ኢሳያሳ ቲንቢቴ 10:12 - Geeshsha Maxaafa

¹² GODAY Xiyoone zuma bollanne Yerusalaame bolla ba ooththana ooso ubbaa polidaappe guye, «Asoore kawo iza wozina otoreteththaa gishshassinne izi kadhe ayfen xeelliza gishshas ta iza qaxxayana» gees.

ጋሞ ማጻፋ

¹² ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 10:12 ပူးပေါင်းရင်းမြစ်များ

2ካዎታ ማጻፋ 19:31

Yerusalaamen shemppora paxa attidayti, Xiyoone zuman hayqoppe attidayti istti kezana. GODAA Ubbaafe Wolqqama Xoossaa zil7eteththi hessa ooththana.›

ዬ ማጻፋ 18:27

Ashketa ne ashshaasa; gido attiin otoranchchata kawushshaasa.

ዬ ማጻፋ 21:10

Neni istta nayta biittafe diggana; istta zereththaaka dereppe denththa dhayssana.

ዬ ማጻፋ 76:10

Neni as hanqikokka hessi ne bonchchos gidees; olappe attidayti ne ba7aale bonchchana.

ዬ ማጻፋ 76:5

Gooba olanchchati bonqqettida; isttafe issoyka ba kushe denththana dandaybeenna; istti wolqqama dhisko dhiskida.

ሌሚሶ ማጻፋ 21:4

Otoroynne hallacay iita asata bessiza malata; hessika nagara.

ሌሚሶ ማጻፋ 30:13

Otoron kumida asatinne as kadhidi xeelliza asati deettes.

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ኢሳያሳ ቲንቢቴ 2:12

Ubbaafe wolqqama GODAY Otoranchchata, moodhettizaytanne ceeqettizayta kawushshanaas gallas bari woththides.

ኢሳያሳ ቲንቢቴ 24:21

He gallas GODAY bolla salon diza wolqqamata gars biitta bolla diza kawotakka qaxxayana.

ኢሳያሳ ቲንቢቴ 27:7

Izo shocidayta shocida mala GODAY izo shocidee? Izo wodhidayta izi wodhida mala izo wodhidee?

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ኢሳያሳ ቲንቢቴ 29:14

Hessa gishshas tani ha asaa bolla malalisiza miishsha bolla malalisiza miish ooththashe zaara zaara istta malalissana; aadho eranchchata erateththi dhayana; akeekanchchata akeekaykka pentti baana» gides.

ኢሳያሳ ቲንቢቴ 33:1

Nees dhayontta dashe hara dhayssizayssoo! Nees aayye ana! Nena aaththi immontta dishin hara aaththa immizayssoo! Nees aayye ana! Neni dhayso aggida wode ne dhayana; neni aaththa imo aggida wode nena aaththi immana.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኢሳያሳ ቲንቢቴ 5:15

Asi ubbay tooshettananne kawuyana; otoranchchati ubbay yeellatana.

ኢሳያሳ ቲንቢቴ 50:11

Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ኢሳያሳ ቲንቢቴ 65:7

Intte nagara halonne intte aawata nagara halo ta kessana. Istti zumata bolla xuugettiza yarsho shiishshida gishshas, zumbullata bolla tana cayida gishshas, istti makkida miishshan isttas zaari makettana; istti kase ooththida ooso kushe zaari ekkana» gees.

ኢሳያሳ ቲንቢቴ 9:9

Efreemeninne Samaariyan de7iza derey ubbay hessa Xoossi ooththidayssa erana; otoroninne moodheteththan dendidi,

ኤርማሳ ቲንቢቴ 25:29

Be7ite; ta sunththay xeygettida katamayo ta dhayso doommana; histtiin intte qaxxayettontta atti baanee? Tani sa7an diza ubbaa bolla ola xeygida gishshas intte qaxxayettontta atteketa› gees» gides.

ኤርማሳ ቲንቢቴ 50:18

Hessa gishshas Ubbaafe Wolqqama GODAA Isra7eele Xoossay, «Asoore kawo tani qaxxayda mala Baabiloone kawonne iza biitta qaxxayana.

ኤርማሳ ቲንቢቴ 50:32

Otoranchchay dhuphettidi kundana; denththanaykka deenna; iza yuushon dizayta ubbaa miza tama iza katamata bolla yeddana» gees.

ሂዚቄላ ቲንቢቴ 31:10

«Hessa gishshas Ubbaa Haariza GODAY, ‹Cuppu gida bonccota bolla xeeraa dhoqqu histtidi bana zaradhissida gishshas, ba adussateththan izi otorettida gishshas,

ሂዚቄላ ቲንቢቴ 31:14

Hessa gishshas haaththa lanqen diza ay miththika ba xeera cuppu gida bonccotappe bollara dhoqqu histtidi hayssafe guye bana otoron zaradhissenna; qasseka ay miththika lo7eththidi hayssaththo aduqqenna; ubbayka hayqqidi duge duufon gelizaytara issife hayqqana mala pirdettides› gees.

ዳኔላ ቲንቢቴ 11:45

Izi ba kawoteththa dunkaaneza abbaafenne geeshsha zumaappe giddon tokkana; gido attiin hessi wuri haniinkka izas wurseth gidana; iza maaddanaykka beettenna» gides.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ታይቦ ማጻፋ 24:24

Olas worajjiza asay markabera Qophirooseppe yaana; isttika Asoorenne Eboore dhayssana; isttika ba hu7es mernaas dhayana» gi tinbite yootides.

Maatosa 12:33

«Miththi wuri ayfen erettizayssa mala intte lo7o ayfe demmanaas inttes lo7o miththi do; inttes iita miththi dizaa gidikko intte iita ayfe ekkana.

Maatosa 15:19

Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees.

ዛሬ ማጻፋ 32:27

Gido attiin istta morkketi, ‹Nuni nu wolqqan istta xoonidos attiin Xoos gidenna› giidi otoreteththan ceeqettidi tana hanqeththanaakko gaada qoppays.

1ጴጽሮሳ ኪታ 4:17

Pirday doomettanaas wodey matides; he pirday doomettanay koyro Xoossa asaa bollako! Histtiin pirday nunan doommiko Xoossa Mishiraachcho qaalaas azazettontta ixxida asaa wurseththi ay gidanee?