ሆሴኤ ቲንቢቴ 4:3 - Geeshsha Maxaafa

³ Hessa gaason biittay bolla koshay yees; izi bolla dizay wuri gilqees; meheti, do7ati, kafotinne Abba giddon diza moleti ubbay wureettes.»

ጋሞ ማጻፋ

³ ሄሳ ጋሶን ቢታይ ቦላ ኮሻይ ዬስ፤ ኢዚ ቦላ ዲዛይ ዉሪ ጊልቄስ፤ ሜሄቲ፥ ዶኣቲ፥ ካፎቲኔ ኣባ ጊዶን ዲዛ ሞሌቲ ኡባይ ዉሬቴስ።»

ሆሴኤ ቲንቢቴ 4:3 ပူးပေါင်းရင်းမြစ်များ

ኢሳያሳ ቲንቢቴ 33:9

Biittaya yeekkadussinne gilqadus; Libaanoosey yeellatidi shullides; Lasharooney Arabe mala bazzo gidadus; Baasaaneynne Qarmeloosey bantta hayth qoqofida.

ኤርማሳ ቲንቢቴ 12:4

Iray dhayiin biittay ayde gakkanaas melanee? Maataykka ayde gakkanaas melanee? Asaa iitateththaafe dendidayssan medosatinne kafoti dhayda. Hessa bollaka asay, «GODAY nuni ooththizayssa demmenna» gees.

ኤርማሳ ቲንቢቴ 23:10

Biittaya layman xalla kumadus; qanggettida gishshas yeekkawus; bazzon diza mehe heenththasohoti melida; nabetikka geella oge kaallida; baas imettida maataa wogay baynda go7ettida.

ኤርማሳ ቲንቢቴ 4:25

Tani xeelladis shin ay asikka be7abeekke; salo kafotikka ubbay piradhdhidi dhayda.

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ኤርማሳ ቲንቢቴ 9:9

Histtiin hayta ha yo7ota gishshas ta istta qaxxayana bessennee? Tani ta hu7es hayssa mala kawoteththa bolla halo kessikinaa?» gees.

ሂዚቄላ ቲንቢቴ 38:20

Abba moleti, salo kafoti, wora do7ati, biitta bolla tiran gooshettiza ay medheteththatikka, hessaththo biitta bolla diza as ubbay ta sinththan kokkorana; zumati shiretti shiretti wodhdhana; aafoti woddana; dirsa gimbey ubbay laalettana.

ኢዩኤሌ ቲንቢቴ 1:18

Mehey miza maatay gaden baynda gishshas meheti koshattidi waasseettes; dorsa wudetikka maatay dhayiin daro waaye bolla deettes.

ኣሞጼ ቲንቢቴ 1:2

Amoxey, «GODAY Xiyooneppe ba qaala dhoqqu histti sissees; Yerusalaameppe giirees; mehey heemettizasoti melana; Qarmeloose zuman diza cililati shullana» gides.

ኣሞጼ ቲንቢቴ 5:16

Hessa gishshas GODAY Salo Xoossay, «Oge bollanne dubbushay dizason ubbaan waasoynne yeehoy siyettana; goshshanchchati koyssas zilalizayti yeehos xeygettana.

ኣሞጼ ቲንቢቴ 8:8

Hayssa geedon biittay buro qaaxxana; biittay bolla dizay wurikka yeekkana; Abbaye shaafay kixxidi guummizayssaththo biitta ubbay qaaththi yoshikuyoshikana» giidi barkka banan caaqqides.

ናሆሜ ቲንቢቴ 1:4

Abba seeridi melissees; Shaafata ubbaa micinchchees. Baasaaneynne Qarmeloosey shullida. Libaanoose ciishshatikka qoqofettida.

ሶፎናሳ ቲንቢቴ 1:3

GODAY, «Asenne medosata dhayssana; salo kafotanne abba giddon diza moleta ta dhayssana; ta asa zereth biitta bollafe dhayssiza wode iitati laalettida buura doore mala gidana» gees.

ዛካራሳ ቲንቢቴ 5:4

Ubbaafe Wolqqama GODAY, ‹Tani qanggeth ehana; izikka kaysota keeththinne ta sunththan wordo caaqqizayta keeth gelana; isttas heen diza keeththaa, miththaanne shuchchaa ubbaa dhayssana› gees» gides.