ሆሴኤ ቲንቢቴ 12:6 - Geeshsha Maxaafa

⁶ Hessa gishshas ne Xoossako simma; siiqonne tumu pirda lo7eththa oykka; ubba wode ne Xoossan ammanetta.

ጋሞ ማጻፋ

⁶ ሄሳ ጊሻስ ኔ ጾሳኮ ሲማ፤ ሲቆኔ ቱሙ ፒርዳ ሎኤ ኦይካ፤ ኡባ ዎዴ ኔ ጾሳን ኣማኔታ።

ሆሴኤ ቲንቢቴ 12:6 ပူးပေါင်းရင်းမြစ်များ

ሜቴ ማጻፋ 49:18

«Abeet Godoo! Ta ne maado naagays.

ዬ ማጻፋ 123:2

Ashkaray ba godaa kushe xeelliza mala, ashkarayakka ba godattey kushe xeelliza mala, nunikka izi nuna maarana gakkanaas nu GODAAKKO pude xeelloos.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

ዬ ማጻፋ 37:7

GODAA sinththan co7u gaada izi ooththana gakkanaas dandayan naaga; iita asati duretikkonne istta qofay polettiko ne istta bolla yiillotoppa.

ኬሳ ማጻፋ 3:15

Qasse Xoossi Muses, «Neni Isra7eele naytas, ‹GODAY intte aawata Abrahaame, Yisaaqanne, Yaaqoobe Xoossi izi tana intteko kiittides› ga yoota; hayssi yeletappe yeleta gakkanaas tani erettiza ta sunththa.

ሌሚሶ ማጻፋ 1:23

Ta seeran intte simmidaakko, tani ta qofa inttes qonccisanakkoshin; ta qaalakka inttena tamaarsanakkoshin.

ሌሚሶ ማጻፋ 21:3

Yarshofe bollara xillonne suure pirda GODAY dosees.

ኢሳያሳ ቲንቢቴ 1:16

Meecettite; inttena geeshshite; intte iita oosoza ta sinththafe diggite; iita oosokka aggite.

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 31:6

Intteno Isra7eele asazoo! Intte keehippe makkallidayssaako simmite.

ኢሳያሳ ቲንቢቴ 40:31

Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ኢሳያሳ ቲንቢቴ 58:6

«Be7ite tani doorida xoomay, un7ettidayta sansalata intte duuththana mala, qambara wodoro intte birshana mala, un7ettidayta intte la7a yeddana mala, tooho gidida qambara intte menththana mala gidennee?

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ኤርማሳ ቲንቢቴ 22:15

«Ne kawoteththa keeththa daro ziga miththan keexxidayssi nees kawotidaa misatizee? Ne aaway suure pirdanne xillo ooththida gishshas mizaazinne uyizaazi paccidee? Izas ubbaa miishshika injjetides.

ሂዚቄላ ቲንቢቴ 18:30

«Hessa gishshas intteno Isra7eele asatoo! Hessa gishshas intte ooso ooso mala ta intte bolla pirdana; Ha7i maaroteththan gelite; intte nagaran dhayontta mala intte nagara ubbaafe simmite.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 4:1

Hanno biittay bolla diza asa ubbaa bolla GODAY shiishshiza mootoy dees. Hessa gishshas Isra7eele asawu! Izi inttena gizayssa siyite; «Hanno biittay bollafe ammaneteththay, siiqoynne Xoos eroy dhaydes.

ኢዩኤሌ ቲንቢቴ 2:12

GODAY, «Ha7ikka gidikko xooman yeehoninne ceecen intte kumeththa wozinappe ha taakko simmite.

ኢዩኤሌ ቲንቢቴ 2:13

Intte intte kayo bessanaas may7o daaketh xalla gidenna; hessafe bollara intte wozinay meqqiin maarettite; GODAA intte Xoossay kiyanne maariza Xoossa, hanqoska eesotenna; mernaa siiqon izi durenne qaxxayanaas eesotontta Xoossa; hessa gishshas intte izakko simmite.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኣሞጼ ቲንቢቴ 5:24

Gido attiin tumu pirday goggiza haaththa mala; xilloteththika miccontta pultto mala goggo.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ሚኪያሳ ቲንቢቴ 7:7

Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.

ኢምባቆ ቲንቢቴ 2:3

Ne ajjuutazi baas imettida wode naagees; izikka wurseththa gishshas yootees, wordotenna. Gam7ana misatikkoka naaga; izi tumappe yaana; mulekka gam7enna.

ሶፎናሳ ቲንቢቴ 3:8

GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

ዛካራሳ ቲንቢቴ 1:3

Ha7i gidikko asaas, ‹Taakko haa simmite; tanikka intteko simmana› gees Ubbaafe Wolqqama GODAY.

ዛካራሳ ቲንቢቴ 7:9

«Ubbaafe Wolqqama GODAY, ‹Tumu pirda pirdite; intte garsan issoy issaara maarettitenne issoy issaas qadhettite.

ዛካራሳ ቲንቢቴ 8:16

Intte ooththanaas bessiza miishshati haytantta; intte intte garsan issoy issaara tumu haasayettite; intte dubbushankka tumanne suure pirda pirdite.

ሃዋሬታ ኦሶ 2:38

Phexroosikka, «Maaroteththan gelite; intte nagaray maarettana mala inttefe issi issi asi Yesus Kirstoosa sunththan xammaqettite; izi immiza Xillo Ayana intte ekkana.

ሃዋሬታ ኦሶ 26:20

Gido attiin ta kasetada Damasqon diza asaa kaaleththada Yerusalaameninne Yuhuda dere ubbaan dizayta qasseka Ayzaabetikka nagara ogeppe Xoossako simmidi maarettana mala erisadis; istti nagarappe simmidayssa bessizaaz ooththana mala ta isttas yootadis.

ያቆቤ ኪታ 1:27

Xoossaa Aawaa sinththan iitateththi baynda lo7o ammanoy aayanne aaway hayqqida nayta, istta azinati hayqqida maccassata metotettishin maadonne hayssa alameza tunateththaafe bana naago.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.