ሆሴኤ ቲንቢቴ 9:4 - Geeshsha Maxaafa

⁴ Heen GODAAS woyne ushshu yarshanaas dandayettenna; istta yarshoyka GODAA ufayssenna. Hessa gishshas isttas yarshozi shochcha kath gidana; iza miza ubbay tunana. He kaththazi coo gafas miza kath gidana attiin GODAA keeth yarshos shiiqenna.

ጋሞ ማጻፋ

⁴ ሄን ጎዳስ ዎይኔ ኡሹ ያርሻናስ ዳንዳዬቴና፤ ኢስታ ያርሾይካ ጎዳ ኡፋይሴና። ሄሳ ጊሻስ ኢስታስ ያርሾዚ ሾቻ ካ ጊዳና፤ ኢዛ ሚዛ ኡባይ ቱናና። ሄ ካዚ ጮ ጋፋስ ሚዛ ካ ጊዳና ኣቲን ጎዳ ኬ ያርሾስ ሺቄና።

ሆሴኤ ቲንቢቴ 9:4 ပူးပေါင်းရင်းမြစ်များ

ኬሳ ማጻፋ 29:40

Koyro dharsho laaqqa issi kilonne bagga lo7o gistte dhiille issi litiro gum7ettida zayten munuqada yarsha; issi litiro woyne ushshu ushsha yarsho histtada yarsha.

ኬሳ ማጻፋ 40:23

iza bolla GODAA sinththan woththiza geeshsha uketh giigsides.

ኢሳያሳ ቲንቢቴ 57:6

Hanne zullen diza liiqo shuchchati nees eeqa xoossata; isttika ne qaadata; tumukka ne istta bolla ushsha yarsho gussadasa; kaththa yarshoka shiishshadasa; histtiin ha yo7ota gishshas ta co7u gaanee?

ኢሳያሳ ቲንቢቴ 66:3

«Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ኤርማሳ ቲንቢቴ 16:7

Kayottizayta minththeththanaas shoch ehanay deenna; qasseka aaway hayqqida woykko aaya hayqqida as minththeththanaas shochcha ushshu ehanay deenna.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ሂዚቄላ ቲንቢቴ 24:17

Ne qaala ziqqi histtada kayottashe milala attiin hayqqidayssas yeekkofa; ne hu7eppe quraace diggofa; ne tohoppe caamma kessofa; ne doona gaththa kammofa; shochchika mooppa» gides.

ሂዚቄላ ቲንቢቴ 24:22

Ta ooththida mala he wode intteka ooththana; intte doona gaththi kammeketa; shochchika meekketa.

ዳኔላ ቲንቢቴ 1:8

Daaneeli kawoza maaddafe miidinne woyne ushsha uyidi bana tunisontta mala qofa qachchides; histtidi hessa he qofaza ero gi ekkana mala Ashifenaaze woossides.

ሆሴኤ ቲንቢቴ 3:4

Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana.

ሆሴኤ ቲንቢቴ 7:16

Taappe haakkidi hada miishshako simmida; Istti caddana xongiin wora biza toora mala. Istta kaaleththizaytikka bantti haasayza iita qaala gaason mashshan wurana; hessafe dendoyssan istti Gibxe biittan qidhes attana.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ኢዩኤሌ ቲንቢቴ 1:13

Intte intte Xoossa yarsho shiishshiza kath gidiin woykko woyne ushshi baynda gishshas intteno ta Godaa oosanchchata gidida qeesetoo! Ane haa yiidi maaqa may7idi kumeththa omars yeekkite. Intteno yarsho yarshizason ooththizaytoo! Intte, «Wuu! Wuy!» gi waassite.

ኢዩኤሌ ቲንቢቴ 1:9

GODAA Keeththan yarshos shiiqana kath gidiin woykko woyne ushshay baynda gishshas GODAAS ooththiza qeeseti yeekkeettes.

ኢዩኤሌ ቲንቢቴ 2:14

Oonee erizay GODAA intte Xoossay ba hanqoza zaaridi inttena anjjanaakko, intteka he wode GODAA intte Xoossas kaththa yarshonne ushsha yarsho shiishshandeta.

ሌዌታ ማጻፋ 17:11

Shemppora paxa diza medheteth ubbaas shemppoy suuththa giddon dees; hessa gishshas asa nagara wursanaas gukkiza suuththi wurikka yarsho yarshizasoza bolla gukkana mala immadis; asa shemppo nagarappe maarisizay suuththa.

ሌዌታ ማጻፋ 21:17

«Aaroones, ‹Ne qommotappe iza asateththaa bolla wosoy dizaadey oonikka taas yarsho shiishshofo; hayssi ha wogay buro sinththafe yaana yeletan ubbaan naagetti de7o.

ሌዌታ ማጻፋ 21:21

Aaroone zereth kumeththaa giddofe asateththa bolla wosoy diza asi oonikka xuugettiza yarshonne yarsho ba GODAAS yarshanaas yooppo.

ሌዌታ ማጻፋ 21:6

Qeesey wurikka taas dumma gido; bantta Xoossaa sunththaa tunisopetto; gaasoykka istti Xoossas taman xuugettiza yarshonne GODAAS kaththa yarsho shiishshizayta gidida gishshas istti geesh gidetto.

ሌዌታ ማጻፋ 21:8

qeesey intte Xoossas kaththa yarsho shiishshizayssa gidida gishshas izi hara asappe dumma gido; tani inttena geeshshiza intte GODAY geeshsha; izikka geesh gido.

ኣሞጼ ቲንቢቴ 5:22

Taman xuugettiza yarshonne kaththa yarsho intte taas shiishshikokka ta hessa inttefe ekkike; dhiikettida intte mehetappe intte taas issifeteththa yarshos shiishshiko ta iza ayfenka xeellike.

ሚልካሳ ቲንቢቴ 2:13

Qasse intte ooththana hara miish GODAAS yarsho shiishshizasoza intte ayfunthan meeshana; hessafe guye intte yarshoko xeellontta gishshassinne ufayssan ekkontta gishshas intte yeekkananne waassana.

ታይቦ ማጻፋ 19:11

«Hayqqida asa aha bochchida asi laappun gallas gakkanaas tuna gidi gam7o.

ታይቦ ማጻፋ 28:2

«Neni Isra7eele asaas, ‹Iza sawoy tunnu gi tana ufayssana mala xuugettiza kaththa yarsho woden woden naagidi istti taas shiishshana mala ne istta azaza› ga yoota.

ታይቦ ማጻፋ 4:7

«GODAAS shiiqiza dumma ukeththaa iza bolla woththiza gabateza salo misatiza kareththa carqqan kammetto; Gabateza bolla shel7eta, Cilfata, xuu7atanne woyne ushshu duuqqiza miishshatanne uketh ubba wode pacey baynda iza bolla woththetto.

ዮሃኒሳ ሚሺራቾ 6:51

Saloppe wodhdhida de7o qumay tana; hayssa ha qumaappe mizaadey wurikka mernaas daana. Alames de7o gidana mala ta immiza qumay ta ashoza» gides.

ዛሬ ማጻፋ 26:14

Asi hayqqiin kayottashe izappe mabeekke; tani geeyontta dashe izappe aykkoka mabeekke; hayqqida asa gishshas shiiqiza yarshoska izappe aykkoka shiishshabeekke. Tani GODAA ta Xoossaas azazettadis; qasse neni tana azazida ubbaa poladis.