ሆሴኤ ቲንቢቴ 2:7 - Geeshsha Maxaafa

⁷ Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ጋሞ ማጻፋ

⁷ ኢዛ ባ ላጌታ ዴማናስ ዎጻና ሺን ኢስታኮ ጋካናስ ዳንዳዩኩ። ኢዛ ኢስታ ዳሮ ኮያና ሺን ዴሙኩ፤ ሃይሳፌ ጉዬ፥ ‹ሃይሳ ሃ ዱሳፌ ታስ ካሴ ዱሳይ ሎኦ፤ ሄሳ ጊሻስ ቤኒ ታ ኣዚናኮ ታ ሲማ ባና› ጋና።

ሆሴኤ ቲንቢቴ 2:7 ပူးပေါင်းရင်းမြစ်များ

2ታሪኬ ማጻፋ 28:23

Izikka, «Aaraame kawota xoossati istta maaddida gishshas tanakka istta maaddana mala tani isttas yarshana» giidi bana xoonida Damasqo xoossatas yarshides; gido attiin he xoossati izassinne Isra7eele asaa ubbaas bash ehida.

ዬ ማጻፋ 116:7

Ta shemppoyee ane woppu ga; GODAY nees lo7o miish ooththides.

ኢሳያሳ ቲንቢቴ 30:16

Qasseka, ‹Chii! Nuni paran utti baqatana› gideta; hessa gishshas intte baqatana. Zaaridikka intte, ‹Nuni pilata paran kessi ekki baana› gideta; hessa gishshas inttena yedeththizayti pilatata gidana.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኤርማሳ ቲንቢቴ 2:2

«Ba! Baada waassa; Yerusalaame asaa hayththan sissa; GODAY, ‹Neni naateteththan ay keena ammanettidaakko, qasse neni buro mishiran dashe tana ay keena siiqidaakko, zereththi zerettontta bazzo biittan ne wostta kaallidaakko ta akeekays.

ኤርማሳ ቲንቢቴ 2:28

Histtiin ane intte inttes medhdhida xoossati awan dizoo? Yuhudaa, intte metotiza wode istti inttena ashshanaas dandaykko ane inttena yiidi ashshetto! Intteno Yuhuda asatoo! Intte xoossati intte katamata mala cora» gides.

ኤርማሳ ቲንቢቴ 2:36

Histtiin ne oge laamma laamma ays woxxay? Kase nena Asoore biittay kawushshida mala Gibxe biittay nena kawushshana.

ኤርማሳ ቲንቢቴ 3:1

«Issi asi ba keeththaayo anjji yeddiin iza baada hara azina gelikko, kase anjji yeddidaadey simmi izikko bizee? izi biikko he biittaya mule tunekkee? Neni gidikko ne siiqiza cora laggetara laymatadasa; histtadakka ha7i neni taakko simmana koyay?» gees.

ኤርማሳ ቲንቢቴ 31:18

«Efreemey camo milas milalishin addafe ta siyadis; ‹Loohontta wofano mala tana qaxxayadasa; tanikka qaxxayettadis; neni GODAA ta Xoossa; neni tana zaara; tanikka simmana.

ኤርማሳ ቲንቢቴ 31:32

He caaqozi tani istta Gibxeppe kessanaas istta kushe oykkada istta aawatara caaqettida caaqoza mala gidenna; tani isttas azina mala gida dishin istti tanara diza caaqo qaalaza laallida» gees.

ኤርማሳ ቲንቢቴ 44:17

Nuni ooththana gida miish ubbaa ooththoos; Nuni, nu aawati, nu kawotinne nu halaqati Yuhuda katamataninne Yerusalaame ogetan kase ooththida mala, nunikka salo kawoyo geetettiza eeqa xoossays exaane cuwasoos; ushsha yarshoka izis yarshoos; nuni kase hessa ooththiza wode nuus tirpa kaththi dees; nuni lo7o duus de7idos attiin aykko iitakka be7ibeekko.

ሂዚቄላ ቲንቢቴ 16:18

Ne xibabeta efada istta bolla gophadasa; qasse ta zaytenne ta exaane isttas shiishshadasa.

ሂዚቄላ ቲንቢቴ 16:8

«Qasseka ta heera aadhdha bashe xeelladis; ne gelo gakkida geela7o gididayssa be7ada ta may7o macara ne bolla yeggada ne kalloteth kammadis; nees caaqqadis; nenara qaala geladis; ne taassa» gees Ubbaa Haariza GODAY.

