ኢሳያሳ ቲንቢቴ 10:16 - Geeshsha Maxaafa

¹⁶ Hessa gishshas GODAY, Ubbaafe Wolqqama GODAY, modhdhida iza olanchchata bolla gilqisiza harge yeddana; iza bonchchozappe garsara laciza tama yeddana.

ጋሞ ማጻፋ

¹⁶ ሄሳ ጊሻስ ጎዳይ፥ ኡባፌ ዎልቃማ ጎዳይ፥ ሞዳ ኢዛ ኦላንቻታ ቦላ ጊልቂሲዛ ሃርጌ ዬዳና፤ ኢዛ ቦንቾዛፔ ጋርሳራ ላጪዛ ታማ ዬዳና።

ኢሳያሳ ቲንቢቴ 10:16 ပူးပေါင်းရင်းမြစ်များ

2ታሪኬ ማጻፋ 32:21

Histtiin GODAY kiitanchcha yeddidi Asoore kawoy dunkaanidason de7iza olanchchata, ola gadawatanne halaqata dhayssides; hessa gishshas Asoore kawozi kawuyidi ba dere simmides; histtidi ba eeqa xoossaa keeth gelida mala iza attuma nayti iza giththa mashshan siifida.

ዬ ማጻፋ 106:15

Hessa gishshas izi istti woossidayssa immides; gido attiin istta shemppos gilqateth kiittides.

ዬ ማጻፋ 78:31

Xoossa hanqoy istta bolla wodhdhides; istta giddofe mino asata wodhides; Isra7eeleppe payya naateththata mulqqides.

ኢሳያሳ ቲንቢቴ 10:18

Harganchchay gilqidi hayqqiza mala ba woraa bonchchonne aradda biitta, ashonne shemppo mulera dhayssana.

ኢሳያሳ ቲንቢቴ 17:4

«He wode Yaaqoobe bonchchoy shaarumatana; iza modhdhoteththaykka shuumana.

ኢሳያሳ ቲንቢቴ 26:11

Abeet GODAWU! Ne qesey dhoqqu dhoqqu gides. Istti gidikko be7ettenna; Ne asaas ne mishettizayssa be7ettonne yeellatetto; Ne morkketas giigida tamay istta mo.

ኢሳያሳ ቲንቢቴ 31:9

Mino miixay shiro gaason kundana; ola gadawatikka ola bandira be7idi dagaman kumana» gees tamay Xiyoonen, tama coocey Yerusalaamen diza GODAY.

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኢሳያሳ ቲንቢቴ 37:36

He gallassa omarsi GODAA kiitanchchay ke7idi, Asoore asay dunkkaani dizason, 185,000 attumasata wodhides. Histtiin asay maalado suuridi be7iza wode hayqqida asaa ahay heen kumides.

ኢሳያሳ ቲንቢቴ 5:17

He wode dorsati bantta qooron heemettiza mala heemettana; dorsa laaqqati laalettida dureta keeththata sohon maata maana.

ኢሳያሳ ቲንቢቴ 8:7

Hessa gishshas tani GODAY minonne wolqqama gidida Efiraaxise haaththa haro, Asoore kawo iza teemaranne bonchchozara istta bolla ehana; haaththazi shaafaza kumi polchchidi shaafa doonan diza biitta ubbaa mittana.

ኢሳያሳ ቲንቢቴ 9:4

Kase neni Midiyaame biitta xoonida mala istta deexxiza qambara, istta hashe bolla wodhida durqqanne istta waayisi haarida guufe menththadasa.

ኢሳያሳ ቲንቢቴ 9:5

Olanchchata caammay ubbay, suuththan moorettida may7o ubbayka taman dunne gidi eexxana.

ኤርማሳ ቲንቢቴ 21:14

Tani nena ne ooso mala qaxxayana; tani ne woran tama yeddana; iza yuushon dizayssaka ubbaa xuuggana» gees.

ኤርማሳ ቲንቢቴ 48:14

«Intte, ‹Nuni mino olanchchata› gaanaas waani dandaydetii?

ሂዚቄላ ቲንቢቴ 34:16

Tani dhaydayssa koyana; toylattidayssaka zaarana; meqqidayssa koolana; daaburdayssaka minththeththana. Gido attiin tani modhdhidaytanne minnidayta dhayssana; wudeza wogara heemmana.

ናሆሜ ቲንቢቴ 1:12

GODAY, «Istti ay wolqqamatanne darota gidikkoka istti qanxxetti dhayana. Haysso Yuhuda neni hayssafe kase ta nena un7eththidaa gidikko hayssafe guye ta nena un7eththike.

ሶፎናሳ ቲንቢቴ 2:13

Izi ba kushe pudeha baggan diza dereta bolla denththana; Asoore dhayssana. Nannawekka bulasana; bazzo biitta mala melissana.

ዛካራሳ ቲንቢቴ 7:4

Qasseka GODAA qaalay taakko yides;

ሃዋሬታ ኦሶ 12:23

Herdoosikka Xoossas bonchcho immontta aggida gishshas Godaa kiitanchchay heerakka Herdoosa shoci yeggiin guxuni hayqqides.