Ibirawe 4:12 - Geeshsha Maxaafa

¹² Xoossa qaalay paxa dizayssanne ooththiza qaala; nam7u bagga qara mashshafekka aadhdhi qara; shempponne ayana, shayanne koldzeka shaakkana gakkanaas caddees; wozina qofaanne amoteththaaka paacci xeellees.

ጋሞ ማጻፋ

¹² ጾሳ ቃላይ ፓጻ ዲዛይሳኔ ኦዛ ቃላ፤ ናምኡ ባጋ ቃራ ማሻፌካ ኣ ቃራ፤ ሼምፖኔ ኣያና፥ ሻያኔ ኮልካ ሻካና ጋካናስ ጫዴስ፤ ዎዚና ቆፋኔ ኣሞቴካ ፓጪ ጼሌስ።

Gamo Geesha Maxxafa New Testamen

¹² Xoossa qaalay paxxa dizayssane oothiza qaalako. Nam77u bagga qara mashafeka adhdhi qara; Shempone ayana; shayane qinccifileka shaakana gakanas caades. Wozina qofane amotethaka paaci xeeles.

Ibirawe 4:12 ပူးပေါင်းရင်းမြစ်များ

ዬ ማጻፋ 110:2

GODAY nees maata guufe Xiyooneppe kiittana; nenikka morkketa haarana.

ዬ ማጻፋ 119:130

Ne qaala birsheththay poo7o immees; akeekay paccidaytas akeeka immees.

ዬ ማጻፋ 139:2

Tani awude uttizaakkonne awude eqqizakko neni eraasa; neni ta qofa ubbaa haakoppe akeekaasa.

ዬ ማጻፋ 149:6

Istta doonan Xoossa galatay, istta kushenkka qara giththa mashshay de7o.

ዬ ማጻፋ 45:3

Wolqqama kawoo! Ne mashsha gixxa; bonchchonne teema may7a.

ሌሚሶ ማጻፋ 5:4

Gido attiin iza wurseththan godare uuththa mala cammawus; nam7u baggara qanxxiza qara mashsha mala.

ኤራንቻታ ማጻፋ 12:11

Aadho eranchcha qaalay cikka mala hoxe; qasse iza tossetikka addafe dhishkettida dhishke mala; heytikka issi heenththanchchafe imettidayta.

ኢሳያሳ ቲንቢቴ 11:4

Gido attiin hiyeesatas xillo pirdana; sa7a bolla manqotas suure pirdana; ba inxarsaa xam7an sa7a shocana; ba doona peenon iitata wodhana.

ኢሳያሳ ቲንቢቴ 49:2

Ta inxarsaa giththa mashsha mala qarasides; ba kushe kuwan tana genththides; izi tana hoxe yiishsha mala ooththides; histtidi ba kooho giddon tana qottides.

ኢሳያሳ ቲንቢቴ 55:11

ta doonappe keziza qaalaykka coo hada haa taakko simmenna; gido attiin izi tani koyidayssa ooththees; ba kiitettida waanna qofaakka polees.

ኤርማሳ ቲንቢቴ 17:10

Tani GODAY as ubbaas iza oge malanne iza ooso mala immanaas asaa wozina pilggayssinne iza kaha paaccays» gees.

ኤርማሳ ቲንቢቴ 23:29

«Ta qaalay tama malanne shuch qeriza naariqa mala gidennee?» gees.

ሉቃሳ ሚሺራቾ 8:11

«Zereththaza leemisoykka hayssa; zereth geetettidayssi Xoossa qaala.

ዮሃኒሳ ሚሺራቾ 12:48

Tana koyonttaadenne ta qaala ekkonttaade bolla pirdanaadey dees; ta izas yootida qaalay wurseththa gallas iza bolla pirdana.

ዮሃኒሳ ሚሺራቾ 6:51

Saloppe wodhdhida de7o qumay tana; hayssa ha qumaappe mizaadey wurikka mernaas daana. Alames de7o gidana mala ta immiza qumay ta ashoza» gides.

ሃዋሬታ ኦሶ 2:37

Derey hessa siyida mala wozinay boshettides; Phexroosanne hankko Yesusi kiittidayta, «Histtiin nu ishatoo! Nu ay ooththinoo?» gida.

ሃዋሬታ ኦሶ 4:31

Istti woossidaappe guye istti dizasoy qaaxxides; wurikka Xillo Ayanan kumidi Xoossa qaala xalateththan yootida.

ሃዋሬታ ኦሶ 5:33

Asati hessa siyidi iita hanqo hanqettida; wodhanakka koyida.

