ሆሴኤ ቲንቢቴ 9:8 - Geeshsha Maxaafa

⁸ Nabey Xoossara gididi Efreeme naagizaade; gido attiin iza oge ubbaan woximadey, iza Xoossa Keeththan ixoy iza naagees.

ጋሞ ማጻፋ

⁸ ናቤይ ጾሳራ ጊዲዲ ኤፍሬሜ ናጊዛዴ፤ ጊዶ ኣቲን ኢዛ ኦጌ ኡባን ዎጺማዴይ፥ ኢዛ ጾሳ ኬን ኢጾይ ኢዛ ናጌስ።

ሆሴኤ ቲንቢቴ 9:8 ပူးပေါင်းရင်းမြစ်များ

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

1ካዎታ ማጻፋ 18:1

Iray dhayoosofe heedzdzanththo layththan, daro wodeppe guyen GODAY Eelaasa, «Baada Kawo Akaabes qoncca. Tani ha biittaa bolla ira bukisana» gides.

1ካዎታ ማጻፋ 18:19

Ha7i Isra7eele asaa ubbaa Qarmeloose zumaa bolla tanara gayttana mala xeyga; qasse Elzabeeli maaddafe mizayta 450 ba7aale nabetanne 400 Asheeri nabeta shiishsha» gides.

1ካዎታ ማጻፋ 22:11

Isttafe issoy Kin7aane naa Saadooqey biratappe kaceta giigsidi Akaabes, «GODAY, ‹Aaraame asay dhayana gakkanaas neni istta ha kacetan qaycana› gees» gides.

1ካዎታ ማጻፋ 22:22

«GODAY ayanaza, ‹Ne iza wostta baleththanee?› gides. «Ayanazikka, ‹Tani keza baada iza nabeti ubbati wordo haasayana mala ooththana› gides. «Histtiin GODAY, ‹Ero ha7i kezada ba! Baada baleththa; izi nees hanana› » gides.

1ካዎታ ማጻፋ 22:28

Mikiyaasi izas, «Neni saron simmizaa gidikko GODAY ta doonara haasaybeenna» gides. Qasseka Mikiyaasi, «Hayssan diza asay hayssa ta giza qaalaa wozinan woththite» gides.

1ካዎታ ማጻፋ 22:6

Isra7eele kawoy tinbite yootiza oyddu xeetu nabeta shiishshidi, «Gala7aaden diza Eramoote katamaa olanaas booyee booppoo?» giidi istta oychchides. Isttika, «Ba! Ays giikko he katamaa kawoza GODAY ne kushen aaththi immana» gida.

2ካዎታ ማጻፋ 13:21

Issito issi Isra7eele asi hayqqidayssa moogishe meto gaththanaas zamadi uttida asata dingate demmida; hessa gishshas hayqqidayssa ahaza Elssa7e duufon yeggida; ahazikka Elssa7e meqeththi bochchida mala heerakka paxidi addezi ba tohon eqqides.

2ካዎታ ማጻፋ 2:14

Eelaasappe wodhdhida kaabbaan haaththaa shocishe, «GODAY Eelaasa Xoossay awan dizee?» gides; izi haaththaa shociin hadirsinne ushach shaaketti wodhdhiin pinnides.

2ካዎታ ማጻፋ 2:21

Hessafe guye izi pultto haaththi dizaso biidi pulttozan maxine yeggidi, «GODAY, ‹Tani hayssa haaththaa paththadis; hayssafe guye izi hayqos gaaso gidenna; biittayakka ayfe immontta mala diggenna› gees» gides.

2ካዎታ ማጻፋ 4:41

Elssa7ikka, «Ane taas dhiille ekki yiite» gides. He dhiillezakka ekkidi disttezan gujjidi, «Asay maana mala asaas immite» gides. Disttezan qoho gaththiza miishshi beettibeenna.

2ካዎታ ማጻፋ 4:43

Ashkarazikka, «Tani hanno wostta xeetu asas gaththoo?» giidi iza oychchides. Elssa7i gidikko izas, «Asay maana mala isttas imma; GODAY, ‹Istti mi kalliin isttafe palahana› gees» gides.

2ካዎታ ማጻፋ 5:14

Hessa gishshas Ni7imaaney duge shaafan wodhdhidi Xoossa nabezi izas yootida mala Yordaanoosen laappunto geli kezides; iza bollayka geeyidi guuththa naa bolla mala gidides.

2ካዎታ ማጻፋ 5:27

Hessa gishshas Ni7imaane inchchirachchay ne bolla aadhdhana; mernaa gakkanaas nees zereththafe zereththaan aadhdhana» gides. Hessafe guye Giyaazey Elssa7e sinththafe kezi bides; inchchirachcha hargey iza bollaa shachcha mala booththides.

2ካዎታ ማጻፋ 7:19

Olanchchata azazizayssi Xoossa nabezas, «Haray attiin GODAY salo maskoote doydaakko hessi hananee?» gida gishshas Xoossa nabezi «Neni hessa ne ayfera beyana gido attiin ne izappe aykkoka maakka» giidi kase izas zaaro immides.

2ካዎታ ማጻፋ 7:2

Kawozas keehi mata gidida olanchchata halaqazi nabeza, «Haray attiin GODAY salo maskoote doydaakkoka hessi hananee?» gi oychchides. Elssa7ikka izas, «Izi haniin ne iza ne ayfera be7ana; gido attiin izappe aykkoka ne doonan gelththaka» gides.

