ኢሳያሳ ቲንቢቴ 15:2 - Geeshsha Maxaafa

² Diboone asay Xoossa keeth kezides; yeekkanaas pude zumbullata bolla kezides; Mo7aabe asay Nebo gishshassinne Medeba gishshas waassees; hu7eynne buuchchay milxi gi meedettides.

ጋሞ ማጻፋ

² ዲቦኔ ኣሳይ ጾሳ ኬ ኬዚዴስ፤ ዬካናስ ፑዴ ዙምቡላታ ቦላ ኬዚዴስ፤ ሞኣቤ ኣሳይ ኔቦ ጊሻሲኔ ሜዴባ ጊሻስ ዋሴስ፤ ሁኤይኔ ቡቻይ ሚልጺ ጊ ሜዴቲዴስ።

ኢሳያሳ ቲንቢቴ 15:2 ပူးပေါင်းရင်းမြစ်များ

2ሳሜላ ማጻፋ 10:4

Hessa gishshas Haanooney Dawite asata oykkidi issaa issaa buuch baggasi meedides; istti may7ida may7ozakka pude xeessa gaththi qanxxi yeddides.

1ታሪኬ ማጻፋ 19:4

Histtiin Haanooney Dawiti kiittida asata oykkidi istta buuchchaa meedides; istta may7oka istta kalloy beettanaashe gakkanaas daakkidi istta dere zaari yeddides.

ኢዮቤ ማጻፋ 1:20

Hessafe guye Iyoobi dendidi kayottidi ba may7oza daakkides; ba hu7e bulusides; biittan gufanni goynnides.

ኢሳያሳ ቲንቢቴ 14:31

«Nenoo pengezoo! Wuu! Wuy ga; Nenoo katamazoo! Waassa; Intteno Filisxeeme asatoo! Intte ubbayka hirgan seerite! Gaasoykka pudeha baggafe cuway intte bolla yides; he cifraappe duuxxi attanay deenna.

ኢሳያሳ ቲንቢቴ 15:3

Ogey dizaso ubbaan maaqa may7eettes; pooqeta bollaninne dabaabay dizason yeekkeettes; afunth gusseettes.

ኢሳያሳ ቲንቢቴ 16:12

Mo7aabey pude ba zumbulla bolla kezikkoka daabura xalla; iza woosas ba eeqa keeth gelikkoka go7ay deenna.

ኢሳያሳ ቲንቢቴ 16:7

Hessa gishshas Mo7aabeti waassana; issi bolla Mo7aabes yeekkana; Qiire-Hereesete katama asaa gishshas yuushshi qoppidi kayottishe yeekkana.

ኢሳያሳ ቲንቢቴ 22:12

He gallas GODAY Ubbaafe Wolqqama Xoossay intte yeekkana malanne waassana mala, intte hu7e binana buucana malanne maaqa may7ana mala xeygides.

ኢሳያሳ ቲንቢቴ 3:24

Shitto xinqqon, dancco wodoron, goofare bo7an, seelo may7o maaqan, puulateth pigen laammana.

ኤርማሳ ቲንቢቴ 3:21

Istti GODAA bantta Xoossaa balidi bantta oge geellasida gishshas Isra7eele deraa waasoy, misha yeehoy aykkoy baynda zumbullata bolla siyettees;

ኤርማሳ ቲንቢቴ 47:2

GODAY, «Be7ite, pudeha baggan haaththi kumi kumi bees; wolqqama di7o gidana; dereyonne izi giddon dizayta ubbaa izi katamatanne katamatan diza asaa ubbaa mittana. Derezikka ba qaala dhoqqu histti waassana; he biittan diza asay ubbay camo yeeho yeekkana.

ኤርማሳ ቲንቢቴ 47:5

Gaazay kayos ba binana meedettana; Asqeloonay ba doona bolla kushe woththana; intteno demba bolla casha attidaytoo! Intte ayde gakkanaas intte bolla qaacishe daanee?

ኤርማሳ ቲንቢቴ 48:1

Mo7aabe gishshas Ubbaafe Wolqqama GODAA Isra7eele Xoossay, «Neboy dhayana gishshas izis aayye ana! Qiriyaataymey kawuyananne oykettana; miixatikka oykettananne laalettana.

ኤርማሳ ቲንቢቴ 48:18

«Mo7aabe dhayssanay ne bolla yaana; gimbettida ne katamata izi dhayssana; hanne Diboone nayee! Ne bonchchozappe duge wodhdha; mela biitta bolla wodhdha utta.

