ኢሳያሳ ቲንቢቴ 13:18 - Geeshsha Maxaafa

¹⁸ Istta wondafeti wodallata wursana; qeeri naytakka maarettenna; istta wozinaykka naytas mishettenna.

ጋሞ ማጻፋ

¹⁸ ኢስታ ዎንዳፌቲ ዎዳላታ ዉርሳና፤ ቄሪ ናይታካ ማሬቴና፤ ኢስታ ዎዚናይካ ናይታስ ሚሼቴና።

ኢሳያሳ ቲንቢቴ 13:18 ပူးပေါင်းရင်းမြစ်များ

2ካዎታ ማጻፋ 8:12

Azaheeleykka, «Ta goday ays yeekkizee?» gi oychchides. Elssa7ikka zaaridi izas, «Neni Isra7eele asaa bolla gaththana qohoza ta eriza gishshas yeekkays; ne istta miixata taman xuuggana; istta naateththa naytakka mashshan wodhana; isttas qeeri naytakka biitta bolla dinccereththana; shaara maccassata ulo ne daakkana» gides.

2ታሪኬ ማጻፋ 36:17

Hessa gishshas GODAY Baabiloone kawo istta bolla denththidi ehides; histtiin Xoossa Keeththaa giddon izi istta yelaga attuma nayta mashshan suppu histtides; yelaga attuma nayta, woykko geela7ota, woykko cimata, woykko ceegata Xoossi istta ubbaa Nabukadanaxoore kushen aaththi immides.

ዬ ማጻፋ 127:3

Nayti GODAAPPE imettiza imotata; naytikka tumappe iza woyto.

ኢሳያሳ ቲንቢቴ 13:16

Istta ayfey be7ishin istta nayta busakkana; istta keeththatikka bonqqettana; istta machchetakka haray gayttana» gees.

ኢሳያሳ ቲንቢቴ 47:9

Ha nam7u yo7oti, am7eteththinne yeli dhonththi qofay baynda issi gallas ne bolla gakki wodhdhana; ne ay keena bitikkoka, ne ay keena muurennikokka istti ne bolla kumeththa wolqqara yaana.

ኢሳያሳ ቲንቢቴ 5:28

Istta yiishshay hoxe; istta wondafeykka waaxetti uttides. Istta parata qinccafilley zaalla shuchcha mala; istta para-gaareta erzoykka gote mala.

ኤርማሳ ቲንቢቴ 18:21

Hessa gishshas istta nayta koshassinne mashshas aaththa imma; istta maccassati maynnenne am7eta gidetto; istta attumasatikka para hayqon wuretto; istta naateththa nayti olason mashshas gidetto

ኤርማሳ ቲንቢቴ 5:16

Istta mashsha koohoy doya diza duufo mala; istti ubbayka wolqqama olanchchata.

ኤርማሳ ቲንቢቴ 50:30

Hessa gishshas izi naateththa attuma nayti aadhdhooson aadhdhooson hayqqana; izi olanchchati ubbay he gallas kundana» gees GODAY.

ኤርማሳ ቲንቢቴ 50:42

Istti wondafetanne mashshata oykkida; istti maarontta menxe iitata, maarokka ooththettenna; istti parata toggishin istta giirissay abba dambala mala guummees; hanne Baabiloone macca nayee! olas giigettida olanchchata mala ne bolla yaana.

ኤርማሳ ቲንቢቴ 51:22

Nenan maccassatanne attumasata menththereththadis; cimatanne naateththata menththereththadis; panththatanne geela7ota menththereththadis.

ኤርማሳ ቲንቢቴ 6:23

Istti wondafenne toora oykkida. Istti menxe iitatanne qadhetay bayndayta; istti bantta parata toggiza wode abbay guummiza mala guummeettes. Intteno Xiyoone macca naytoo! Istti giigettidi inttena olanaas yeettes» gees.

ሂዚቄላ ቲንቢቴ 9:10

Hessa gishshas tani isttas istta hano mala immana attiin ta isttas qadhettike; istta bolla yiza metoppe ta istta ashshike» gides.

ዳኔላ ቲንቢቴ 7:5

«Nam7anththo do7azi zardo do7a misatees; izi issi millen dhoqqu gi eqqides; izi ba achchan heedzdzu mille meqeththata saxxi oykkides; ‹Ne koyida keena asho ma› giza qaalay izas yootettides.

ሆሴኤ ቲንቢቴ 13:16

Samaariya asay bantta Xoossa bolla makkallida gishshas bantta qoho tookkana; mashshankka siifettana; qeeri nayti biitta bolla dinccettana; qanththara diza maccassata uloy daakettana» gees.

ናሆሜ ቲንቢቴ 2:1

Hanne Nannawe! Nena qohanay ne bolla yides; ne miixa naaga; ne oge xomosa; minththa gixxa; ne wolqqa ubbaa minththa.

ናሆሜ ቲንቢቴ 3:10

Gido attiin iza di7ettadus; goodetta badus; izi nayti ogeta tiixa bolla dinccettida; izi daannata bolla saamay wodhdhides; izi gita asati ubbay sansalatan qashettida.