ኢሳያሳ ቲንቢቴ 18:2 - Geeshsha Maxaafa

² He biittaya qasttanneta shaccafe oosettida wogolon abba bollara shaafappe he pinth kiita yeddizaaro. Intteno pilata qasttannetoo! Adussanne bolla shugo asataakko, haakoninne matan dizay isttas yayyiza deretakko, wolqqamanne qaalay erettontta deretakko, shaafa haaththati iza dere shaakki biza kawoteththaako biite.

ጋሞ ማጻፋ

² ሄ ቢታያ ቃስታኔታ ሻጫፌ ኦሴቲዳ ዎጎሎን ኣባ ቦላራ ሻፋፔ ሄ ፒን ኪታ ዬዲዛሮ። ኢንቴኖ ፒላታ ቃስታኔቶ! ኣዱሳኔ ቦላ ሹጎ ኣሳታኮ፥ ሃኮኒኔ ማታን ዲዛይ ኢስታስ ያዪዛ ዴሬታኮ፥ ዎልቃማኔ ቃላይ ኤሬቶንታ ዴሬታኮ፥ ሻፋ ሃቲ ኢዛ ዴሬ ሻኪ ቢዛ ካዎቴኮ ቢቴ።

ኢሳያሳ ቲንቢቴ 18:2 ပူးပေါင်းရင်းမြစ်များ

2ታሪኬ ማጻፋ 14:9

Zaraahe geetettiza issi Tophphiya asi 1,000,000 olanchchatanne 300 para-gaareta ekkidi Yuhuda olanaas yiidi Mareesha gakkides.

2ታሪኬ ማጻፋ 16:8

Tophphiya asatinne Liibiya asati, cora para-gaaretinne parati de7iza daro olanchchata gidettennee? Gido attiin neni GODAAN ammanettida gishshas GODAY istta ne kushen aaththi immides.

ኢዮቤ ማጻፋ 9:26

Isttika sookke gizayssafe oosettida wogolo mala eesoteettes; baqqi ekkiza golle kafo mala eesoteettes.

ኬሳ ማጻፋ 2:3

Gido attiin iza hessafe daro qottanaas dandayonttayssa erada, shaccafe keeshe izas daddada shidan meeshada, naaza iza giddon woththada Nayle shaafa doonan duureessa geetettiza maata giddon woththadus.

ኢሳያሳ ቲንቢቴ 18:7

He wode GODAAS Ubbaafe Wolqqama Xoossaas adussanne liiqo asaappe, matappe haahoppe yayyiza dereppe, wolqqamanne iza qaalay erettontta dereppe, shaafati shaakki biza kawoteththafe imotay yaana; medheteththa GODAY dizaso pude Xiyoone zuma bolla yaana.

ኤርማሳ ቲንቢቴ 49:14

GODAAPPE yida issi kiita siyadis; «Eedoome bolla worajjanaas shiiqite; olettanaas dendite!» gi yootiza qasttanney kawoteththatakko kiitettides.

ሂዚቄላ ቲንቢቴ 30:9

«He gallas ta qasttanneti markaben biidi badhdhi ga uttidasohoppe kessanaas Tophphiya daganththana; Gibxey dhuman mitettiza wode istta ceecey oykkana; tumappe he gallassay yaana».

ኣብዲዩ ቲንቢቴ 1:1

Abdiyuy be7ida ajjuuta; GODAY Eedoome gishshas Abdiyu kiittides; nu siyida Xoossa kiitay, «Tani Xoossay Eedoome bolla meto gaththana mala azazada deraa giddo as kiittadis» gees.

ኢምባቆ ቲንቢቴ 1:7

Isttika babisizaytanne daganththizayta; istta pirdaynne bonchchoy isttafe kezana.

ሉቃሳ ሚሺራቾ 10:19

«Histtiko shooshshinne masimaso intte yedhdhana mala morkke wolqqa ubbaa bolla inttes godateth ta immadis; inttena qohiza issi miishshika deenna.