ኢሳያሳ ቲንቢቴ 15:1 - Geeshsha Maxaafa

¹ Mo7aabe biitta gishshas GODAY yootida qaalay hayssa; Qiire-Mo7aaben diza Eerey laalettadus; issi gallassa omarsan dippi gadus; qasse Qiire-Mo7aaben diza Qiirey laalettadus; issi gallassa omars dippi gadus.

ጋሞ ማጻፋ

¹ ሞኣቤ ቢታ ጊሻስ ጎዳይ ዮቲዳ ቃላይ ሃይሳ፤ ቂሬ-ሞኣቤን ዲዛ ኤሬያ ላሌታዱስ፤ ኢሲ ጋላሳ ኦማርሳን ዲፒ ጋዱስ፤ ቃሴ ቂሬ-ሞኣቤን ዲዛ ቂሬያ ላሌታዱስ፤ ኢሲ ጋላሳ ኦማርስ ዲፒ ጋዱስ።

ኢሳያሳ ቲንቢቴ 15:1 ပူးပေါင်းရင်းမြစ်များ

2ካዎታ ማጻፋ 3:25

Istta katamata mulera dhayssida; lo7o kaththa gadetikka shuchchan kamettana gakkanaas issoy issoy issi issi shuch gadezan yeggides; pulttotakka mulera tuccida; lo7o lo7o miththata ubbaaka qanxxi qanxxi yeggida; Qiire-Hereesete geetettizaara xalla ba shuchchara attadus; izo gidikkoka yanbarshan olettiza olanchchati giddoththidi olida.

ኢሳያሳ ቲንቢቴ 11:14

Istti arshey wulliza baggara Filisxeemeta dugunththaa wodhdhana; nam7ayka issife gididi arshey mokkiza dereza bonqqana; istti Eedoome bollanne Mo7aabe bolla bantta kushe denththana; Amoone asay isttas haarettana.

ኢሳያሳ ቲንቢቴ 13:1

Amoxe naa Isayaasas GODAY Baabiloone gishshas qonccisiin izi be7idayssi hayssafe kaallizayssa;

ኢሳያሳ ቲንቢቴ 14:28

Kawo Akaazey hayqqida layth hizgiza qaalay yides;

ኢሳያሳ ቲንቢቴ 16:11

Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ኢሳያሳ ቲንቢቴ 16:6

Yuhuda asay, «Mo7aabeta hallaca, otoreteththaanne moodheteththa, ceeqeteththaanne kadheza siyidos; gido attiin istta otoreteththi hada» gaana.

ኢሳያሳ ቲንቢቴ 16:7

Hessa gishshas Mo7aabeti waassana; issi bolla Mo7aabes yeekkana; Qiire-Hereesete katama asaa gishshas yuushshi qoppidi kayottishe yeekkana.

ኢሳያሳ ቲንቢቴ 25:10

GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ኢሳያሳ ቲንቢቴ 25:12

Istti dhoqqu histti gimbida gimbeza izi duge ziqqi histtana; duge woththana; kawushshidi duge sa7an woththidi gudulla bolla yeggana.

ኤርማሳ ቲንቢቴ 9:26

Heytikka Gibxe, Yuhuda, Eedoome, Amoone, Mo7aabenne bantta hu7e ciiri meedidi bazzon diza asaa ubbata. Ha kawoteththatan diza asay ubbay tumukka qaxxarettibeenna; Isra7eele asaa ubbaa wozinaykka qaxxarettibeenna» gees.

ታይቦ ማጻፋ 21:28

Hasebooneppe tamay kezides; Lacoykka Sihoone katamappe kezides; Mo7aabe deren Eere geetettizasoza dhayssides; Arnoonen bolla gezze biittan diza halaqatakka dippi histtides.

ዛሬ ማጻፋ 2:18

«Mo7aabe deres tiixa bolla diza Eere biittara intte hach kanththi baanaas bessees.

ዛሬ ማጻፋ 2:19

Hessafe kaallidi Looxe zereth gidida Amoone asata waayisopite; isttara olettanaas istta denththeththofte; tani Amoone biittaa isttas duussaso histta immida gishshas istta xinxxofe aykkoka inttes immike.»

ዛሬ ማጻፋ 2:9

Xoossayka taas, «Looxe zereth Mo7aabe asata waayisopite; isttara olettanaas istta denththeththofte; tani Eere katama isttas duussaso histta immida gishshas istta xinxxofe aykkoka inttes immike» gides.