ሆሴኤ ቲንቢቴ 2:20 - Geeshsha Maxaafa

²⁰ Tani ammanettada nena taas machcho giigsana. Nenikka tani GODA gididayssa erana.

ጋሞ ማጻፋ

²⁰ ታኒ ኣማኔታዳ ኔና ታስ ማቾ ጊጊሳና። ኔኒካ ታኒ ጎዳ ጊዲዳይሳ ኤራና።

ሆሴኤ ቲንቢቴ 2:20 ပူးပေါင်းရင်းမြစ်များ

ኢሳያሳ ቲንቢቴ 2:4

Izi kawoteththata giddon pirdana; daro asata garsan diza palama izi diggana. Istti bantta giththa mashsha maarasha, bantta toorakka baaca qoxxi kessana. Derey dere bolla mashsha denththenna; hessafe guye istti ola tamaarettenna.

ኢሳያሳ ቲንቢቴ 62:4

Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ኤርማሳ ቲንቢቴ 24:7

Tani GODAA gididayssa eriza wozina isttas immana; istti bantta kumeththa wozinappe taakko simmana gishshas istti ta dere gidana; tanikka istta Xoos gidana.

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ኤርማሳ ቲንቢቴ 32:41

Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.

ኤርማሳ ቲንቢቴ 9:24

Gido attiin ceeqettiza oonikka tani GODAA gididayssa eroninne biitta bolla siiqo, suure pirdanne xilloteth ooththizay tana gidoyssa akeekon ceeqetto. Tani haytan ufayettays» gees.

ሂዚቄላ ቲንቢቴ 16:62

Hessa gishshas ta nenara caaqo qaala ooraxissana; tani GODAA gididayssa ne he wode erana.

ሂዚቄላ ቲንቢቴ 16:8

«Qasseka ta heera aadhdha bashe xeelladis; ne gelo gakkida geela7o gididayssa be7ada ta may7o macara ne bolla yeggada ne kalloteth kammadis; nees caaqqadis; nenara qaala geladis; ne taassa» gees Ubbaa Haariza GODAY.

ሂዚቄላ ቲንቢቴ 34:25

« ‹Tani isttara saroteththa caaqo qaala gelana; hessafe guye tani istta wora do7atappe shempisana; isttika bazzo biittan saron de7ana; wora giddonkka woppan ichchana.

ሂዚቄላ ቲንቢቴ 34:27

Gaden diza miththati ayfe immana; biittayka kath moyzana; as ubbay ba biitta bolla saron daana. Ta istta qambara menththada istta aylleteththan haaridayta kusheppe wozziza wode tani GODAA gididayssa istti erana.

ሂዚቄላ ቲንቢቴ 38:23

Tani ta gitateththaanne ta geeshshateththaa hessan bessana. Qasse daro kawoteththata sinththan tani tanateththaa erisana. Hessafe guye tani GODAA gididayssa istti erana› gees.

ሆሴኤ ቲንቢቴ 13:4

GODAY, «Nena Gibxeppe kessiday tana GODAA ne Xoossa; nees taappe attiin hara Xoossi deenna; nena ashshiday taappe attiin hara xoos gidenna.

ሆሴኤ ቲንቢቴ 2:19

Hanne Isra7eele! Ta nena mernaas taas giigsana; Ta nees xilloteththaninne suureteththan pirdana; aggontta siiqoninne qadhetan ta nena taas oychcha giigsana.

ሆሴኤ ቲንቢቴ 6:6

Tani yarshofe aaththada maaroteth dosays. Xuugettiza yarshofe aaththada Xoos ero dosays.

ሌዌታ ማጻፋ 26:5

Intte kaththay keehi daro gidida gishshas intte buro shiisho bolla dishin woyne miththa ayfe qanxxiza wodey gakkana; intte woyne miththa ayfe qanxxidi shiishshi wursontta dishin kath zeriza wodey gakkana; intte kath kalli maana; intte biittankka saroteththan daana.

ሌዌታ ማጻፋ 26:6

« ‹Intte biittas saroteth immana; oonaska babbontta intte woppu gi aqana; iita do7ata intte dereppe ta diggana; hayssafe guye intte deren olay deenna.

ሚኪያሳ ቲንቢቴ 4:3

Izi daro asa giddon pirdana; haahoninne matan diza wolqqama katama giddon diza oosh essana; istti ba giththa mashsha maarasha, ba toorakka baaca histti qoxxana; issi kawoy hara kawo bolla mashsha denththenna; hessafe guye istti ola timirte tamaarettenna.

ዛካራሳ ቲንቢቴ 9:10

Para-gaareta Efreemeppe ola parata Yerusalaameppe ta ekka dhayssana. Tani ola toorata menththereththana. Saroteth kawoteththatas awajjana. Izi abbaafe abban gakkanaas haarana; Efiraaxise shaafappe sa7a gaxa gakkanaas izi ayssana.

Maatosa 11:27

«Wurikka ta Aawappe taas imettides; Aawappe attiin Naaza gishshas eriza asi baa; qasse Naazappenne Naazi ba shenen qonccisida asappe haray aawaa eriza asi baa.

ሉቃሳ ሚሺራቾ 10:22

«Wuri ta Aawaa matappe taas imettides; qasseka iza nay oonakko Aawappe attiin erizay baa; Aaway oonakko Naazappe attiin woykko Naazi izas qonccisanaas dosidaadefe attiin erizaadey baa» gides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ዮሃኒሳ ሚሺራቾ 8:55

Intte iza erontta aggikokka ta iza erays. Ta iza erikke giikko tanikka intte mala wordanchcha gidays; ta qasse iza erays; iza qaalaakka naagays.

2ቆሮንቶሴ ኣሳስ 4:6

Kirstoosa sinththan Xoossi ba bonchcho erateththa poo7o nuus immanaas, «Poo7oy dhuman poo7o» gida Xoossi ba poo7o nu wozinan poo7isides.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

ቆላሲያሴ ኣሳስ 1:10

Hessaththoka Godaas bessiza duus daana mala intte iza poli ufayssana mala lo7o ooso ubbaan ayfe immana malanne Xoos eron dicci dicci baana mala nu inttes woossoos.

2ጺምቶሳስ 1:12

Tani meto be7izaykka hessa gishshassa; gidikkoka ta oona ammanizaakko tani ta ammanizaade shaakka eriza gishshas izan yeellatikke. Ta izas immida hadaraa he gallassiya gakkanaas izi naaganaas dandayzayssa ta shaakka eradis.

Ibirawe 8:11

Hayssafe guye asi ba guta asaa woykko ba ishaa, ‹Ne Godaa era› gi tamaarsenna. Gaasoykka asi guuththafe gitata gakkanaas wurikka tana erana.

1ዮሃኒሳ ኪታ 4:6

Nuni gidikko Xoossa bagga; Xoos erizay nu gizayssa siyanashin Xoossa bagga gidonttaadey gidikko nu gizayssa siyenna. Tumu Ayananne wordo ayana nu shaakki erizay hayssanna.

1ዮሃኒሳ ኪታ 5:20

Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.