ሆሴኤ ቲንቢቴ 13:1 - Geeshsha Maxaafa

¹ Efreemey Isra7eele dereza giddon bonchchetti diza gishshas izi haasayshin asay ubbay kokkorees. Gido attiin ba7aales goynnida gishshas qohides; hayqqides.

ጋሞ ማጻፋ

¹ ኤፍሬሜይ ኢስራኤሌ ዴሬዛ ጊዶን ቦንቼቲ ዲዛ ጊሻስ ኢዚ ሃሳይሺን ኣሳይ ኡባይ ኮኮሬስ። ጊዶ ኣቲን ባኣሌስ ጎይኒዳ ጊሻስ ቆሂዴስ፤ ሃይቂዴስ።

ሆሴኤ ቲንቢቴ 13:1 ပူးပေါင်းရင်းမြစ်များ

ሜቴ ማጻፋ 2:17

gido attiin lo7onne iita erisiza miththay teerappe mooppa; ays giikko neni izippe mida gallas tumu hayqqana» gi azazides.

1ካዎታ ማጻፋ 12:25

Hessafe guye Iyorba7aamey Efreemen shaara menththon diza Seekeemen miixa giigsi uttides; hessafe kezi biidi Panu7eelen miixa giigsides.

ኢዮቤ ማጻፋ 29:21

Asay ta zoreza laamotan co7u giidi ezgees.

ኢዮቤ ማጻፋ 29:22

Ta haasayay istta aliza gishshas taappe guyera haasayza asi deenna.

ሌሚሶ ማጻፋ 18:12

Asi kundanaappe kase iza wozinay otorettees; ashketeththi bonchchofe sinththatees.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ኢሳያሳ ቲንቢቴ 7:8

Gaasoykka Damasqoy Aaraame biittas hu7e; kawo Eraasooney Damasqos hu7e. Usuppun tamman ichchash layththa garsan Efreeme derey laalettana; simmidi dere gidana dandayenna.

ሆሴኤ ቲንቢቴ 11:2

Gido attiin ta istta xeygida keena istti taappe gede haakki haakki bida. Ba7aales yarsho shiishshida; iza misletasikka exaane cuwasida.

ሆሴኤ ቲንቢቴ 2:10

Izi laggeththota sinththan ta izo kallo ashshana; izo ta kusheppe ashshanay deenna.

ሆሴኤ ቲንቢቴ 2:8

Tani izis kase kath, woyne ushshinne wogara zayte immidayssanne qasseka iza ba7aale geetettiza eeqa xoossas yarsho biranne worqqa izis darssiday tana gididayssa iza shaakka erabeekku.

ሆሴኤ ቲንቢቴ 8:4

«Ta sheney baynda istti baas kawota kawoththida; tana oychchontta dishe daannata doorida; ba birappenne ba worqqafe bana dhayssana eeqa xoossata baas ooththida.

ታይቦ ማጻፋ 10:22

Hessafe kaallidi Efreeme zarkketa bandira garsan dizayti Amihuude naa Elshamay kaaleththiin ba tara naagidi bida.

ታይቦ ማጻፋ 13:16

Heyti dereza hanota xomosi xeellidi yaana mala Musey kiittidayta; Nawe naa Hose7e, «Iyaaso» giidi iza sunththaa laammides.

ታይቦ ማጻፋ 13:8

Efreeme zarkkefe Nawe naa Hose7e,

ሉቃሳ ሚሺራቾ 14:11

Gaasoykka bana dhoqqu histtizaadey wuri ziqqi gaana; bana ziqqi histtizaadey wuri dhoqqu gaana» gides.

ኦሮሜ ኣሳስ 5:12

Hessa gishshas nagaray issaade gaason duge ha alameza yida mala hayqoykka nagara gaason yides; hayqoykka hessa baggara asa ubbaakko yides; hessas gaasoykka asi wurikka iza baggara nagara ooththida gishshassa.

2ቆሮንቶሴ ኣሳስ 5:14

Kirstoosi ubbaas issito hayqqoyssanne haray wurikka izara issife hayqqidayssa nu erida gishshas Kirstoosa siiqoy nuna wolqqara oosisees.

ኢያሶ ማጻፋ 3:7

GODAY Iyaasos, «Tani Musera gidida mala nenara gidanayssa Isra7eele asay wuri erana mala hach istta sinththan tani nena dhoqqu dhoqqu ooththanaas doommana.

ዳናታ ማጻፋ 12:1

Efreeme dere asay olas baana giigettidi Yordaanoose shaafa pinnidi Xafoone geetettiza katama gakkida wode Yoftahes, «Amooneta olanaas zawa pinnada bashe nenara baana mala ays nuna xeygabeekkii? Hessa gishshas nuni ne keeththaa ne bolla gordidi taman xuuggana» gida.

ዳናታ ማጻፋ 8:1

Hessafe guye Efreeme asay Geedoone, «Midiyaameta olanaas bashe nuna ays xeygabeekkii? Nuna ays hayssa mala ooththadii?» giidi keehi walassida.

1ሳሜላ ማጻፋ 15:17

Sameeli izas, «Neni ne qofan guuth gidikkoka ne Isra7eele asaa kaaleththizaade gidabeekkii? GODAY nena tiydi Isra7eele bolla kawoththides.