ኢሳያሳ ቲንቢቴ 11:15 - Geeshsha Maxaafa

¹⁵ GODAY iita carkon Gibxe abba melissana; izi ba kushe Efiraaxise shaafa bolla yeddana; laappun kessi shaakereththi yeggana; hessa gishshas asay tohoppe caamma kessontta pinnana.

ጋሞ ማጻፋ

¹⁵ ጎዳይ ኢታ ጫርኮን ጊብጼ ኣባ ሜሊሳና፤ ኢዚ ባ ኩሼ ኤፊራጺሴ ሻፋ ቦላ ዬዳና፤ ላፑን ኬሲ ሻኬሬ ዬጋና፤ ሄሳ ጊሻስ ኣሳይ ቶሆፔ ጫማ ኬሶንታ ፒናና።

ኢሳያሳ ቲንቢቴ 11:15 ပူးပေါင်းရင်းမြစ်များ

ኬሳ ማጻፋ 14:21

Hessafe guye Musey abbaa bollan ba kushe piddisides; GODAY he gallassa omars kumeth arshey mokkiza baggafe wolqqama carko yeddidi, abbaa shaakki shaakkidi mela biitta kessides. Haaththayka nam7an shaakettides.

ኬሳ ማጻፋ 14:22

Isra7eele asay abbaa giddon mela biittara hemettidi haaththi isttas ushachcharanne hadirsara goda mala eqqiin bida.

ኬሳ ማጻፋ 14:29

Gido attiin Isra7eele asay haaththi isttas ushachcharanne hadirsara goda mala eqqi dishin abbaa giddora mela biitta bollara hemetti bides.

ኢሳያሳ ቲንቢቴ 19:16

He wode Gibxe asay maccassa mala gidana. Qasse Ubbaafe Wolqqama GODAY istta bolla ba qese denththiza wode istti yashshan kokkorana.

ኢሳያሳ ቲንቢቴ 43:16

Abbaa giddora oge, wolqqama haaththa giddora aadhdhizaso kessida GODAY,

ኢሳያሳ ቲንቢቴ 44:27

Tani ciimma haaththaaka, ‹Ne mela gida! Ne shaafatakka ta melissana› gaana.

ኢሳያሳ ቲንቢቴ 50:2

Tani yiza wode heen asi ays dhaydee? Ta xeygiza wode zaaro immiza asi heen waani dhaydee? Inttena wozzana miish cigganaas ta kushey qaammadee? Woykko inttena ashshanaas taas wolqqay guuththee? Be7ite ta hanqon abba melissays; shaafatakka bazzo kessays; isttan diza moleti saamon hayqqidi zeeqqeettes.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኢሳያሳ ቲንቢቴ 7:20

He wode GODAY Efiraaxise Shaafa pinththafe garxxi ehida magallan, hessika Asoore kawoy yiidi inttes hu7e binanaa, intte buuchchinne intte bolla diza iske ubbaa meedana.

ኢሳያሳ ቲንቢቴ 8:7

Hessa gishshas tani GODAY minonne wolqqama gidida Efiraaxise haaththa haro, Asoore kawo iza teemaranne bonchchozara istta bolla ehana; haaththazi shaafaza kumi polchchidi shaafa doonan diza biitta ubbaa mittana.

ሂዚቄላ ቲንቢቴ 29:10

Hessa gishshas tani ne bollanne ne shaafata bolla dendadis; Gibxe biitta Migidooleppe biidi Asiwa gakkanaas, heeppeka biidi Tophphiya zawa gakkanaas laallada tani bulasana.

ሂዚቄላ ቲንቢቴ 30:12

Abbaye shaafa tani melissana; biittayokka iita asatas bayzana; allagata kushen biittayonne izin diza ubbaa ta bula histtana; tani GODAY hayssa yootadis.

ዛካራሳ ቲንቢቴ 10:11

Istti abba giddora waayetti aadhdhana; abba dambalay co7u gaana; ciimma abbayka wuri miccana; otoranchcha Asoore dere asay kawuyana; Gibxe Kawoteththa xam7ay meqqana.

ዮሃኒሳ ኣጁታ 16:12

Usuppunththa kiitanchchay qasse ba xuu7aza wogga Efiraaxise shaafan gussides; arshey mokkiza baggafe yaana kawotas oge giigsana mala shaafazi melides.