ኢሳያሳ ቲንቢቴ 11:11 - Geeshsha Maxaafa

¹¹ He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ጋሞ ማጻፋ

¹¹ ሄ ዎዴ ጎዳይ ናምኣን ባ ኩሼ ሚጪዲ ኣቲዳ ኣሳ ኣሶሬፔ፥ ፑዴሃ ጊብጼፔ፥ ዱጌሃ ጊብጼፔ፥ ቶጵያፔ፥ ኤላሜፔ፥ ሳናኦሬፔ፥ ሃማቴፔኔ ኣባ ጋጻን ዲዛ ዴሬታፔ ሺሻና።

ኢሳያሳ ቲንቢቴ 11:11 ပူးပေါင်းရင်းမြစ်များ

ሜቴ ማጻፋ 10:10

Iza kawoteththan koyro katamati Sana7oore biittan diza Baabiloone, Ereeke, Akkaadenne Kalanahe.

ሜቴ ማጻፋ 10:22

Seeme attuma nayti Elaame, Asoore, Arfaakiside, Luudenne Aaraame.

ሜቴ ማጻፋ 11:2

Asay arshey mokkiza bagga simmidi bishe Sana7oore geetettiza biittan issi dembaso demmidi heen uttides.

ሜቴ ማጻፋ 14:1

He wode Sana7oore Kawoy Amiraafeeley, Eelaasaare kawoy Aryookey, Elaame kawoy Kadorlaa7oomereynne ayzaabe kawo Tidi7aaley oyddati,

ሜቴ ማጻፋ 2:13

Nam7anththo shaafaa sunththi Giyoone; Giyooney Tophphiya biitta yuusho ubbaan goggees.

2ካዎታ ማጻፋ 17:24

Asoore kawoy dereza Baabilooneppe, Kutappe, Awappe, Hamaateppenne Sefarwayme katamappe shiishshi ehidi kase Isra7eele asay dizason daana mala Samaariya katamatan woththides. Isttika Samaariya baas laattidi he katamatan duus oykkida.

ኣስቴሪ ማጻፋ 10:1

Kawo Arxekisisi ba haariza dere ubbaa bolla biidi abba lanqe gakkanaas dizayta bolla giira yeggides.

ዬ ማጻፋ 68:22

Goday, «Tani intte morkketa Baasaaneppe zaarada ehana; tani istta ciimma abba giddofe kessada guye zaarana.

ኢሳያሳ ቲንቢቴ 1:9

Ubbaafe Wolqqama GODAY nuus zereth ashshonttaakko, nuni Sodoome malanne Gamoora mala gidanakkoshin.

ኢሳያሳ ቲንቢቴ 10:20

He wode Isra7eele zareppe casha attidayti, Yaaqoobe keeththafe attidayti hayssafe guye banttana shocidayta bolla zemppettenna; gido attiin GODAAN Isra7eele Geeshshan tumappe ammanettana.

ኢሳያሳ ቲንቢቴ 10:9

‹Kalnnoy Karkamishe mala, Hamaatey Arfaade mala, Samaariyaykka Damasqo mala gidettennee?

ኢሳያሳ ቲንቢቴ 11:16

Kase Isra7eeley Gibxeppe kezishin hanidayssaththo Asooren attida asay kezana oge isttas giigsana.

ኢሳያሳ ቲንቢቴ 19:21

GODAY bana Gibxetas qonccisana; isttika he gallas GODAA erana; yarshoninne kaththa yarshon iza goynnana. Istti GODAAS adinettana; ba adinettidayssaka gaththana.

ኢሳያሳ ቲንቢቴ 19:22

GODAY Gibxe boshan shocana; zaaridikka istta paththana; isttika GODAAKKO simmana; izikka istta woosa siyidi istta paththana.

ኢሳያሳ ቲንቢቴ 21:2

Yashshiza ajjuuta ta be7adis; aaththi immizayssi aaththi immees; di7izayssi di7ees. Elaame denda! Meedoone giddoththa! iza gaththida waaye ubbaa ta essana.

ኢሳያሳ ቲንቢቴ 22:6

Elaamey wondafe yiishsha kooho, ba paratanne para-gaareta giigsides; Qiireykka ba gondalle oykkides.

ኢሳያሳ ቲንቢቴ 24:15

Hessa gishshas arshey mokkiza baggara dizaytoo, abban diza haruroti GODAA Isra7eele Xoossaa, sunththaa dhoqqu dhoqqu histtite.

ኢሳያሳ ቲንቢቴ 37:31

Yuhudappe attida cashati xapho duge yeddidi bollan ayfe ayfana.

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኢሳያሳ ቲንቢቴ 42:12

Istti bonchcho GODAAS immetto; iza galataykka harurotan awajjetto.

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 45:14

GODAY, «Gibxe dureteththinne Tophphiya zal7ey, qasse geesan adus gidida Saaba asatikka neekko yaana; neyta gidana. Istti nena kaallana; sansalatan qashetti neekko yiidi nees goynnana; isttas, ‹Tumappe GODAY nenara dees; izappe attiin hara Xoossi deenna› giidi woossana» gees.

ኢሳያሳ ቲንቢቴ 49:12

Hekko istti haaho dereppe yaana; issi issineti pudehappe, baggayti arshey wulliza baggafe, hankko attidayti Sinimeppe yaana» gees.

ኢሳያሳ ቲንቢቴ 66:19

Tani istta giddon malata ooththana; isttafe attida issi issineta gede kawoteththatakko, Tarseese, Puuxe, wondafen olettiza erettida Luudetakko, Tubaalenne Yaawaane hessaththoka ta goobateththaa siyonttaytakkonne ta bonchcho beyonttaytakko haakon diza abba giddon diza harurotakko ta yeddana; ta bonchcho kawoteththata giddon yootana.

