ሆሴኤ ቲንቢቴ 7:2 - Geeshsha Maxaafa

² Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ጋሞ ማጻፋ

² ጊዶ ኣቲን ታኒ ሃይሳ ኢስታ ኢታቴ ዉርሳ ኤሪዛይሳ ኢስቲ ኣኬኪቤቴና። ሄሳ ጊሻስ ኢስታ ኢስታ ናጋራይ ጊዶ ዎዴስ፤ ኢስታ ኢታ ኦሶይ ታፔ ጌሚቤና» ጌስ።

ሆሴኤ ቲንቢቴ 7:2 ပူးပေါင်းရင်းမြစ်များ

ኢዮቤ ማጻፋ 34:21

«Xoossi asa ubbaa tanggoza xeellees; issaa issaa hemeth kaalleettes.

ዬ ማጻፋ 10:11

Iita asi ba wozinan, «Xoossi tana dogides; ba sinththaa taappe genththides; mulekka izi tana be7enna» gees.

ዬ ማጻፋ 25:7

Ta yelagateththa nagaranne mooro hassa7oppa; Abeet GODAWU! Ne gita kiyateththa malanne ne lo7eteththa keena tana qoppa;

ዬ ማጻፋ 50:22

«Intteno Xoossa dogizaytoo! Hayssa akeekite; intte ixxis giikko tani inttena menththereththana; he wode inttena oonikka ashshenna.

ዬ ማጻፋ 9:16

GODAY ba xillo pirdan erettides; iita asi ba kushen ooththida ooso woximaden oykettides.

ዬ ማጻፋ 90:8

Neni nu iita ooso ne sinththan woththadasa; qasse nu genththida nagara ne sinththa poo7okko aaththadasa.

ኢሳያሳ ቲንቢቴ 1:3

Booray ba godaa erees; harey iza goday izas giigsida zedhekka erees; Isra7eeley gidikko tana erenna; ta dereykka akeekenna» gides.

ኢሳያሳ ቲንቢቴ 26:16

Abeet GODAWU! Istti metotida wode neekko yida; Neni istta seerida wode, saasuki nena woosseettes.

ኢሳያሳ ቲንቢቴ 44:19

Oonikka takki gi qoppibeenna; erateththi woykko akeekay baynda gishshas, «Baggaa taman eeththadis; iza bonqqon kath kaththadis; izan asho xiixada madis; histtiin attidayssan wosttada tani harassiza miish ooththanee? miththa anos tani goynnana bessizee?» gaanaas dandaybeenna.

ኢሳያሳ ቲንቢቴ 5:12

Istta gibirasohon maasinqoy, diiththi, karabey, susul7eynne woyne ushshi dees; gido attiin istti GODAA oosozas wudettibeettenna; izi ba kushen ooththida oosokka bonchchibeettenna.

ኤርማሳ ቲንቢቴ 14:10

Ha asata gishshas GODAY, «Istti toylatteteth keehi doseettes; bantta toho naagettenna. Hessa gishshas GODAY isttan ufayettenna; ha7i izi istta qoho qoppees; istta nagara gaason istta qaxxayees» gees.

ኤርማሳ ቲንቢቴ 16:17

Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna.

ኤርማሳ ቲንቢቴ 17:1

GODAY, «Yuhuda nagaray birata bi7ireninne hoxe almaaze xeeran xaafettides; istta wozina bollanne istti yarshizason diza kaceta bolla xaafettides.

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 32:19

Ne halchchoy gita; neni ne ooson mino; ne ayfeti asa oge ubbaa xeelleettes; issaas issaas iza oge malanne iza ooso mala ne immana.

ኤርማሳ ቲንቢቴ 4:18

Ne hanoynne ne oosoy hessa ne bolla ehides; hessi nees qixaate; hessika ay mala cammizaazee! ay mala wozina menththizaazee!» gees GODAY.

ኤርማሳ ቲንቢቴ 44:21

«Intteninne intte aawati, intte kawotinne intte shuumeti, qasse biittayn diza asay ubbay Yuhuda katamataninne Yerusalaame ogetan intte exaane cuwasidayssa GODAY eronttaanne dogidaa inttes misatizee?

ሂዚቄላ ቲንቢቴ 21:29

Ne gishshas be7ida wordo ajjuutay, nees yootettida muurennoy diikkoka, isttas gene xuu7ay kumishin, istta barey gakkishin siifettana bessiza iitata qoodhe bolla wodhdhana.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ሆሴኤ ቲንቢቴ 4:9

Intte qeesetikka deraappe dummatekketa; hessa gishshas ta ubbaaka izaade hano mala iza qaxxayana; iza ooso malakka izas immana.

ሆሴኤ ቲንቢቴ 6:2

Nam7u gallassatappe guye izi nuna beegoththana; heedzdzanththo gallas izi nuna denththana; nunikka iza sinththan paxa daana.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ሆሴኤ ቲንቢቴ 9:9

Isra7eele asay kase Gibi7a wode diza asa mala keehi tunides; Xoossi istta qohoza qoppidi istta nagara gishshas istta qaxxayana.

ኣሞጼ ቲንቢቴ 8:7

Yaaqoobeynne iza zereththati izan ceeqettiza GODAY, «Istti ooththida ooso ubbaa tani balikke.

ዮናሳ ቲንቢቴ 1:2

«Dendada he gita katamaa Nannawe ba; he katamaa asaa iitateth ta be7idayssa isttas yoota» gishe yides.

ታይቦ ማጻፋ 32:23

«Intte intte gida qaalaa naagontta aggiko intte GODAA qoheeta; intte nagara gishshas qixaatey intte bolla gakkanayssa erite.

ሉቃሳ ሚሺራቾ 12:2

Qonccontta kamettidi attanaynne erettontta qotan attana miishshi deenna.

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

ዛሬ ማጻፋ 32:29

Istti erata gididaakko hayssa istti kasetidi qoppana; bantta wurseththankka hananayssa yuushshi qoppanashin!

Ibirawe 4:13

Xoossa ayfeppe geemettida medhetay mulekka deenna; nu izas nu gishshas zaaro immanaas bessiza iza sinththan hanoy wurikka kallo qonccen beettana.