ሃዋሬታ ኦሶ 7:38

Izikka Siina zuma bolla haasayda kiitanchcharanne bazzo biittan nu aawatara dere duulata giddon dees; de7o qaalakka haa nuus aaththanaas ekkides.

ኦሮሜ ኣሳስ 1:16

Ammanizayti wuri attana mala Xoossa wolqqa gidida gishshas tani mishiraachcho qaalan yeellatikke; hessika koyro Ayhudatas kaallidi Ayzaabetassa.

1ቆሮንቶሴ ኣሳስ 1:24

Xoossi xeygidaytas istti Ayhudata gidiin woykko Girike dere as gidikkoka Kirstoosi Xoossa wolqqanne Xoossa erateththa.

2ቆሮንቶሴ ኣሳስ 2:17

Nuni Wodhe demmanaas giidi Xoossa qaala shaqace mala walakereththidi bayziza daro asata mala gidokko; gido attiin Xoossafe kiitettida suure asa mala gididi Kirstoosan Xoossa sinththan suure yootoos.

2ቆሮንቶሴ ኣሳስ 4:2

Gido attiin geemara haniza yeellasiza yo7ota nu aggidos; as baleththoko; Xoossa qaalaa wordora walakkoko; hessa histtanaappe tumu yo7ota qonccera yootishe asi wurikka nu gizayssa ekkana mala nunateththaa Xoossa sinth shiishshoos.

ኤፌሶኔ ኣሳስ 5:13

Poo7oy poo7idaazi wuri qonccen beettees.

ኤፌሶኔ ኣሳስ 5:26

Ba qaala baggara haaththan meecci geeshshi dummasides.

ኤፌሶኔ ኣሳስ 6:17

Atoteth birata qoobe mala hu7en woththite; Ayana giththa mashsha oykkite; hessika Xoossa qaala.

1ታሶሎንቄ ኣሳስ 2:13

Intte nuuppe siyida Xoossa qaalaa ekkida wode ammaniza intte achchan tumu ooththiza Xoossa qaalaa mala ekkideta attiin coo asa qaala mala intte ekkontta aggida gishshas nuni Xoossaa qanxxoy baynda galatoos.

1ታሶሎንቄ ኣሳስ 5:23

Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto.

Ibirawe 13:7

Inttes Xoossa qaala koyroppe yooti kaaleththizayta balopite; istta duussan beettiza lo7o ayfey dizayssa yuushshi qopite; intteka ammanon istta misatite.

Ibirawe 6:5

Xoossaa lo7o qaalanne buro yaana alameza wolqqa ekki be7idayta,

ያቆቤ ኪታ 1:18

Nu iza medheteththaas koyro bayrata gidana mala ba sheneninne ba tuma qaalaan nuna yelides.

1ጴጽሮሳ ኪታ 1:23

Intte nam7anththo yelettiday mernaas minni diza dhayontta de7o Xoossa qaalan dhayontta zereththafe attiin dhayza zereththafe gidenna.

ዮሃኒሳ ኣጁታ 1:16

Izi ba ushachcha kushen laappun xoolintteta oykki uttides; iza doonappe nam7u baggara qara mashshay kezees; iza ayfesoy arshe mala xolqettees.

ዮሃኒሳ ኣጁታ 19:15

Ayzaabeta izara qanxxiza qara mashshay iza doonappe kezees; izi istta birata guufera haarana; izi wursika dandayza Xoossaa mino hanqo qonccisiza woyne cajje yedhdhizason istta yedhdhana.

ዮሃኒሳ ኣጁታ 19:21

Hankko attidayti qasse booththa para toggidayssa doonappe kezida mashshan hayqqida; kafotikka wuri istta ashoza mi kallida.

ዮሃኒሳ ኣጁታ 2:16

Hessa gishshas maaroteththan gela; akkay giikko tani eeson neekko baada nena ta doonappe keziza mashsha misatiza qaalara olana.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

ዮሃኒሳ ኣጁታ 20:4

Hessafe guye tani algata beyadis; he algata bolla pirda pirdanaas godateththi isttas imettidayti uttidayta beyadis; qasseka Yesusa gishshas istti markkattida gishshassinne Xoossa qaalaa gishshas istta qoodhey qanxxettida asata shemppoka beyadis; heytantti do7azassinne iza mislezas goynnibeettenna; iza malataakka ba liiphe bolla gidiin ba kushe bolla woththonttayta; istti hayqoppe dendida Kirstoosara issife shii layth kawotida.

ዳናታ ማጻፋ 3:16

Ehuudey nam7u baggara qarattida issi wadha gidiza giththa mashsha baas giigsides; ushachcha mille baggara may7o giddon gixxides.