ሆሴኤ ቲንቢቴ 13:6 - Geeshsha Maxaafa

⁶ Gido attiin ta miziin istti kallida; kallidi otorettida; hessafe guye tana balida.

ጋሞ ማጻፋ

⁶ ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ሆሴኤ ቲንቢቴ 13:6 ပူးပေါင်းရင်းမြစ်များ

ናሂሚያ ማጻፋ 9:35

Ne istta kawoteththan isttas gita anjjo immadasa; araddanne aaho biitta isttas immadasa; gido attiin istti ba nagarappe simmidi nees goynnibeettenna.

ዬ ማጻፋ 10:4

Iita asi otoreteththan Xoossa koyenna; iza qofa ubbaan Xoossi deenna.

ሌሚሶ ማጻፋ 30:9

Histtontta aggiko tani keeha kallada nena kaddana; ‹GODAY izi oonee?› gaana; woykko manqada kaysana; histtada tani Xoossa sunththaa caysana.

ኢሳያሳ ቲንቢቴ 17:10

Nena ashshiza Xoossaa baladasa; ne izan qotetta attiza ne zaallaka akeekabeekka; hessa neni doorettida atakilte tokkikokka, ooraththa zereth ne zerikkoka,

ኤርማሳ ቲንቢቴ 5:7

GODAY, «Tani intte nagara ays atto goo? Intte nayti tana aggida; eeqa xoossatankka caaqqida; Tani istta kalssa mizadis; istti gidikko laymatidanne layma keeth bida.

ሂዚቄላ ቲንቢቴ 23:35

«Hessa gishshas Ubbaa Haariza GODAY, ‹Neni tana dogida gishshassinne taas zokko zaarida gishshas neni ne laymateththaanne ziita gate tookkana› gees» gides.

ሂዚቄላ ቲንቢቴ 28:5

Ne zal7e ooso erateththan keeha bida gishshas, aqota bolla aqota dagasadasa; ne aqota daroteththafe dendidayssan ne wozinay otoron kumides gaada yoota.

ሆሴኤ ቲንቢቴ 10:1

Isra7eele asay daayida woyne miththa mala. Istti daro ayfe ayfida; ayfezi darida keena daro yarshosoho medhdhida. Istta biittaya lo7o ayfe immada istta duresida mala istti goynniza tuussata aleqessida.

ሆሴኤ ቲንቢቴ 12:8

Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ሆሴኤ ቲንቢቴ 2:7

Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ሆሴኤ ቲንቢቴ 4:6

Ta derezas erateththi paccida gishshas dhaydes. Intte tana eranaas koyontta gishshas tanikka intte taas qeeseta gidi ooththana mala koykke. Intte ta woga balettida gishshas tanikka intte nayta balana.

ሆሴኤ ቲንቢቴ 4:7

Qeeseta qooday dari dari bishin istti ta bolla ooththida nagaray dari dari bides; bantta bonchchoka kawushshan laammida.

ሆሴኤ ቲንቢቴ 5:14

Hessafe dendidayssan tani Isra7eeles gaammo mala Yuhudaska wodalla gaammo mala gidana; ta istta nififi histta menththereththa yeggana; bonqqa ekkada baana; oonikka istta ta kusheppe ashshanaas dandayenna.

ሆሴኤ ቲንቢቴ 7:14

Istti ba hiixa bolla ichchidi yeekkeettes; gido attiin wozinappe taakko woosettenna; kaththassinne ushshas shiiqeettes; gido attiin taappe sher7i gida.

ሆሴኤ ቲንቢቴ 8:14

«Isra7eele derey baas gita kawoteththa keeththata keexxides; gido attiin bana medhdhidayssa balides. Yuhuda dereykka daro mino katamata ooththides; gido attiin tani he katamata bolla tama yeddana; istta miixataka tamay maana» gides.

ሆሴኤ ቲንቢቴ 8:4

«Ta sheney baynda istti baas kawota kawoththida; tana oychchontta dishe daannata doorida; ba birappenne ba worqqafe bana dhayssana eeqa xoossata baas ooththida.

ዛሬ ማጻፋ 32:18

Istti baas de7o immida zaallaa dogida; bana medhdhida Xoossaaka balida.