ኢሳያሳ ቲንቢቴ 10:21 - Geeshsha Maxaafa

²¹ Casha attidayti simmana; Yaaqoobe keeththafe casha attidayti Ubbaafe Wolqqama Xoossaako simmana.

ጋሞ ማጻፋ

²¹ ጫሻ ኣቲዳይቲ ሲማና፤ ያቆቤ ኬፌ ጫሻ ኣቲዳይቲ ኡባፌ ዎልቃማ ጾሳኮ ሲማና።

ኢሳያሳ ቲንቢቴ 10:21 ပူးပေါင်းရင်းမြစ်များ

ኢዝራ ማጻፋ 1:4

Hayqoppe attidi ba dere simmizaytas heen ba dizason attizayti Yerusalaamen diza Xoossa Keeththaa keexos immiza imotaappe bollara bira, worqqa, Mehetanne hara miishshata gujji imon maaddetto; hessika istti bantta dosan immiza imota gido» gees.

ኢሳያሳ ቲንቢቴ 19:22

GODAY Gibxe boshan shocana; zaaridikka istta paththana; isttika GODAAKKO simmana; izikka istta woosa siyidi istta paththana.

ኢሳያሳ ቲንቢቴ 37:31

Yuhudappe attida cashati xapho duge yeddidi bollan ayfe ayfana.

ኢሳያሳ ቲንቢቴ 46:3

GODAY, «Intteno Yaaqoobe soo asatoo! Isra7eeleppe attida ubbatoo! Intte intte aayi ulon shaara attoosafe haa simmiin inttena ta oykkidaytoo! Intte yelettoosofe doommada ta tookkidaytoo! Ta gizaa siyite.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 59:20

GODAY, «Wozzizaadey Xiyoonessinne Yaaqoobe zaretan bantta nagara paaxidaytakko yaana» gees.

ኢሳያሳ ቲንቢቴ 7:3

Histtiin GODAY Isayaasas, «Neni ne naa Sha7aari-Yaashube ekkada Akaazera gayttanaas baada may7o meeccizayta goshshaakko efiza oge matan ganna baggara de7iza eele haaththa zaraa xeeran neni iza demmana.

ኢሳያሳ ቲንቢቴ 9:13

Derezi gidikko bana shocida GODAAKKO simmibeenna; Ubbaafe Wolqqama GODAAKKA koyibeenna.

ኢሳያሳ ቲንቢቴ 9:6

Hekko nuus nay yelettides! Attuma naykka nuus imettides! Halaqateththi iza hashe bolla gidana; iza sunththi, «Malalisiza zoranchcha, Wolqqama Xoossa, Mernaa Aawa, Saroteththa Halaqa» geetettana.

ኤርማሳ ቲንቢቴ 50:20

He wodetaninne he gallassatan GODAY, «Isra7eele mooroy koyettana; gido attiin issinakka beettuku; Yuhuda nagaraykka koyettana; gido attiin mulekka beettenna; hayqoppe ta ashshida shoogeta ta maarana» gees.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 6:1

Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

ሆሴኤ ቲንቢቴ 7:10

Isra7eele asaa otoreteththi istta bolla markkattees; hessi wuri haniinkka istti GODAA bantta Xoossako simmibeettenna; izakka koyibeettenna.

ሆሴኤ ቲንቢቴ 7:16

Taappe haakkidi hada miishshako simmida; Istti caddana xongiin wora biza toora mala. Istta kaaleththizaytikka bantti haasayza iita qaala gaason mashshan wurana; hessafe dendoyssan istti Gibxe biittan qidhes attana.

ሃዋሬታ ኦሶ 26:20

Gido attiin ta kasetada Damasqon diza asaa kaaleththada Yerusalaameninne Yuhuda dere ubbaan dizayta qasseka Ayzaabetikka nagara ogeppe Xoossako simmidi maarettana mala erisadis; istti nagarappe simmidayssa bessizaaz ooththana mala ta isttas yootadis.