ሆሴኤ ቲንቢቴ 5:13 - Geeshsha Maxaafa

¹³ Isra7eeley ba sakoza; Yuhudaykka ba madunththa be7idi Isra7eeley Asoorekko ba ayfso zaaradus; Isra7eeley maado demmanaas gita Asoore kawookko qasttanne kiittadus. Gido attiin izi inttena ashshanaas woykko intte madunththa paththanaas dandaybeenna.

ጋሞ ማጻፋ

¹³ ኢስራኤሌይ ባ ሳኮዛ፤ ዩሁዳይካ ባ ማዱን ቤኢዲ ኢስራኤሌይ ኣሶሬኮ ባ ኣይፍሶ ዛራዱስ፤ ኢስራኤሌይ ማዶ ዴማናስ ጊታ ኣሶሬ ካዎኮ ቃስታኔ ኪታዱስ። ጊዶ ኣቲን ኢዚ ኢንቴና ኣሻናስ ዎይኮ ኢንቴ ማዱን ፓናስ ዳንዳይቤና።

ሆሴኤ ቲንቢቴ 5:13 ပူးပေါင်းရင်းမြစ်များ

2ካዎታ ማጻፋ 15:19

Hessafe guye Asoore kawo Teligelitelifelisoorey biittayo oli oykkides; Minaheemikka baas maado demmanaasinne ba kawoteththan diza ba zawa minththanaas giidi 1,000 saqile bira izas immides.

2ካዎታ ማጻፋ 15:29

Isra7eele kawo Faaquhey kawoti diza layththatan Asoore kawo Teligelitelifelisoorey yiidi Iyoone, Aabeeli-Beeti-Ma7ika, Yaanooke, Qaadeese, Haxoore, Gala7aade, Galilanne Niftaaleme deraakka issife gaththi oykkides. Asaakka di7i ekkidi Asoore dere efides.

2ካዎታ ማጻፋ 16:7

Hessa gaason Akaazey Asoore kawo Teligelitelifelisoores, «Tani nees haggazizaadenne ne naa; hessa gishshas neni haa yaada tana oliza Aaraame kawoppenne Isra7eele kawo kusheppe ashsha» giidi qasttanne kiittides.

ኢሳያሳ ቲንቢቴ 3:7

Histtiin izi he wode ba qaala dhoqqu histtidi, «Tani aykkoka maaddike; tason may7oynne miza kaththi baynda gishshas tana dere kaaleththizaade histtofte» gaana.

ኤርማሳ ቲንቢቴ 30:12

GODAY, «Intte meqoy koolettenna; intte madunththay paxenna.

ሂዚቄላ ቲንቢቴ 23:5

«Ohola taas machcho gida uttada harara laymatadus; olanchcha gidida ba siiqo Asooretara laggeththanaas amottadus.

ሆሴኤ ቲንቢቴ 10:6

He eeqa mislezi gita gidida Asoore kawos kiyateth imettana. Efreemey kawuyana; Isra7eeleykka bantta eeqa xoossa gishshas yeellatana.

ሆሴኤ ቲንቢቴ 12:1

Efreemey carko heenththanchcha; gallas kumeth arshey mokkiza bagga carko kaallees; wordonne makkalla darsees. Asoore deraara caaqo qaala gelees; wogara zayte Gibxe biitta yeddees.

ሆሴኤ ቲንቢቴ 14:3

Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ሆሴኤ ቲንቢቴ 2:7

Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ሆሴኤ ቲንቢቴ 7:11

«Isra7eele asay elle balettizanne qofay baynda haraphphe kafo mala. Issito Gibxe xeygees; hara wode qasse Asoorekko simmees;

ሆሴኤ ቲንቢቴ 8:9

Barkka bazzo biittan toylattiza hardida mala gede Asoore dere bida. Bana maaddana mala kawotas miishshe immidi baas dabbo shammida.

ሚኪያሳ ቲንቢቴ 1:9

Izi madunththay paxonttaaz gidana; izippe aadhdhi Yuhudassara gidana; ta derey geliza penge Yerusalaame gakkides.