ሆሴኤ ቲንቢቴ 4:15 - Geeshsha Maxaafa

¹⁵ «Intteno Isra7eele asatoo! Intte laymatikkoka Yuhuda asay laymatana mala ooththofte; hessa gishshas taas goynnanaas Gelgela woykko Beeti-Awene geetettizaso boopite; ‹De7o GODAY beyiin› giidi ta sunththan caaqqofte.

ጋሞ ማጻፋ

¹⁵ «ኢንቴኖ ኢስራኤሌ ኣሳቶ! ኢንቴ ላይማቲኮካ ዩሁዳ ኣሳይ ላይማታና ማላ ኦፍቴ፤ ሄሳ ጊሻስ ታስ ጎይናናስ ጌልጌላ ዎይኮ ቤቲ-ኣዌኔ ጌቴቲዛሶ ቦፒቴ፤ ‹ዴኦ ጎዳይ ቤዪን› ጊዲ ታ ሱንን ጫቆፍቴ።

ሆሴኤ ቲንቢቴ 4:15 ပူးပေါင်းရင်းမြစ်များ

2ታሪኬ ማጻፋ 17:4

Isra7eele asay ooththizayssa aggidi ba aawa Xoossaa koyides; iza azazokka polides.

2ታሪኬ ማጻፋ 21:11

Iyoraamey qasse Yuhudan zumbullata bolla goynnizasohota giigsidi Yerusalaamen diza asay laymatana mala ooththides; Yuhuda asaakka baleththides.

ኢሳያሳ ቲንቢቴ 48:1

GODAY, «Intteno Isra7eele sunththan xeygettida, Yaaqoobeso asatoo! Yuhuda zareppe beettidaytoo! Intteno GODAA sunththan caaqqizaytoo! tumateththaninne xilloteththan gidontta, Isra7eele Xoossaa xeygizaytoo! Hayssa siyite.

ኤርማሳ ቲንቢቴ 44:26

Intteno Gibxe biittan diza Yuhuda asatoo! GODAA qaala siyite! GODAY, ‹Hayssafe guye Gibxe biittan awa baggankka diza Yuhuda asi oonikka de7o GODAY be7iin!› giidi ta sunth xeygi caaqqontta mala tani ta gita sunththan caaqqadis.

ኤርማሳ ቲንቢቴ 5:2

Gido attiin isttas, ‹GODAY beyiin› gi caaqqikokka istti tumappe wordo caaqqeettes» gees.

ሂዚቄላ ቲንቢቴ 20:39

Isra7eele asatoo! Ubbaa Haariza GODAY inttena, «Intte ha7i tani yootizayssa siyontta ixxiko biidi ubbayka intte eeqa xoossaas goynnite! Gido attiin intte hayssafe guye zaaridi intte yarshoninne intte eeqa xoossatan ta geeshsha sunththaa tunisekketa.

ሆሴኤ ቲንቢቴ 10:5

Samaariya kataman diza derey Beeti-Awenen diza mara mislen oosettida eeqa xoossas yayyees. Izappe bonchchoy qaaretti kichchida gishshas asay yeekkees. He eeqa misleza qeesetikka waasseettes.

ሆሴኤ ቲንቢቴ 10:8

Isra7eeles nagara gidida Beet-Awenen goynnizasoho zumbullazi dhayana; okkaynne ohay mokkana; He wode derey zumata, «Nuna qottite!» zumbullatakka «Nuna kammite!» gaana.

ሆሴኤ ቲንቢቴ 11:12

GODAY, «Efreeme wordon Isra7eeleykka genen tana giddoththides; Yuhuday Xoossas haarettonttaade; ammanettida Geeshshazara eqettizaade» gees.

ሆሴኤ ቲንቢቴ 12:1

Efreemey carko heenththanchcha; gallas kumeth arshey mokkiza bagga carko kaallees; wordonne makkalla darsees. Asoore deraara caaqo qaala gelees; wogara zayte Gibxe biitta yeddees.

ሆሴኤ ቲንቢቴ 12:11

Gala7aaden iitateththi kumides; asaykka shufuro xalla. Gelgelan mirgota yarshos shiishshizoo? Istta yarshizasoy meqerettidi goshsha giddon korettida shuchcha mala gidana» gees.

ሆሴኤ ቲንቢቴ 12:12

Yaaqoobey Mesphexoomiya baqatides; Isra7eeley machcho ekkanaas heen haggazides; izis immana ciloosha gishshas dors heemmides.

ሆሴኤ ቲንቢቴ 4:12

Hessa gishshas miththafe oosettida eeqa xoossa zore oychcheettes; istti izan maroththiza guufezikka isttas zaaro immiza misatees; laymateththa qofay baleththides; bantta Xoossaas ammanettibeettenna.

ሆሴኤ ቲንቢቴ 5:8

Asay olas kezana mala Gibi7an zaye zayite; Eraaman xurumba punnite. Beeti-Awenen, ‹Biniyaame baggatoo! Nu inttenara doos› gishe waassite.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ኣሞጼ ቲንቢቴ 4:4

GODAY, «Isra7eele derezoo! Beetele biidi nagara ooththite! Gelgelakka biidi nagara gujji ooththite! gallas gallas intte yarsho yarshite! heedzdzanththo gallas gallas intte asraata immite.

ኣሞጼ ቲንቢቴ 5:5

Intte Bersaabehe boopite; Beeteley laalettada mulera dhayana; Gelgelan diza asay di7ettana; hessa gishshas Beetele gidiin woykko Gelgela boopite» gides.

ኣሞጼ ቲንቢቴ 6:10

Hayqqidaytappe issaades mata dabbo gididaadeynne moogo woga polizaadey ahaza keeththafe kessi efana; he wode izaadey soon diza issi as xeygidi, «Nenara attida hara asi dizee?» giidi iza oychchana shin izaadey qasse, «Attida asi oonikka deenna» gaana. Oychchizayssika zaaridi, «GODAA nu Xoossa sunth xeyganaas bessontta gishshas co7u ga!» gaana.

ኣሞጼ ቲንቢቴ 8:14

Samaariya deren, ‹Ashamo› geetetta xeygettiza eeqa xoossayn caaqqizayti, ‹Daane xoossay beyiin› woykko, ‹Bersaabehe xoossay beyiin› gi caaqqizayti wurikka kundana; ba kundidasohoppe mulekka dendanaas dandayettenna» gees.

ኤፌሶኔ ኣሳስ 5:11

Ayfey baynda dhuma oosora inttes aykko gaagoteththi dooppo; hessafe iita ooso qoncce kessite.

ኢያሶ ማጻፋ 5:9

GODAY Iyaasos, «Hach tani Gibxeta bore inttefe genderisa diggadis» gides; histtiin he sohoza sunththay hach gakkanaas Gelgela geetettees.

ኢያሶ ማጻፋ 7:2

Iyaasoy Beetele katamappe arshey mokkiza baggara Beeti-Awene matan diza Aye katama Iyarkkofe as kiittidi, «Gede ke7ite; Biittayokka wochchite» gides. Asatikka biidi Aye katamaa wochchida.