ዬ ማጻፋ 124:7

Nuni shankkanchchata narxafe kafoy kessi ekkiza mala kessi ekkidos; Yardey duuxxides nunikka kessi ekkidi attidos.

ኤራንቻታ ማጻፋ 9:12

Qasseka ba wode eriza asi deenna; kafoy yarden geliza mala, moley giten oykettiza mala, asikka qoppontta dishin yiza iita wodetan oykettees.

Siiqo Saba 3:3

Katama yuuyi naagizayti tana demmida; tani isttas, ‹Ta siiqoza beyidetii?› gaada oychchadis.

ኢሳያሳ ቲንቢቴ 62:6

Hanne Yerusalaamee! Naagizayta ne dirsata bolla essadis; istti gallassika omars guye geettenna; Intteno GODAAKKO waassizaytoo, mulekka shempofte;

ኤርማሳ ቲንቢቴ 11:19

Tani shukas kaaleththidi efiza dorsa laaqqa mala gidadis. Istti ta bolla, «Ane nuni miththaa qanxxidi iza ayfezara gaththi dhayssoos. Iza sunththay mulekka hassa7ettontta mala, ane nuni iza paxa dizayta giddofe dhoqallidi dhayssoos» giidi istti maqettidayssa tani erabeekke.

ኤርማሳ ቲንቢቴ 14:13

Histtiin tani, «Abeet Ubbaafe wolqqama GODAWU! Aayye ana! Nabeti isttas, ‹Intte ola be7ekketa woykko koshay inttena demmenna; tani inttes wurseth gakkanaas saroteth immana› geettes» gadis.

ኤርማሳ ቲንቢቴ 23:13

Tani Samaariyan diza nabeta bolla ufayssontta miish be7adis; istti Ba7aale sunththan tinbite yootida; ta deraa Isra7eelekka baleththida.

ኤርማሳ ቲንቢቴ 31:6

Efreeme zumbullata bolla naagizayti, ‹Haa yiite; GODAA nu Xoossaako pude Xiyoone ane kezoos› gi xeygana wodey yaana» gees.

ኤርማሳ ቲንቢቴ 6:14

Istti ta deraa madunththaa qeeri miishsha mala xeellida; paxana mala koshshiza ooso ooththibeettenna; Saroy baynda, ‹Saro; saro› geettes.

ኤርማሳ ቲንቢቴ 6:17

Ta inttena naagizayta woththadis; ‹Zayey punettishin siyite› gadis; intte gidikko, ‹Nuni siyokko› gideta.

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ኤርማሳ ዚላስ 4:13

Hayssi haniday nabetinne qeeseti ooththida nagara gaasonna; qasse istti xillota suuth gussida gishshassa.

ሂዚቄላ ቲንቢቴ 3:17

Izikka, «Haysso asa nawu! Tani nena Isra7eele asaa bolla naage histta shuumadis; hessa gishshas ta doonappe ke7iza qaala siya; ta nees yootiza seerakka isttas aaththa.

ሂዚቄላ ቲንቢቴ 33:7

«Haysso asa nawu! Tani nena Isra7eele keeththas woshe as histta dooradis; hessa gishshas ta nees yootiza qaala siya; ta seerakka istta erisa.

ሆሴኤ ቲንቢቴ 5:1

Intteno qeeseto hayssa siyite! Isra7eele asatoo akeekite! Kawo keeththa asatoo hayssa ezgite! Hekko pirday intte bolla yides; Gaasoykka intte Mixiphphan narxa, Taaboore zuman gite gidideta.

ሆሴኤ ቲንቢቴ 9:7

Qaxxayana wodey gakkides; Pirda gallassika gakkides; hessa Isra7eele asay ero. Intte ooththida nagaray daro gidida gishshassinne intte morkketeththi gita gidida gishshas nabey eeya mala, Xoossa Ayanay iza bolla shempidaadey gooshsha mala qoodettides.

ሆሴኤ ቲንቢቴ 9:9

Isra7eele asay kase Gibi7a wode diza asa mala keehi tunides; Xoossi istta qohoza qoppidi istta nagara gishshas istta qaxxayana.

ሚኪያሳ ቲንቢቴ 7:4

Istta garsafe lo7o geetettidaadey agunththa mala keehi lo7o geetettizaadey qasse kindichcho mala inttena naagizaytas wodey gakkides; Xoossa pirda gallassay gakkides; asay shirotana wodey gakkides;

ዮሃኒሳ ሚሺራቾ 15:24

Hara asi ooththontta ooso ta istta giddon ooththonttaako isttas nagara gidennashin; ha7i istti hessa ubbaa be7idaappe guye tanakka ta Aawaakka ixxida.

ኦሮሜ ኣሳስ 3:7

«Ta wordoteththi Xoossa tumateth qonccisizayssan iza bonchcho gede gujjizaa gidikko histtiin ha7i gakkanaas wostti ta bolla nagaranchcha mala pirdettizee?» giidi palamettana asi daana dandayees.

Ibirawe 13:17

Inttena kaaleththizaytas azazettitenne haarettite; hessas gaasoykka intte gishshas istta alaafeteththan daro oychchiza gudday diza gishshas intte shemppo gishshas daro baaxeteettes; hessa gishshas istti ba ooththiza oosoza lancettishe gidontta ufayssan ooththana mala intte isttas azazettite. Intte hessaththo histtontta aggiko inttes lo7enna.