ሆሴኤ ቲንቢቴ 11:8 - Geeshsha Maxaafa

⁸ «Efreemee! Ta nena wostta aggaaganee? Isra7eele ta nena wostta aaththa immanee? Ta kase Adaamaninne Xaboymen ooththidayssaththo wostta ne bolla ooththoo? Ta wozinay giddon qaaxxides; ta maaroteththay nena ashshana dendides.

ጋሞ ማጻፋ

⁸ «ኤፍሬሜ! ታ ኔና ዎስታ ኣጋጋኔ? ኢስራኤሌ ታ ኔና ዎስታ ኣ ኢማኔ? ታ ካሴ ኣዳማኒኔ ጻቦይሜን ኦዳይሳ ዎስታ ኔ ቦላ ኦ? ታ ዎዚናይ ጊዶን ቃጺዴስ፤ ታ ማሮቴይ ኔና ኣሻና ዴንዲዴስ።

ሆሴኤ ቲንቢቴ 11:8 ပူးပေါင်းရင်းမြစ်များ

ሜቴ ማጻፋ 14:8

Hessafe simmiin, Sodoome kawoy, Gamoora kawoy, Adaama kawoy, Xaboyme kawoynne (Zo7aare geetettiza) Beela kawoy dendidi Siidime shoobban olas salfida.

2ሳሜላ ማጻፋ 24:16

GODAA kiitanchchay Yerusalaame dippi histtidi dhayssanaas ba kushe yeddiin asaa bolla gakkida qohoy GODAA qadheththides; histtiin dereza wursiza kiitanchchaza, «Gidana! Agga!» gides. He wode GODAA kiitanchchay Yaabuse dere as Orna bale achchan eqqi dees.

1ካዎታ ማጻፋ 3:26

Paxa diza naaza aaya ba naazas keeha mishettiza gishshas kawozas, «Ta godoo! Paxa diza naaza izis immaaga! Wodhopparkkii!» gadus. Gido attiin hankkoora, «Neeskka taaska imettofo; nam7u kezi shaaketto» gadus.

2ካዎታ ማጻፋ 13:23

GODAY gidikko isttas qadhettides, mishettidessinne ba sinththika isttako zaarides. Hessika Abrahaamera, Yisaaqaranne Yaaqoobera kase gelida caaqo qaala gishshassa. Hach gakkanaas izi istta dhayssanaas koyibeenna; izi istta ba sinththafe diggibeenna.

2ታሪኬ ማጻፋ 36:15

GODAY istta aawata Xoossay ba asaassinne ba dizasos qadhettiza gishshas ba nabeta isttas zaari zaari kiittides.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ኢሳያሳ ቲንቢቴ 16:11

Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ኢሳያሳ ቲንቢቴ 63:15

Abeet GODAWU, dummatida, bonchchettidanne dhoqqu gida ne araataappe saloppe duge xeella; ne wolqqaynne ne mishettiza mishoy awanee? ne ashketeththaynne ne qadheteththi nuuppe haakkides.

ኤርማሳ ቲንቢቴ 18:8

he tani yootida kawoteththay ba iitateththaafe aggidi simmiko, tani istta bolla ehana gida iita miish ehontta aggaagana.

ኤርማሳ ቲንቢቴ 3:12

«Ba; baada pudeha baggas, ‹Hanne ammanoy baynda Isra7eelee simma! Tani maarotay kumidaade gidida gishshas nena iita ayfen xeellike; mernaaskka hanqettike› gees GODAY.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኤርማሳ ቲንቢቴ 42:10

‹Ta intte bolla ehida bashsha gaason ceecida gishshas intte ha biittan uttiko tani inttena keexxanaappe attiin laallike; tokkanappe attiin shoddike.

ኤርማሳ ቲንቢቴ 9:6

Neni baleththoy kumidason daasa; istti bantta cimo gaason tana erana koyibeettenna» gees.

ኤርማሳ ቲንቢቴ 9:7

Hessa gishshas Ubbaafe Wolqqama GODAY, «Tani istta birata mala paaccada seerisa geeshshana. Ta deraa nagara gishshas ta hayssafe hara ay ooththana dandayazinaa?

