ሆሴኤ ቲንቢቴ 12:2 - Geeshsha Maxaafa

² GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ጋሞ ማጻፋ

² ጎዳይ ዩሁዳ ዴራ ቦላ ሺሺዛ ሞቶይ ዴስ፤ ኢዚ ያቆቤ ኢዛ ሃኖታ ማላ ቃጻያና። ኢዛ ኦሶ ማላ ኢዛስ ኢማና።

ሆሴኤ ቲንቢቴ 12:2 ပူးပေါင်းရင်းမြစ်များ

2ካዎታ ማጻፋ 17:4

Hose7ey Gibxe kawo Sigoorekko kiita yeddida gishshassinne kase izi Asoore kawos layththan layththan giira giirizayssa diggida gishshas Asoore kawoy Hose7ey iza kaddidayssa erides; hessa gishshas Saliminaasoorey iza oykki qasho keeththan yeggides.

ኢዮቤ ማጻፋ 15:2

«Tumu era asi carko mala kushen oykettontta miish haasayi erizee? Iza ulon qohiza qofay daanaas bessizee?

ዬ ማጻፋ 78:36

Gido attiin istti bantta inxarsan izas wordotidi bantta doonan cimmida.

ኤራንቻታ ማጻፋ 5:15

Asi ba aayi uloppe kallo yelettida mala kallo bees; ay keena daaburkkoka izi ba daaburdayssafe aykkoka ekkibeenna.

ኢሳያሳ ቲንቢቴ 10:12

GODAY Xiyoone zuma bollanne Yerusalaame bolla ba ooththana ooso ubbaa polidaappe guye, «Asoore kawo iza wozina otoreteththaa gishshassinne izi kadhe ayfen xeelliza gishshas ta iza qaxxayana» gees.

ኢሳያሳ ቲንቢቴ 10:6

Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ኢሳያሳ ቲንቢቴ 24:21

He gallas GODAY bolla salon diza wolqqamata gars biitta bolla diza kawotakka qaxxayana.

ኢሳያሳ ቲንቢቴ 3:11

Iitatas aayye ana! Istta bolla iita miishshi yaana; ays giikko istti bantta ooso mala ekkana.

ኢሳያሳ ቲንቢቴ 30:6

Negeben diza medosata gishshas GODAY yootida qaalay wodalla gaammotinne macca gaammoti dizason, marzera diza shooshshatinne xongettiza shooshshati dizason, metoynne ceecey kumida biittara aadhdhi biidi, istti go7ontta deretakko,

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኤርማሳ ቲንቢቴ 25:31

GODAY kawoteththata bolla pirdiza wode iza cenggurssay biitta gaxa gakkanaas siyettana; izi as ubbaa bolla pirdana; iitatakka mashshas aaththi immana› » gides.

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ሆሴኤ ቲንቢቴ 4:1

Hanno biittay bolla diza asa ubbaa bolla GODAY shiishshiza mootoy dees. Hessa gishshas Isra7eele asawu! Izi inttena gizayssa siyite; «Hanno biittay bollafe ammaneteththay, siiqoynne Xoos eroy dhaydes.

ሆሴኤ ቲንቢቴ 4:9

Intte qeesetikka deraappe dummatekketa; hessa gishshas ta ubbaaka izaade hano mala iza qaxxayana; iza ooso malakka izas immana.

ሆሴኤ ቲንቢቴ 7:1

«Tani ta dere Isra7eele asa paththanaassinne zaarada duresanaas koyza wode; Efreeme nagaraynne Samaariya asa iitateththi keehi dari beettides. Istti issoy issaas wordoteettes, kaysoti keeththe bookki gelidi kaysoteettes, pangati oge bolla aadhdhooson aadhdhooson bonqqeettes.

ሆሴኤ ቲንቢቴ 7:11

«Isra7eele asay elle balettizanne qofay baynda haraphphe kafo mala. Issito Gibxe xeygees; hara wode qasse Asoorekko simmees;

ሆሴኤ ቲንቢቴ 7:2

Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ሆሴኤ ቲንቢቴ 8:10

Istti bana kawotas aaththi bayzikkoka ha7i ta istta shiishshana; kawotinne daannati istta bolla gaththiza metoppe dendidayssan istti guuxxi guuxxi baana.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ሆሴኤ ቲንቢቴ 8:9

Barkka bazzo biittan toylattiza hardida mala gede Asoore dere bida. Bana maaddana mala kawotas miishshe immidi baas dabbo shammida.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ሆሴኤ ቲንቢቴ 9:9

Isra7eele asay kase Gibi7a wode diza asa mala keehi tunides; Xoossi istta qohoza qoppidi istta nagara gishshas istta qaxxayana.

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ሚኪያሳ ቲንቢቴ 6:2

Zumatoo! Xoossa mooto siyite; Intteno biitta mino xaphotoo siyite; Xoossas asara palamay dees; izi Isra7eele naytara pirdeettes.

Maatosa 16:27

Asa Nay ba Aawa bonchchoranne salo kiitanchchatara yaana; issaas issaas iza ooso mala izaade waaga immana.

ኦሮሜ ኣሳስ 2:6

Xoossi issaas issaas iza ooso mala immana.

ጋላቲያ ኣሳስ 6:7

Balettofte; Xoossi qilcca erenna; asi ba zeridaaro izo zaari maxana.