ኢሳያሳ ቲንቢቴ 16:14 - Geeshsha Maxaafa

¹⁴ Ha7i gidikko GODAY, qaxxaretti ooththiza oosanchchay gallas qoodiza mala Mo7aabe bonchchoynne asaa corateththay heedzdzu layththa giddon kawuyana; heen attida asati guuththatanne wolqqay bayndayta gidana.

ጋሞ ማጻፋ

¹⁴ ሃኢ ጊዲኮ ጎዳይ፥ ቃጻሬቲ ኦዛ ኦሳንቻይ ጋላስ ቆዲዛ ማላ ሞኣቤ ቦንቾይኔ ኣሳ ጮራቴይ ሄ ላይ ጊዶን ካዉያና፤ ሄን ኣቲዳ ኣሳቲ ጉታኔ ዎልቃይ ባይንዳይታ ጊዳና።

ኢሳያሳ ቲንቢቴ 16:14 ပူးပေါင်းရင်းမြစ်များ

ሜቴ ማጻፋ 31:1

Laaba attuma nayti ba giddon, «Yaaqoobey nu aawa haaro ubbaa ekkides; hayssi ubbay izi shiishshida aqotay nu aawappe beettidaaza» gi haasayshin Yaaqoobey siyides.

ኣስቴሪ ማጻፋ 5:11

Haamay ba dureteththaanne gitateththaa, ba nayta daroteththaa, kawozi iza ay mala bonchchidaakko, hankko mokkonnetappenne shuumetappe ay mala iza dhoqqisidaakko nashetti yootides.

ኢዮቤ ማጻፋ 14:6

Uneti aqizaadey ba ooththana gallassa oosoyo polidi ufayettiza mala, asikka ba daabura gallassan ufayettana mala ne ayfe iza bollafe denththa.

ኢዮቤ ማጻፋ 7:1

«Asas biitta duussay baaxe duus deennee? Isttas gallassayka une ooththiza oosanchchata gallassa mala gidennee?

ኢሳያሳ ቲንቢቴ 11:14

Istti arshey wulliza baggara Filisxeemeta dugunththaa wodhdhana; nam7ayka issife gididi arshey mokkiza dereza bonqqana; istti Eedoome bollanne Mo7aabe bolla bantta kushe denththana; Amoone asay isttas haarettana.

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ኢሳያሳ ቲንቢቴ 16:13

GODAY Mo7aabe gishshas kaseti yootida qaalay hayssa.

ኢሳያሳ ቲንቢቴ 17:4

«He wode Yaaqoobe bonchchoy shaarumatana; iza modhdhoteththaykka shuumana.

ኢሳያሳ ቲንቢቴ 21:16

GODAY tana, «Konttiraate oosanchcha ooso gallassi wuriza mala issi layththa giddon Qeedaare bonchchoy ubbay wurana.

ኢሳያሳ ቲንቢቴ 23:9

Otorettizayta ubbaa bonchcho kawushshanaas qasse biittaa bolla dhoqqu dhoqqu gidayta ziqqi histtanaas GODAY Ubbaafe Wolqqama Xoossay halchchides.

ኢሳያሳ ቲንቢቴ 25:10

GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ኢሳያሳ ቲንቢቴ 25:11

Haaththa wadhdhizay ba kushe micciza mala iza giddon dizayti bantta kushe miccana; Xoossi istta gene ooso balettontta istta otoreteththaa kawushshana.

ኢሳያሳ ቲንቢቴ 7:16

Gido attiin naazi iitanne lo7o shaakki eranaappe sinththan neni keehi yayyida nam7u kawota biittati aykkoy baynda bula gidana.

ኤርማሳ ቲንቢቴ 48:42

Mo7aabey GODAA kawushshida gishshas dhayana; iza kawoteththayka attana.

ኤርማሳ ቲንቢቴ 9:23

GODAY, «Aadho eranchchay ba aadho erateththan ceeqettofo; wolqqamay ba wolqqan ceeqettofo; woykko durey ba dureteththan ceeqettofo.

ዛሬ ማጻፋ 15:8

Intte kushe miccidi izas koshshizaaz ubbaa modhettontta tal7ite.