ኢሳያሳ ቲንቢቴ 12:2 - Geeshsha Maxaafa

² ‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ጋሞ ማጻፋ

² ‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኢሳያሳ ቲንቢቴ 12:2 ပူးပေါင်းရင်းမြစ်များ

2ሳሜላ ማጻፋ 7:24

Ne dereza Isra7eele mernaas nees buzo dere ooththada minththadasa; GODAWU, ne iza Xoos gidadasa.

ኢዮቤ ማጻፋ 13:16

Nagaranchcha asi Xoossa sinththi shiiqanaas dandayontta gishshas oonee erizay hayssi ta xalateththi paxanaas gaaso gidanaas dandayees.

ዬ ማጻፋ 112:8

Iza wozinay mino; mulekka yayyenna; wurseththan ba morkketa kundeth izi be7ana.

ዬ ማጻፋ 118:14

GODAY taas minoteththinne yeththa; tana ashshizay iza.

ዬ ማጻፋ 118:21

Neni taas siyida gishshassinne xoono immida gishshas tani nena galatays.

ዬ ማጻፋ 27:1

GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ዬ ማጻፋ 65:6

Neni ne wolqqa gixettadasa; zumatakka ne minththa essadasa.

ዬ ማጻፋ 68:20

Be7ite! Nu Xoossi ashshiza Xoossa! Hayqoppe attana dandayettizay GODAY ashshiina.

ዬ ማጻፋ 68:21

Xoossi tumappe ba morkketa hu7e kinchchana; nagara ogen hemettiza goofaranchchata hu7e qoo7ereththana.

ዬ ማጻፋ 83:18

Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.

ኬሳ ማጻፋ 15:2

GODAY taas wolqqanne mazamure; izi tana ashshides. Izi ta Xoossa; tani iza sabbana. Izi ta aawa Xoossa; tani iza dhoqqu dhoqqu histtana.

ኢሳያሳ ቲንቢቴ 10:24

Hessa gishshas GODAY, Ubbaafe Wolqqama GODAY, «Xiyoonen diza ta derezoo! Gibxeti ne bolla ooththidayssaththo guufe ne bolla denththidayta durqqan nena qoxxida Asoore asaas babbofa.

ኢሳያሳ ቲንቢቴ 17:10

Nena ashshiza Xoossaa baladasa; ne izan qotetta attiza ne zaallaka akeekabeekka; hessa neni doorettida atakilte tokkikokka, ooraththa zereth ne zerikkoka,

ኢሳያሳ ቲንቢቴ 27:5

Woykko taakko yiidi tana banttas qotettizaso kessetto; tanara giigetto; ee tanara giigetto» geetettana.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ኢሳያሳ ቲንቢቴ 33:22

GODAY nuus pirdiza daanna; GODAY nuus woga immizaade; GODAY nuus kawo; nuna ashshanaykka iza.

ኢሳያሳ ቲንቢቴ 38:20

GODAY tana ashshana; hessa gishshas nuni nu de7iza layththata ubbaan, GODAA keeththan waaxettida diiththan yexxana.

ኢሳያሳ ቲንቢቴ 45:17

Isra7eeley gidikko GODAAN mernaa atoteth attana; intteka mernaas yeellatekketanne kawuyekketa.

ኢሳያሳ ቲንቢቴ 49:5

Ha7i tani GODAA ayfe sinththan bonchchettadis; Xoossay taas wolqqa gidides; tani Yaaqoobe izakko zaarana mala, Isra7eele izakko shiishshana mala ooththida GODAY ha7ikka zaaridi,

ኢሳያሳ ቲንቢቴ 50:10

Intte giddofe GODAAS yayyizay, iza ayllaa qaalas azazettizay oonee? Hessaadey dhuman bizaa gidikkonne poo7oy izas baynda aggiko izi GODAA sunththan ammanetto; ba Xoossankka zemppo.

ኢሳያሳ ቲንቢቴ 51:12

GODAY, «Inttena minththizay Tani xalla Iza; hayqqiza asa zereth, maata mala shulliza asa naas ays babbay?

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ኢሳያሳ ቲንቢቴ 62:11

Be7ite, GODAY sa7a gaxa gakkanaas, «Xiyoone macca nays, ‹Hekko nena Ashshizaadey yees; ne waagay iza kushen dees; ne qaaday izakkon dees› giite» giidi awajjides.

ኢሳያሳ ቲንቢቴ 65:18

Gido attiin tani medhdhizayssan ufayettite; mernaas hombocite; tani Yerusalaame ufayssas, izi deraakka homboceththas medhdhana.

ኢሳያሳ ቲንቢቴ 7:14

Histtiko GODAY barkka inttes malata bessana; geela7oy shaarana; attuma naa yelana; iza sunththaaka, ‹Amanu7eele› gaada sunththana.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኤርማሳ ቲንቢቴ 3:23

Nuni zumbullata bollanne zumata bolla eeqa xoossatas goynoy tumappe nuus bala; tumappe nuus Isra7eeletas atoteththi GODAA nu Xoossaafe.

ዳኔላ ቲንቢቴ 3:28

Hessafe guye tani kawo Nabukadanaxoorey, «Izi ba kiitanchcha kiittidi ba oosanchchata ashshida Sidiraaqa, Misaaqanne Abdinaago Xoossay galatetto! Isttika ba Godaan ammanettidi ba Xoossas attiin hara eeqa xoossatas ooththokonne goynnoko giidi kawoza azazo ixxidi ba shemppo aaththi immida.

ሆሴኤ ቲንቢቴ 1:7

Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.

ኢዩኤሌ ቲንቢቴ 2:23

Intteno Xiyoone deretoo, GODAAN intte Xoossan ufayssi ooththite; izi tumu pirdidi badhdhesa iranne ofinththa ira wogara immides.

ዮናሳ ቲንቢቴ 2:9

Gido attiin ta galata nees yarshana; ta adinettidayssa ubbaaka gaththana; ays giikko atoteththi GODAAPPE yees» gi woossides.

ኢምባቆ ቲንቢቴ 3:18

Tani ta GODAAN ufayettana; ta izan attida Xoossan ufayettana.

ኦሮሜ ኣሳስ 1:16

Ammanizayti wuri attana mala Xoossa wolqqa gidida gishshas tani mishiraachcho qaalan yeellatikke; hessika koyro Ayhudatas kaallidi Ayzaabetassa.

1ጺምቶሳስ 3:16

Tumu Ayana duussa xuuray sidhey baynda gita; izikka, «Ase gidides; iza Xilloteththi Xillo Ayanan qonccides; kiitanchchatas beettides; dere ubbaas sabbakettides; alamen dizaytan ammanettides; bonchchora pude dendi bides» gizayssa.

ዮሃኒሳ ኣጁታ 7:10

Qaala dhoqqu histtidi, «Atoteththi algaa bolla uttida nu Godaappenne dorsazappeko!» gida.

1ሳሜላ ማጻፋ 2:1

Haannay, «Ta wozinay GODAAN ufayettides; ta kacey Xoossan dhoqqu dhoqqu gides; neni tana ashshida ashon tani ufayettida gishshas ta doonay ta morkketa bolla doyettides.