ሂዚቄላ ቲንቢቴ 20:32

Ubbaa Haariza GODAY, «Intte, ‹Nuni miththassinne shuchchas goynniza kawoteththa malanne alame bolla diza deraa mala gidana koyoos› giidi qoppeeta. Gido attiin intte qofay mulekka inttes hanenna.

ሂዚቄላ ቲንቢቴ 23:12

Qasseka haarizaytaranne azazizaytara, seelo may7o may7ida olanchchatara, pilata toganchchataranne mala lo7o gidida Asoore naateththatara laymatanaas amotta kaalladus.

ሂዚቄላ ቲንቢቴ 23:22

«Hanne Oholibee! Ubbaa Haariza GODAY, ‹Ne ixxada isttafe sher7i gida ne laggeththota ta ne bolla denththana; isttaka ubbaa baggafe ta ne bolla ehana.

ሂዚቄላ ቲንቢቴ 23:4

Isttafe bayray sunththay Oholo; kaaloy sunththi Oholibo. Istta nam7aakka ta ekkiin taas macca naytanne attuma nayta yelida. Ohola Samaariya, Oholiba Yerusalaame qoncciseettes.

ዳኔላ ቲንቢቴ 4:17

« ‹Ha pirda qashoy geeshsha kiitanchchata baggara qoncci yootettides; hessika Ubbaafe Dhoqqa Xoossas sa7a kawota bolla izas godateththi dizayssanne kawoteththatakka ba dosidaades immizayssa, asappe kadhettidayta istta bolla izi shuumizayssa, medheta ubbay erana malassa› gides.

ዳኔላ ቲንቢቴ 4:25

Neni ne derezappe shaakettada goodettana; nees duussasoyka wora do7atara gidana; laappun layththi polettana gakkanaas neni mehe mala maata maana; neni kenchchon musana; hessi wuri nena gakkanay Ubbaafe Dhoqqa Xoossay kawota ubbaa bolla izas godateththi dizayssanne izi kawoteththa wursika ba dosidaades immizayssa ne shaakka erana gakkanaassa.

ዳኔላ ቲንቢቴ 4:32

Neni dereza garsafe goodettana; nees duussasoy wora do7atara gidana; laappun layththi kumana gakkanaas neni mehe mala maata maana; hessika hananay Ubbaafe Dhoqqa Xoossay kawota ubbaa bolla izas godateththi dizayssanne kawoteththi wursika izi ba dosidaades immizayssa ne shaakka erana gakkanaassa» giza qaalay yides.

ዳኔላ ቲንቢቴ 5:21

Izikka dere giddofe goodettides; iza kahaykka laamettidi izas mehe kahay imettides; izi mehe mala maata mishe izi hardidatara de7ides; aqizasoy dhayiin iza bollay xaazan musides; hessi hessaththo haniday Ubbaafe Dhoqqa Xoossay kawoteththa ubbaa bolla Godaa gididayssanne kawoteth ubbaa ba koyida asas immanaas dandayzayssa izi erana gakkanaassa.

ሆሴኤ ቲንቢቴ 1:2

GODAY Hose7e baggara Isra7eele naytas qaala buro yootishe Hose7es, «Ta derey taappe shaakettidi iita layma laymatiza gishshas neni baada issi laymatiza maccas nees machcho ekka; izippe nees nayta yela» gides.

ሆሴኤ ቲንቢቴ 13:6

Gido attiin ta miziin istti kallida; kallidi otorettida; hessafe guye tana balida.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 2:16

Iza he gallassi tana, ‹Ta azinazoo› ga xeygana attiin hayssafe guye, ‹Ba7aale› geetettiza eeqa xoossa sunththan tana xeygukku.

ሆሴኤ ቲንቢቴ 5:13

Isra7eeley ba sakoza; Yuhudaykka ba madunththa be7idi Isra7eeley Asoorekko ba ayfso zaaradus; Isra7eeley maado demmanaas gita Asoore kawookko qasttanne kiittadus. Gido attiin izi inttena ashshanaas woykko intte madunththa paththanaas dandaybeenna.

ሆሴኤ ቲንቢቴ 5:15

Istti ba bala eridi taakko simmana gakkanaas tani isttafe haakkana. Istta bolla metoy dariza wode istti tana minththi koyana» gees.