናኮ ኤሪቤኬታ፤ ኮይሮ ሃልቺ ኦዳይሳ ኣኬኪቤኬታ።

ኢሳያሳ ቲንቢቴ 22:11 ပူးပေါင်းရင်းမြစ်များ

2ካዎታ ማጻፋ 20:20

Hizqiyaasa kawoteththa layththatan hanida hara miishshati, izi ooththida ooso ubbay, haath katama gelththanaas izi zarissida zaray Yuhuda Kawota Taarike Maxaafan xaafetti dees gidennee?

2ካዎታ ማጻፋ 25:4

Baabiloone olanchchati katamayo giddoththi uttidi issi baggara katamay gimbe menththi gelida; Yuhuda olanchchati ubbayka kawo atakilte achchan diza nam7u gimbeta giddora diza pengezara kanththidi omarsara duge Yordaanoose shoobba gakkanaas baqatida.

2ታሪኬ ማጻፋ 6:6

Ha7i gidikko ta sunththi Yerusalaamen xeygettana mala tani Yerusalaame dooradis; qasse ta deraa Isra7eele kaaleththana mala Dawite dooradis› gides.

ናሂሚያ ማጻፋ 3:16

Beeti-Xuure worada hekka bagga ayssiza Azibuqe naa Nahimiyay Dawite duufoso gakkanaas, eele haath geetettizasoza gakkanaassinne ola qarati dizaso gakkanaas dizayssa zaari ooththides.

ኢሳያሳ ቲንቢቴ 17:7

He wode asay bana Medhdhidayssako xeellana; istta ayfey Isra7eele Geeshshaako xeellana.

ኢሳያሳ ቲንቢቴ 22:10

Yerusalaamen diza keeththata qoodideta; dirsaa ooraththanaas keeththata laallideta.

ኢሳያሳ ቲንቢቴ 31:1

Pude Isra7eele geeshshaako xeellonttaytas, GODAAPPE maado koyonttaytas, maado demmanaas duge Gibxe wodhdhizaytas, para-gaareta daroteththaninne ba para minoteththan ceeqettizaytas aayye ana.

ኢሳያሳ ቲንቢቴ 37:26

«Tani daro wodeppe kase qachchidayssa, ta beni halchchidayssa ne siyabeekkii? Ha7i gidikko polettana mala ooththadis; nenikka gimbettida katamata laallada shuchcha doore kessana.

ኢሳያሳ ቲንቢቴ 7:3

Histtiin GODAY Isayaasas, «Neni ne naa Sha7aari-Yaashube ekkada Akaazera gayttanaas baada may7o meeccizayta goshshaakko efiza oge matan ganna baggara de7iza eele haaththa zaraa xeeran neni iza demmana.

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ኤርማሳ ቲንቢቴ 39:4

Yuhuda Kawo Sedeqiyaasinne iza olanchchati ubbay Baabiloone olanchchata be7ida wode baqatida; omarsara kawoy dooza tokkizasoho baggara nam7u gimbetappe giddora katamaappe kezidi Yordaanoose zulle bida.

ሚኪያሳ ቲንቢቴ 7:7

Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.