ሆሴኤ ቲንቢቴ 14:1 - Geeshsha Maxaafa

¹ Isra7eele derezoo! Intte intte nagara gaason kundida gishshas GODAA intte Xoossako simmite.

ጋሞ ማጻፋ

¹ ኢስራኤሌ ዴሬዞ! ኢንቴ ኢንቴ ናጋራ ጋሶን ኩንዲዳ ጊሻስ ጎዳ ኢንቴ ጾሳኮ ሲሚቴ።

ሆሴኤ ቲንቢቴ 14:1 ပူးပေါင်းရင်းမြစ်များ

2ካዎታ ማጻፋ 8:12

Azaheeleykka, «Ta goday ays yeekkizee?» gi oychchides. Elssa7ikka zaaridi izas, «Neni Isra7eele asaa bolla gaththana qohoza ta eriza gishshas yeekkays; ne istta miixata taman xuuggana; istta naateththa naytakka mashshan wodhana; isttas qeeri naytakka biitta bolla dinccereththana; shaara maccassata ulo ne daakkana» gides.

ኢሳያሳ ቲንቢቴ 19:22

GODAY Gibxe boshan shocana; zaaridikka istta paththana; isttika GODAAKKO simmana; izikka istta woosa siyidi istta paththana.

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 4:1

GODAY, «Isra7eele asawu! simmiko haa taakko simmite. Intte harassiza miishshata ta sinththafe diggiko, yayyontta minni eqqiko,

ኤርማሳ ዚላስ 5:16

Kallachchay nu hu7eppe kundides; nu nagara ooththida gishshas aayye ana!

ሂዚቄላ ቲንቢቴ 16:46

Nees bayra michchiya neeppe pudeha baggara ba macca naytara diza Samaariya; nees kaalo michchiya neeppe dugeha baggara diza Sodoomo.

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

ሂዚቄላ ቲንቢቴ 33:14

Qasse iita as ne tumappe hayqqana giikko, izi ba nagarappe simmidi suurenne likke gidida miish ooththiko,

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሆሴኤ ቲንቢቴ 12:6

Hessa gishshas ne Xoossako simma; siiqonne tumu pirda lo7eththa oykka; ubba wode ne Xoossan ammanetta.

ሆሴኤ ቲንቢቴ 12:8

Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ሆሴኤ ቲንቢቴ 13:9

«Isra7eele derezoo! Ne ta bolla dendida gishshassinne nena maaddiza tanara ne eqettida gishshas ne dhayana;

ሆሴኤ ቲንቢቴ 4:8

Ta dereza nagaray isttas muussas kiyides; hessa gishshas derey nagara ooththizayssa keehi dosida.

ሆሴኤ ቲንቢቴ 5:5

Isra7eele asaa otoroy istta bolla simmi markkattees. Istti bantta nagaran dhuphettana. Yuhudaykka isttara issife dhuphetti kundana.

ሆሴኤ ቲንቢቴ 6:1

Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

ሆሴኤ ቲንቢቴ 9:13

Efreemey Xiroose mala lo7o gaden tokettiin be7adis; Ha7i gidikko Efreemey ba nayta shemppo wodhizaytas aaththi immana.

ሆሴኤ ቲንቢቴ 9:7

Qaxxayana wodey gakkides; Pirda gallassika gakkides; hessa Isra7eele asay ero. Intte ooththida nagaray daro gidida gishshassinne intte morkketeththi gita gidida gishshas nabey eeya mala, Xoossa Ayanay iza bolla shempidaadey gooshsha mala qoodettides.

ኣሞጼ ቲንቢቴ 1:13

GODAY Amoones, «Amoone asay zaari zaaridi ooththida nagara gishshas ta istta qaxxayontta aggike; istti dere zawa aassanaas Gala7aade dere shaara maccassata ulo daakkida.