ኤርማሳ ቲንቢቴ 25:25

Zimire, Elaamenne Meedoone kawota ubbaa ushshadis.

ኤርማሳ ቲንቢቴ 31:10

«Intteno kawoteththatoo GODAA qaala siyite! Haahon diza abba gaxatankka, ‹Isra7eele laalliday izi istta zaari shiishshana; ba wudezakka heenththanchcha mala izi heemmana› giidi awajjite.

ኤርማሳ ቲንቢቴ 44:1

Gibxen pudeha baggara diza Migidoolen, Xaafinaaseninne Memppisan hessaththoka Gibxeppe dugeha baggan diza Ayhuda asaas GODAA qaalay Ermaasakko yiidi,

ኤርማሳ ቲንቢቴ 49:23

GODAY Damasqo gishshas, «Hamaate asaynne Arfaade asay Damasqo katama dhayo siyidi dagammides; abba dambala mala shirotides; istta wozinaykka seerides.

ሂዚቄላ ቲንቢቴ 27:6

Baasaaneppe yida wolappe markabe laaggiza miish ooththida; Qophiroose zawappe yida ziga miththaa, danggarsa zaalen aleqessidi ne wuygeza ooththida.

ሂዚቄላ ቲንቢቴ 29:14

Tani isttas zaara ishalo de7o immana; kase istta aawata biitta Phaxiroose ta istta zaarana; izakka kawoteththata ubbaafe laafa gidana.

ሂዚቄላ ቲንቢቴ 30:14

Tani Phaxiroose biitta bula histtana; Xaanoose bolla tama yeddana; Teebeese bolla qixaate yeggana.

ሂዚቄላ ቲንቢቴ 32:24

«Elaama heen dawus; izi olanchchati ubbay izi duufo yuuyi aadhdhi deettes; ubbatikka shukettida; mashshankka hayqqida; paxa dizayta biittan shiro denththida ubbati ammanontta biitta gars gelida; duge biitta gars gelidaytara issife yeella may7i gelida.

ሂዚቄላ ቲንቢቴ 38:8

Daro wodeppe guye neni olas xeygettana; sinththafe yaana layththatan olappe shempidaari, izi asay daro kawoteththata giddofe kezi shiiqidaari, daro wodes bula gidida Isra7eele zumata bolla uttida deraa bolla ne worajjana. Istta kawoteththata giddofe kezidi ha7i saron daana.

ዳኔላ ቲንቢቴ 1:2

GODAY Yuhuda kawo Iyo7aaqeme amarda Xoossa Keeththa miishshatara iza kushen aaththi immides; izikka ba xoossa keeththan woththana Sana7oore efides; izi di7i efida Xoossa Keeththa miishsha ubbaaka ba eeqa xoossata miishshe woththiza keeththan woththides.

ዳኔላ ቲንቢቴ 11:18

Hessafe guye abba achchan diza dereta bolla meto gaththidi istta haarana; gido attiin olanchchata halaqay iza otoreteththaa purshisana; izi ooththida ubbaa iza bolla zaarana.

ዳኔላ ቲንቢቴ 8:2

Elaama awuraajjan Suusa gimbe matan ajjuutan tana beyadis; ajjuutazan tani Ulaye shaafa achchan days.

ሆሴኤ ቲንቢቴ 1:11

He wode Yuhuda asaynne Isra7eele asay simmidi issino gidana. Nam7ati banttana ayssanaade issi as doorana. Qasseka istti bantta deren dichchaninne dureteththan de7ana. Izra7eele gallassay gita gidana.

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ሆሴኤ ቲንቢቴ 11:11

Gibxeppe kafo mala Asooreppe haraphphe mala piradhdhi yaana. Tani istta isttasohon woththana» gees.

ሚኪያሳ ቲንቢቴ 7:12

He gallas asay Asooreppe Gibxe katamata, Gibxeppe Efiraaxise shaafa gakkanaas, abbafe abbaako, zumaappe zumaakko gakkanaas intteko yaana.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ዛካራሳ ቲንቢቴ 5:11

Izikka, «Izas keeth keexxanaas Sana7oore dere efeettes; keexetti giigiza wode daachchoza heen woththana» gides.

ዛካራሳ ቲንቢቴ 8:7

Ubbaafe Wolqqama GODAY, «Tani ta dereta arshey mokkiza bagga deretappenne wulliza bagga deretappe ashshana.

ዛካራሳ ቲንቢቴ 9:2

Ha pirdazikka Damasqo zawan diza Hamaate bolla, aadho erateththi diza Xiroose katamata bollanne Sidoona katamata bolla gakkana.

ኦሮሜ ኣሳስ 11:15

Xoossi istta aggida Ayzaabeti Xoossara giigikko Xoossi Isra7eele nayta zaaridi ekkiza wode inttes aazi hanana misatizee? Hessa guussi, «Hayqoppe dendides» guussa mala.

ኦሮሜ ኣሳስ 11:26

Hessa gishshas Isra7eele nayti wurikka attana. «Ashshizaadey Xiyooneppe yaana; Yaaqoobeppeka iitateth diggana.

2ቆሮንቶሴ ኣሳስ 3:16

Gido attiin issaadey Godaakko simmiza wode goossazi qaaretti kichchees.

ዛሬ ማጻፋ 9:29

Gido attiin ha asay neni ne gita wolqqaninne ne mino qesen nees gidana mala ne doora kessida dere.