ሆሴኤ ቲንቢቴ 6:9 - Geeshsha Maxaafa

⁹ Pangati ase wodhanaas zamadiza mala qeesetikka zuppetidi hessaththo ooththeettes. Gede Seekeeme efiza oge bollaka naagi naagi as wodheettes; yeellachchiza iita miish ooththeettes.

ጋሞ ማጻፋ

⁹ ፓንጋቲ ኣሴ ዎናስ ዛማዲዛ ማላ ቄሴቲካ ዙፔቲዲ ሄሳ ኦቴስ። ጌዴ ሴኬሜ ኤፊዛ ኦጌ ቦላካ ናጊ ናጊ ኣስ ዎቴስ፤ ዬላቺዛ ኢታ ሚሽ ኦቴስ።

ሆሴኤ ቲንቢቴ 6:9 ပူးပေါင်းရင်းမြစ်များ

ሜቴ ማጻፋ 12:6

Abraamey he biittan Seekeemen Moore geetettizason diza gita miththaako gakkanaas bides; he wode Kanaane asati he biittan deettes.

1ካዎታ ማጻፋ 12:25

Hessafe guye Iyorba7aamey Efreemen shaara menththon diza Seekeemen miixa giigsi uttides; hessafe kezi biidi Panu7eelen miixa giigsides.

ኢዝራ ማጻፋ 8:31

Koyro aginay gelida mala tammanne nam7anththo gallas Yerusalaame baanaas nunikka Ahiwa shaafa achchafe dendidos; nu Xoossaa kushey nunara diza gishshas nu biza ogen diza morkketappenne pangatappe nuna ashshides.

ኤርማሳ ቲንቢቴ 11:9

Zaaridikka GODAY taas, «Yuhuda asaa giddoninne Yerusalaamen dizayta giddon iita maqqoy dees.

ሂዚቄላ ቲንቢቴ 22:25

Izi daannati ba wodhidayssa puuzishe xaaggiza gaammo mala izi giddon duulateettes; deraa wodheettes; istta aqotanne isttas diza al7o miishshata bonqqi ekkeettes; daro maccassata am7eta histteettes.

ሂዚቄላ ቲንቢቴ 22:27

Izi giddon diza gita asati hayqqidayssa puuziza kana suyte mala; istti bessontta dureteth shiishshanaas suuth gusseettes.

ሂዚቄላ ቲንቢቴ 22:9

Shempo wodhanaas paapunth gaththizayti ne giddon deettes; zumbullata bolla diza eeqa xoossatas yarshettidayssa mizaytinne laymatizayti ne giddon deettes.

ሂዚቄላ ቲንቢቴ 23:27

Neni Gibxen doommida laymateththaanne ziitaa ta neeppe diggana; nekka ne ayfeta heytanttako denththaka; hayssafe guye ne Gibxe qoppaka› gees.

ሆሴኤ ቲንቢቴ 2:10

Izi laggeththota sinththan ta izo kallo ashshana; izo ta kusheppe ashshanay deenna.

ሆሴኤ ቲንቢቴ 4:2

Haan dizay qanggeth, wordo, shemppo wodho, laymateththinne caaqqida qaala muusi xalla dees. Geneynne shemppo wodhoy dari dari bees.

ሆሴኤ ቲንቢቴ 5:1

Intteno qeeseto hayssa siyite! Isra7eele asatoo akeekite! Kawo keeththa asatoo hayssa ezgite! Hekko pirday intte bolla yides; Gaasoykka intte Mixiphphan narxa, Taaboore zuman gite gidideta.

ሆሴኤ ቲንቢቴ 5:2

Makkallanchchati shemppo wodho kaseppe haa darssida; hessa gishshas tani istta ubbaaka qaxxayana.

ሆሴኤ ቲንቢቴ 7:1

«Tani ta dere Isra7eele asa paththanaassinne zaarada duresanaas koyza wode; Efreeme nagaraynne Samaariya asa iitateththi keehi dari beettides. Istti issoy issaas wordoteettes, kaysoti keeththe bookki gelidi kaysoteettes, pangati oge bolla aadhdhooson aadhdhooson bonqqeettes.

ሚኪያሳ ቲንቢቴ 3:9

Intteno Yaaqoobe soo asa kaaleththizaytoo! Intteno Isra7eele dere haarizaytoo! Tumu pirda kadhizaytoo! Tumu gididaaz ubbaa mirqqizaytoo! Ane siyite.

ሚኪያሳ ቲንቢቴ 7:2

Xoossas babbiza asi biitta bollafe dhaydes; suure asi issaadeyka baawa; asi wurikka suuth gussanaas zuggees; issi issi asi ba isha yarden oykkees.

ሶፎናሳ ቲንቢቴ 3:3

Izo kaaleththizayti xaaggiza gaammo mala. Izo ayssizaytikka wontos ashshontta miza kana suyte mala.

ማርቆሳ ሚሺራቾ 14:1

Paaziganne ukeththa muussa ba7aale gallassay bonchchettanaas nam7u gallassi attishin qeeseta halaqatinne Muse wogaa tamaarsizayti Yesusa baleththi oykkidi wodhana oge koyida.

ዮሃኒሳ ሚሺራቾ 11:47

Hessa qeeseta halaqatinne Farsaaweti Ayhudata duulata shiiqana mala xeygidi, «Ha addezi daro dumma dumma malaatata ooththidaade gidida gishshas nu ay ooththiko lo7oo?

ሃዋሬታ ኦሶ 4:24

Isttika hessa siyida mala ba qaala dhoqqu histtidi issife Xoossaako, «Wogga Godawu! Neni salonne sa7a, abbanne abba giddon dizayta wursa medhdhadasa.