ኢሳያሳ ቲንቢቴ 17:13 - Geeshsha Maxaafa

¹³ Asay wolqqama haaththa mala guummikkoka, izi istta seerikko zumbulla bollara carkon biza gudulla mala gote carkoy laalliza happa mala laalettana.

ጋሞ ማጻፋ

¹³ ኣሳይ ዎልቃማ ሃ ማላ ጉሚኮካ፥ ኢዚ ኢስታ ሴሪኮ ዙምቡላ ቦላራ ጫርኮን ቢዛ ጉዱላ ማላ ጎቴ ጫርኮይ ላሊዛ ሃፓ ማላ ላሌታና።

ኢሳያሳ ቲንቢቴ 17:13 ပူးပေါင်းရင်းမြစ်များ

ኢዮቤ ማጻፋ 21:18

Istti happa mala carkon bidasoy gudulla mala gote carkon istti pitetti dhayda wodey dizee?

ኢዮቤ ማጻፋ 38:11

Hayssa gakkanawu ya! Hayssafe aadhdhofa! Ne wolqqama dambalay, ‹Hayssan eqqo› gadis.

ዬ ማጻፋ 1:4

Gido attiin iitati hessa mala gidettenna; carkoy pitti efiza suulla mala.

ዬ ማጻፋ 35:5

GODAA kiitanchchay istta yedeththo; isttika carko sinththan diza suulla mala gidetto.

ዬ ማጻፋ 65:7

Neni abba giirissanne dambala gunththa sirphi ooththaasa; qasse derey dendiza denththa irxxisaasa.

ዬ ማጻፋ 65:8

Hessaththo neni ooththida malaata gishshas, sa7a gaxa gakkanaas de7iza asay ubbay nees, «Hoola!» gees. Arshey mokkizasoppe wullizaso gakkanaas diza asa ubbaa ufayssan ilili giissadasa.

ዬ ማጻፋ 9:5

Neni kawoteththata seeradasa; iitatakka dhayssadasa; neni istta sunththaa meri mernaaskka qucca diggadasa.

ኢሳያሳ ቲንቢቴ 14:25

Tani Asoore ta biitta bolla liiqisana; tani iza ta zuma bolla yedhdhana; iza qambaray ta dereza bollafe dendana; iza toohoykka istta hasheppe kichchana» gi caaqqides.

ኢሳያሳ ቲንቢቴ 21:15

Istti giththa mashshafenne koohoppe shodettida giththa mashshafe, waaxettida wondafeppenne suullida olappe baqatida.

ኢሳያሳ ቲንቢቴ 22:18

Nena yanbarsha mala yuushshidi aako biittan olana; ne godaa keeththas ne yeella gidadasa; ne heen hayqqana; ne bonchcho para-gaaretikka heen attana.

ኢሳያሳ ቲንቢቴ 27:1

He gallas GODAY lewataane geetettiza xongettiza shooshshaanne xaaxettiza shooshshaa ba mino, gitanne wolqqama giththa mashshan qaxxayana; abban diza wogga do7aa qanxxereththi yeggana.

ኢሳያሳ ቲንቢቴ 29:5

Gido attiin daro ne morkketi gudulla suulla mala, menxe iitati carkon biza happa mala gidana; qofay baynda dishin,

ኢሳያሳ ቲንቢቴ 30:28

Iza peenoykka qoodhe gakkidi meecci efiza kixa haaththa mala; kawoteththatakka dhayso zayzaren zayzarees; asaa doonan oge baleththiza bixala barssees.

ኢሳያሳ ቲንቢቴ 34:17

Istta gisha gisha isttas woththana; iza kushey meezaanen meezaanen gishana; iza mernaas isttas gidana; yeletappe yeleta gakkanaas istti izin de7ana.

ኢሳያሳ ቲንቢቴ 40:15

Be7ite kawoteththati gombo giddon xokkida haaththa mala; istti meezaane bolla diza gudulla mala qoodetteettes; harurota liiqo biitta mala geeddarees.

ኢሳያሳ ቲንቢቴ 40:24

Istti tokettidi gam7ontta dishin, zerettidi takkontta dishin, buro xapho yeddontta dishin istta bolla carko yeddiin melida; gotey istta suulla mala pitti efides.

ኢሳያሳ ቲንቢቴ 41:11

«Be7a ne bolla hanqettida ubbay keehi yeellatananne kawuyana; nenara eqettizayti tim7i gi dhayana.

ኢሳያሳ ቲንቢቴ 8:7

Hessa gishshas tani GODAY minonne wolqqama gidida Efiraaxise haaththa haro, Asoore kawo iza teemaranne bonchchozara istta bolla ehana; haaththazi shaafaza kumi polchchidi shaafa doonan diza biitta ubbaa mittana.

ዳኔላ ቲንቢቴ 2:35

Heerakka biratazi, mana urqqazi, xarqimalazi, birazinne worqqazi wuri meqeretti wodhdhida; bone kaththa balen diza suulla mala gidida; carkoy istta issinokka ashshontta pitti efides; misleza bolla kundida shuchchazi gidikko izi biitta kumanaashe gakkanaas gita zuma gidides.

ሆሴኤ ቲንቢቴ 13:3

Hessa gaason istti wontta maalado shaara mala coo tim7i gaana; maalado xaaza malakka coo wodhdhi dhayana; woykko bangga bukkiza baleppe gote carkoy efiza suulla mala gidana; woykko keeththafe kezidi beettishe coo dhayza cuwa mala gidana.

ሶፎናሳ ቲንቢቴ 2:2

Bashsha gallassay gakkanaappe kasetidi, he gallassay suulla mala denththi dhayssontta dishin, GODAAPPE mino hanqoy intte bolla yontta dishin GODAAPPE bashsha gallassi intte bolla gakkontta dishin shiiqite.