ሆሴኤ ቲንቢቴ 14:5 - Geeshsha Maxaafa

⁵ Tani Isra7eele asaas puuse ira mala gidana; isttika lo7o ciishsha mala ciiyana; Libaanoose ziga mala xapho yeddana.

ጋሞ ማጻፋ

⁵ ታኒ ኢስራኤሌ ኣሳስ ፑሴ ኢራ ማላ ጊዳና፤ ኢስቲካ ሎኦ ጪሻ ማላ ጪያና፤ ሊባኖሴ ዚጋ ማላ ጻጶ ዬዳና።

ሆሴኤ ቲንቢቴ 14:5 ပူးပေါင်းရင်းမြစ်များ

2ሳሜላ ማጻፋ 23:4

izi shaaray bayndason, maalado xalqqey keziza wode diza poo7o mala; izi biitta bolla maata purccisiza xalqqe mala, iray bukki aadhdhishin ke7iza awa mala› gides.

2ካዎታ ማጻፋ 19:30

Ha7ikka Dawite keeththafe casha attidayti bantta xapho duge yeddana; bollarakka ayfe immana.

ኢዮቤ ማጻፋ 29:19

Xaphoti ubba wode haaththe demmiza malanne haggatikka xaazan cililiza miththa malakkoshin.

ዬ ማጻፋ 133:3

Qasseka Hermoone zumatappe duge Xiyoone Zumbullata bolla xokkiza xaaza mala; GODAY hessan anjjonne de7o mernaas azazides.

ዬ ማጻፋ 72:16

Biittan daro kaththay mokko; zumati kaththan kamettetto; Biittay Libaanoose mala kaththa biitta gido; maatay demba kumiza mala katama kumo.

ዬ ማጻፋ 72:6

Kawoy shooqan bukkiza ira malanne gade kalssiza puuse ira mala gidana.

ዬ ማጻፋ 80:9

Neni izis biittaa qeexa giigsadasa; histtiin xapho yeddada biitta ubbaa gakkadus.

ዬ ማጻፋ 92:12

Xilloti zamba mala daayana; qasse Libaanoose xiidda mala diccana.

ዬ ማጻፋ 92:13

Istti GODAA keeththan tokettida; istti Xoossa Keeththa zago gakkanaas daayana.

ሌሚሶ ማጻፋ 19:12

Kawo hanqoy gaammo xaago mala; gido attiin iza sinththan saba demoy maata cililissiza ira mala.

Siiqo Saba 2:16

«Ta siiqozi taassa; tanikka izassa; cilila maata giddon izi ba mehe heemmees.

Siiqo Saba 4:5

Ne dhanththati mentte yelettidi, suufe ciishshata giddon miza genessa laaqqata misateettes.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኢሳያሳ ቲንቢቴ 18:4

GODAY taas, «Ta co7u ga uttana; seeta gallas awa seelan xolqettiza misha mala bone hombe mala, shaarappe bukkiza ira mala gidada ta xeellana» gides.

ኢሳያሳ ቲንቢቴ 26:19

Gido attiin hayqqida ne asay paxana; istta ahaykka dendana. Intteno biitta garsan dizaytoo! Dendite ufayssan yexxite; ne xaazay biitta yakkissiza maalado xaaza mala sa7ay mittidayta zaara cuttana.

ኢሳያሳ ቲንቢቴ 27:6

Yaana gallassatan Yaaqoobey xapho yeddana; Isra7eeley aacananne ciiyana; histtiin istta ayfey sa7a kumana.

ኢሳያሳ ቲንቢቴ 35:2

Izi daro ufayettananne miiccana; Libaanoose bonchchoy izas imettana; Qarmeloosenne Lasharoone teema izi may7ana; nu GODAA bonchchonne Xoossaa gitateththaa istti be7ana.

ኢሳያሳ ቲንቢቴ 44:3

Tani saamettida biittan haath gussana; mela biittankka shaafa gogisana. Tani ta Ayana ne zereththa bolla, ta anjjo nees naa naa bolla gussana.

ኢሳያሳ ቲንቢቴ 45:8

Intteno salotoo, bollafe xilloteth bukisite; shaaratikka duge xokisite; biittay doyetto; atoteththi mokko. Xilloteththika izara issife dicco. Tani GODAY hessa medhdhadis.

ኢሳያሳ ቲንቢቴ 57:18

Tani iza ogeta be7adis; gidikkoka ta iza paththananne kaaleththana; izassinne iza gishshas yeekkiza geeshshata ta minththeththana.

ኢሳያሳ ቲንቢቴ 57:19

Isra7eele biittan yeekkizayta doonan ta galata woththana. Mataninne haahon dizaytas saroynne woppay gido. Tani istta paththana» gees.

ኤርማሳ ቲንቢቴ 3:22

Istti, «Intteno ammanoy baynda asatoo! Taakko simmite. Intte ammanettana mala, tani inttena paththana» gides. Histtiin isttas, «Ero, nuni neekko simmana. Ays giikko neni GODAA nu Xoossa.

ኤርማሳ ቲንቢቴ 32:41

Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ሚኪያሳ ቲንቢቴ 5:7

Yaaqoobe zereththafe attidayti daro dere giddon Xoossa achchafe wodhdhiza ira mala maata bolla loddara puusishe biitta kaaleththiza puuse ira mala asappe aykkoka koyontta asa gidana.

ሚኪያሳ ቲንቢቴ 7:18

Dhayshe attida zereththaa nagara atto gi maariza ne mala Xoossi oonee? Neni mernaas hanqettaka; maaro gelizayssan ne ufayettaasa.

Maatosa 6:28

«Qasse may7o gishshas aazas hirgeetii? Ane coo demban diza ciishshata xeellite; daaburettenna woykko suqettenna.

ሉቃሳ ሚሺራቾ 12:27

«Ciishshati waanidi diccizaakko ane xeellite; waayettenna; suqettenna; gido attiin ta inttes yootays; Solomooneykka gita asa shin isttafe issineyththo may7ibeenna.

ኤፌሶኔ ኣሳስ 3:17

Hessika Kirstoosi intte wozinan ammanon daana malanne qasseka intte izan xaphidi siiqon minnana mala woossays.

ዛሬ ማጻፋ 32:2

Ta immiza timirtey ira mala bukko; ta haasayaykka xaaza mala xoketto; maata bolla loddi gi bukkiza ira mala bukko; kaththa caarechcha bolla puuse mala wodhdho.