ሆሴኤ ቲንቢቴ 9:13 - Geeshsha Maxaafa

¹³ Efreemey Xiroose mala lo7o gaden tokettiin be7adis; Ha7i gidikko Efreemey ba nayta shemppo wodhizaytas aaththi immana.

ጋሞ ማጻፋ

¹³ ኤፍሬሜይ ጺሮሴ ማላ ሎኦ ጋዴን ቶኬቲን ቤኣዲስ፤ ሃኢ ጊዲኮ ኤፍሬሜይ ባ ናይታ ሼምፖ ዎዛይታስ ኣ ኢማና።

ሆሴኤ ቲንቢቴ 9:13 ပူးပေါင်းရင်းမြစ်များ

2ካዎታ ማጻፋ 15:16

He wode Minaheemi Tirxxafe kezidi Tifisa katama asaanne he heeran diza asaa ubbaa bolla meto gaththides; izi hessaththo ooththiday istti he katamay pengeta doyontta ixxida gishshassa; Tifisa asaa wodhidessinne shaarara diza maccassata ubbata ulo daakkides.

ኢዮቤ ማጻፋ 27:14

Iza nayti tiripikkoka olan wurana; iza zereththatikka kaththi dhayiin koshattana.

ኤርማሳ ቲንቢቴ 7:15

Intte ishata Efreeme zareta tani diggida mala ta sinththafe inttenakka diggana» gees.

ኤርማሳ ቲንቢቴ 9:21

Hayqoy nayta ogeppe, naateththa nayta dubbushappe pitti dhayssides; nu maskootetara gelides; nu qol7a giddo kanththides.

ኤርማሳ ዚላስ 2:22

Ba7aale gallas diggisas xeygiza mala ta morkketa ta bolla xeygadasa; ne hanqo gallas oonikka kessi ekkibeenna; woykko shemppora paxa attiday deenna; ta yela dichchidayta morkkey taappe dhayssides.

ሂዚቄላ ቲንቢቴ 27:3

Abban gelizaso pengen dizaarissinne daro abba gaxatan diza deretara zal7iza Xiroosis, Ubbaa Haariza GODAY, «Hanne Xiroosee! ‹Neni nena keehippe lo7o› gadasa;

ሆሴኤ ቲንቢቴ 10:14

Shilimaaney Beeti-Arbeele geetettiza katama olan kase laallidayssaththonne Aayeta naytara gaththi biitta bolla dincereththi wursida mala shiroy deraa bolla yaana. Intte dere asaa bolla wolqqama olay yaana; Intte miixay laalettana.

ሆሴኤ ቲንቢቴ 13:16

Samaariya asay bantta Xoossa bolla makkallida gishshas bantta qoho tookkana; mashshankka siifettana; qeeri nayti biitta bolla dinccettana; qanththara diza maccassata uloy daakettana» gees.

ሆሴኤ ቲንቢቴ 13:8

Izi marati bonqqettida zardo mala ta istta shocananne puuzereththana; ta istta gaammo mala puuzereththa mittana; wora do7a mala duusereththana.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 9:16

Efreemey shocettides; isttas xaphoykka melides; Istti ishalon dichchida nayta ta wodhana» gees.

ኣሞጼ ቲንቢቴ 7:17

Hessa gishshas amasiyaasa! Ne gishshas GODAY, ‹Ne machcheya katama giddon layma maccas gidana; nees macca naytinne attuma naytikka olan hayqqana; allagati ne biitta wodoron wadhdhi gishetti ekkana; nenikka allaga biittan hayqqana; Isra7eele asay ba biittafe di7ettidi allaga dere baana› gees» gi yootides.