ኤርማሳ ቲንቢቴ 48:31

Hessa gishshas tani Mo7aabes yeekkays; Mo7aabe dere ubbaas, ‹Wuu! Wuy› gays; Qiire-Hereese asaasikka yeeho cenggurs sissays.

ኤርማሳ ቲንቢቴ 48:35

Dhoqqasohota bolla yarshizaytanne bantta eeqa xoossatas exaane cuwasizayta tani Mo7aabe biittafe dhayssana.

ኤርማሳ ቲንቢቴ 49:3

Hanne Haseboone! Aye katamay dhayda gishshas yeekka; Eraaba macca naytoo waassite; maaqa may7idi yeekkite; gaasoykka Milkkoomey ba qeesetaranne ba shuumetara di7ettidi baana; dirsa giddon yaanne haa woxerettite.

ኤርማሳ ቲንቢቴ 7:29

Hanqoy iza bolla gakkida ha yeletaa GODAY kadhida gishshassinne aggida gishshas intte hu7e meedidi wora yeggite; aykkoyka baynda zumbullata bolla kezidi zilalite› ga» gees.

ሂዚቄላ ቲንቢቴ 27:31

Ne gishshas kayottidi bantta hu7e bulusana; maaqaka may7ana; wozinappe ceecidi camo yeeho nees yeekkana.

ሂዚቄላ ቲንቢቴ 30:2

«Haysso asa nawu! Hayssa mala gaada tinbite yoota: Ubbaa Haariza GODAY, « ‹Wu! Wuy› ga waassa; ‹He gallassays aayye ana!› ga.

ሂዚቄላ ቲንቢቴ 7:18

Istti maaqa may7ana; istti dagaman shirotana; istta ubbaa ayfesoy yeella may7ana; istta ubbaa hu7eykka bulisettana.

ሌዌታ ማጻፋ 13:40

«Issaades hu7e iskey guye baggara woykko sinththa baggara bo7atikko hessaade bo7ay iza tunisenna.

ሌዌታ ማጻፋ 21:5

« ‹Qeesetappe oonikka hayqqidaades mishettidi ba hu7e binana buucoppo; ba buuchcheka buucoppo; ba bollaka qaaci madunththofo.

ኣሞጼ ቲንቢቴ 8:10

Intte layththan layththan bonchchiza ba7aaleza yeehon laammana; intte yexxiza yeththaaka waason laammana; diza pexi issi nay hayqqiin camo yeeho yeekkiza asa mala intte intte hu7e binana buucidi maaqa may7ana mala tani inttena ooththana; he wurseththa gallassay camo gallas gidana.

ታይቦ ማጻፋ 21:28

Hasebooneppe tamay kezides; Lacoykka Sihoone katamappe kezides; Mo7aabe deren Eere geetettizasoza dhayssides; Arnoonen bolla gezze biittan diza halaqatakka dippi histtides.

ታይቦ ማጻፋ 21:30

Hessa gishshas istta zereththay mulera dhaydes; Hasebooneppe biidi Diboone gakkanaas Nofappe biidi Medeba gakkanaas diza ubbaa piski histti laallidos» gida.

ታይቦ ማጻፋ 32:3

«GODAY Isra7eele asaan xoonisida Axaroote derey, Diboone derey, Iyaazeere derey, Nimra derey, Haseboone derey, El7eele derey, Sibima derey, Nebo dereynne Ba7oone derey mehes lo7o; nuuska daro mehey dees.

ታይቦ ማጻፋ 32:38

Hessaththoka guyeppe isttas sunththay laamettida Nebo, Ba7aali-Me7oonenne Seebama katamata zaari gimbida; he katamata ubbatas ooraththa sunth sunththida.

ዛሬ ማጻፋ 14:1

Intte GODAA intte Xoossa nayta; hessa gishshas hayqqida asas mishettidi intte bolla qaaci madunththofte; intte hu7e binanakka buucofte.

ዛሬ ማጻፋ 34:1

Musey Mo7aabeppe dendi pude Nebo zumaa bolla kezides; Iyarkkofe arshey mokkiza baggara diza pude Pizga zuma xeera gakkides; izi heen dishin GODAY Gala7aadeppe biidi Daane gakkanaas diza biitta ubbaa bessides.