ሆሴኤ ቲንቢቴ 3:5 - Geeshsha Maxaafa

⁵ Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ጋሞ ማጻፋ

⁵ ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

ሆሴኤ ቲንቢቴ 3:5 ပူးပေါင်းရင်းမြစ်များ

1ካዎታ ማጻፋ 12:16

Isra7eele asay ubbay kawoy istti gizayssa siyontta ixxidayssa eridi kawozas, «Dawitera nuna gaththiza gaasoykka aazee? Isseye naazappe nu ay ekkanee! Isra7eele asawu! Intte soo intte soo simmite! Ha7i gidikko Dawite ne keeththaa ne naaga!» gida. Histtidi Isra7eele asay ubbay bantta soo bantta soo simmida.

ኢሳያሳ ቲንቢቴ 17:7

He wode asay bana Medhdhidayssako xeellana; istta ayfey Isra7eele Geeshshaako xeellana.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ኢሳያሳ ቲንቢቴ 2:3

Daro asay yiidi, «Wogay Xiyooneppe, GODAA qaalay Yerusalaameppe keziza gishshas haa yiite! GODAA zumaa, Yaaqoobe Xoossaa Keeth ane pude kezoos. Izi koyzayssaththo nuni baana mala izi nuna ba oge tamaarsana» gaana.

ኢሳያሳ ቲንቢቴ 60:5

He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

ኢሳያሳ ቲንቢቴ 9:13

Derezi gidikko bana shocida GODAAKKO simmibeenna; Ubbaafe Wolqqama GODAAKKA koyibeenna.

ኤርማሳ ቲንቢቴ 23:5

GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ኤርማሳ ቲንቢቴ 30:24

Iza wozina qofaa polontta GODAA hanqoy coo hada guye simmenna; hessa yiza wodetan intte akeekana.

ኤርማሳ ቲንቢቴ 30:9

Gido attiin GODAAS bantta Xoossassinne tani isttas kawoththida kawo Dawite zares istti haarettana» gees.

ኤርማሳ ቲንቢቴ 33:17

«GODAY, ‹Dawite zereththafe Isra7eele kawoteththa araatan uttiza asi mulekka dhayenna.

ኤርማሳ ቲንቢቴ 33:9

Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.

ሂዚቄላ ቲንቢቴ 16:63

Tani ne ooththida mooro ubbaa atto gida wode ne qohoy ne wozinan karppi gi geliza wode ne yeellatana; ne kawushshateththafe dendidayssan ne doona mulekka doyakka» gides.

ሂዚቄላ ቲንቢቴ 38:16

Biitta kammiza shaara mala, neni ta asa Isra7eele bolla worajjana. Haysso Googe ta geeshshateththaa kawoteththata sinththan tani qonccisishin istti tana erana mala sinththafe yaana wodetan ta biittay bolla ta nena ehana› gees.

ሂዚቄላ ቲንቢቴ 38:8

Daro wodeppe guye neni olas xeygettana; sinththafe yaana layththatan olappe shempidaari, izi asay daro kawoteththata giddofe kezi shiiqidaari, daro wodes bula gidida Isra7eele zumata bolla uttida deraa bolla ne worajjana. Istta kawoteththata giddofe kezidi ha7i saron daana.

ዳኔላ ቲንቢቴ 10:14

Ajjuutazi polettanaas buro sinththafe daro layththi diza gishshas sinththafe ne dereza bolla hanana yo7ota nees qonccisanaas ta yadis» gides.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ሆሴኤ ቲንቢቴ 1:11

He wode Yuhuda asaynne Isra7eele asay simmidi issino gidana. Nam7ati banttana ayssanaade issi as doorana. Qasseka istti bantta deren dichchaninne dureteththan de7ana. Izra7eele gallassay gita gidana.

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ሆሴኤ ቲንቢቴ 5:15

Istti ba bala eridi taakko simmana gakkanaas tani isttafe haakkana. Istta bolla metoy dariza wode istti tana minththi koyana» gees.

ሆሴኤ ቲንቢቴ 5:6

Istti GODAA koyanaas bantta wude mehetanne miizatakka laaggi efana; gido attiin izi isttafe shaakettida gishshas istti iza demmettenna.

ሆሴኤ ቲንቢቴ 6:1

Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

ኣሞጼ ቲንቢቴ 9:11

«Coo kundi laalettida keeththa mala gidida Dawite zereththata kawoteththas tani zaara essana wodey yaana; tani gimbeza zaara gimbana; laalettidayssaka ooraxissana; kaseyssaththo zaara ooththana.

ሚኪያሳ ቲንቢቴ 4:1

Wurseththa wode Xoossa keeththi iza bolla diza zumay hara zuma ubbaafe aadhdhi beettana; hara zumatappe bollara dhoqqu gaana; dereykka izakko goochchana.

ታይቦ ማጻፋ 24:14

Wurseththan Balaamey Balaaqes, «Ha7i tani gede ta dere simma bays; gido attiin ta baanaappe kasetada Isra7eele asay ne dere asaa bolla gaththanayssa nees qonccisanaas koyays» gides.

ኦሮሜ ኣሳስ 11:25

Ta ishatoo! Intte cincca as gididayssa inttes misatontta mala hayssa giddo xuura yo7oza intte erontta attana mala ta koykke. Hessika Ayzaabetappe xeygettidayti wuri ammanana gakkanaas Isra7eele nayta wozinay muumides.

ኦሮሜ ኣሳስ 2:4

Woykko Xoossa kiyateththi nena maaroteththaako kaaleththizayssa shaakka erontta dashe iza gita kiyateththaanne iza dandaya dureteththaa ne leqqay?

ዛሬ ማጻፋ 4:30

Ha ubbaa metoy inttena gakkiin intte metotishe wurseththan GODAA intte Xoossaako simmidi qasseka izas azazettana.