ኢሳያሳ ቲንቢቴ 16:12 - Geeshsha Maxaafa

¹² Mo7aabey pude ba zumbulla bolla kezikkoka daabura xalla; iza woosas ba eeqa keeth gelikkoka go7ay deenna.

ጋሞ ማጻፋ

¹² ሞኣቤይ ፑዴ ባ ዙምቡላ ቦላ ኬዚኮካ ዳቡራ ጻላ፤ ኢዛ ዎሳስ ባ ኤቃ ኬ ጌሊኮካ ጎኣይ ዴና።

ኢሳያሳ ቲንቢቴ 16:12 ပူးပေါင်းရင်းမြစ်များ

1ካዎታ ማጻፋ 11:7

Hessafe guye Solomooney harassiza Mo7aabeta xoossa Kamooshessinne Amooneta xoossa Molookes Yerusalaameppe arshey mokkiza baggan diza zumbullata bolla goynnizasota giigsides.

1ካዎታ ማጻፋ 18:29

Seeta gallassi aadhdhiin omarsa yarsho shiishshiza wodey gakkanaas istti happanne buura tinbite haasayda shin aykko zaarokka demmibeettenna; istta cenggurssaa siyidi zaaro immizay baawa.

2ካዎታ ማጻፋ 19:12

Kase ta aawati dhayssida kawoteththata Gozaanen, Kaaraanen, Erafaasen hessaththoka Talasaaren diza Edene asata istta eeqa xoossati istta ashshidoo?

2ካዎታ ማጻፋ 3:27

Hessafe guye izappe kaalli kawotanayssa baas bayra naaza ekki biidi katamay gimbeza bolla xuugettiza yarsho histti yarshides; Isra7eele bolla wolqqama hanqoy gakkides; histtiin istti heeppe kezidi guye ba dere simmida.

ሌሚሶ ማጻፋ 1:28

«He wode istti tana xeygana; ta gidikko isttas koykke; istti tana minththi koyana; gido attiin tana demmettenna.

ኢሳያሳ ቲንቢቴ 15:2

Diboone asay Xoossa keeth kezides; yeekkanaas pude zumbullata bolla kezides; Mo7aabe asay Nebo gishshassinne Medeba gishshas waassees; hu7eynne buuchchay milxi gi meedettides.

ኢሳያሳ ቲንቢቴ 16:13

GODAY Mo7aabe gishshas kaseti yootida qaalay hayssa.

ኢሳያሳ ቲንቢቴ 26:16

Abeet GODAWU! Istti metotida wode neekko yida; Neni istta seerida wode, saasuki nena woosseettes.

ኢሳያሳ ቲንቢቴ 37:38

Sanaakireemi ba xoossaa Nisraake keeththan goynnishe de7ishin, iza nayti Adiramelekeynne Sarsarey mashshan iza wodhida. Histtidi Araraate biitta baqatida. Iza naa Aseradooney izasohon kawotides.

ኢሳያሳ ቲንቢቴ 47:13

Ne ekkida zore ubbay nena daaburara ashshides; aginappe agina gakkanaas xoolintte xeelli kaayizayti, xoolintte taybizayti ane haa yetto; nena gakkiza metoppe ane istti nena ashshetto.

ኤርማሳ ቲንቢቴ 10:5

Istta eeqa xoossati istta kaththa giddon do7a daganththanaas essiza misle mala. Haasayanaas dandayettenna. Hemettanaas istti dandayontta gishshas asay istta tookkees. Istti iita gidiin woykko lo7o miish intte bolla ooththanaas dandayontta gishshas isttas mulekka yayyofte» gees.

ኤርማሳ ቲንቢቴ 48:13

Isra7eele asay Beetelen ammanetti dishe yeellatidayssaththo Mo7aabe asaykka ba xoossan Kamooshen yeellatana.

ኤርማሳ ቲንቢቴ 48:35

Dhoqqasohota bolla yarshizaytanne bantta eeqa xoossatas exaane cuwasizayta tani Mo7aabe biittafe dhayssana.

ኤርማሳ ቲንቢቴ 48:46

Mo7aabe nees aayye ana! Kamooshes goynniza derey wuri wurides. Ne attuma nayti ubbay di7ettida; macca nayti ubbayka di7etti bida.

ኤርማሳ ቲንቢቴ 48:7

Intte ooththida oosoninne intte aqotan intte ammanettiza gishshas intteka di7ettana; Kamoosheykka ba qeesetaranne ba shuumetara di7etti baana.

ታይቦ ማጻፋ 21:28

Hasebooneppe tamay kezides; Lacoykka Sihoone katamappe kezides; Mo7aabe deren Eere geetettizasoza dhayssides; Arnoonen bolla gezze biittan diza halaqatakka dippi histtides.

ታይቦ ማጻፋ 22:39

Hessa gishshas Balaamey Balaaqera gede Qiriyaate Huxoote katama bides.

ታይቦ ማጻፋ 22:41

Wonteththa gallas maalado Balaaqey Balaame Isra7eele asaappe baggay beettizaso pude Bamooti Ba7aale geetettiza zumaa bolla kessides.

ታይቦ ማጻፋ 23:14

Hessafekka pude Pizga zumaa hu7en diza Xoofime demba efides; heenkka laappun yarsho yarshizaso giigsidi issi issi yarshizasoza bolla issi issi korma booranne dharsho yarshides.

ታይቦ ማጻፋ 23:28

Hessa gishshas Balaaqey Balaame gede bazzo ginara diza Pe7oore zumaa hu7e ekki kezides.

ታይቦ ማጻፋ 24:17

Tani iza be7ays; gido attiin ha7i gidenna; ta iza xeellays; gidikkoka ha7i matan gidenna; Xoolinttey Yaaqoobeppe beettana; Kawoteththa guufey Isra7eeleppe kezana; Mo7aabe zereththaanne Seete zereththata ubbaa dippi histti dhayssana.