ኤርማሳ ዚላስ 1:20

«Abeet GODAWU! Ta waayeza be7a! ta giddo asateththay metotides; ta keeha makkalladis; ta wozinaykka meqqides; Karen gidiin soon deraa hayqoy wursees.

ኤርማሳ ዚላስ 3:32

Izi asa bolla meto ehikkoka ba mernaa siiqon simmi qadhettees;

ኤርማሳ ዚላስ 3:33

Izi odidi asa bolla meto woykko waaye ehi erenna.

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

ሂዚቄላ ቲንቢቴ 6:9

Hayti hayqoppe attidayti di7etti bidason dishe istti tana qoppana; istti taappe haakkidi laymateththan kumida wozinaninne ziitay kumida eeqa xoossata kaalliza intte ayfetan tana mishisideta; ba ooththida iitateththaafenne harassiza eeqa xoossatappe dendidayssan istti barkka bana harassettana.

ሆሴኤ ቲንቢቴ 6:4

GODAY, «Efreeme asatoo! Yuhuda asatoo! Ta inttena wosttiko lo7oo? Intte tana siiqiza siiqoy maalado shaara malanne maalado xaaza mala coo tim7i gi eeson dhayees.

ሆሴኤ ቲንቢቴ 7:1

«Tani ta dere Isra7eele asa paththanaassinne zaarada duresanaas koyza wode; Efreeme nagaraynne Samaariya asa iitateththi keehi dari beettides. Istti issoy issaas wordoteettes, kaysoti keeththe bookki gelidi kaysoteettes, pangati oge bolla aadhdhooson aadhdhooson bonqqeettes.

ኣሞጼ ቲንቢቴ 4:11

Sodoomenne Gamoora kase ta dhayssida mala inttefe darotakka ta dhayssadis; intte attidaytikka tamay mishin attida miththa durca mala gidideta shin intte haa taakko simmibeekketa.

ኣሞጼ ቲንቢቴ 7:3

GODAYKKA isttas mishettidi, «Hayssi ne be7izayssi polettenna» giidi taas yootides.

ኣሞጼ ቲንቢቴ 7:6

GODAYKKA isttas mishettidi, «Hayssi ne be7izayssi polettenna» giidi taas yootides.

ሚኪያሳ ቲንቢቴ 5:3

Hessa gishshas yelizaara miixattada yelana gakkanaas Isra7eeley yegetta attana; hankko attida ishatikka simmidi Isra7eele asara walakettana.

ሶፎናሳ ቲንቢቴ 2:9

Hessa gishshas GODAY Ubbaafe Wolqqama Isra7eele Xoossay, «Tani ta de7o Xoossateththan caaqqays; Mo7aabey Sodoome mala Amooney Gamoora mala, sharafay may7idaso malanne maxine bookki ekkida olla mala mernaas bula gidana. Ta asaappe casha attidayti istta haaro bonqqananne istta biittaa laattana» gees.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

ዛሬ ማጻፋ 29:22

Sinththafe yaana yeletay, intte zareynne haaho dereppe yaana hara biitta asay GODAY intte bolla ehida boshaanne metoza be7ana.

ዛሬ ማጻፋ 29:23

He Biittaya mulera xuugettida maxinenne diine geetettiza Bidinth gidana; issi miishshika izin tokettenna; ay miishshika izin mokkenna; izin pude dicciza miishshi beettenna; izi bolla gakkana kundeththi GODAY keehi shenetidi mulera dhayssida Sodoome malanne Gamoora mala, Adaama malanne Xaboyme mala gidana.

ዛሬ ማጻፋ 32:36

Isttas wolqqay daaburdayssanne isttaka maaddizay bayndayssa be7idi, GODAY ba asaas pirdana; ba aylletaskka qadhettana.

2ጴጽሮሳ ኪታ 2:6

Qasseka Xoos goynnonttayta qaxxayanaas ubbaas leemiso gidana mala Sodoomeynne Gamoora katamati bidinth gidana gakkanaassinne xuugetti dhayana gakkanaas istta bolla pirdides.

ዩሁዳ ኪታ 1:7

Hessaththoka Sodoomeynne Gamooray qasseka istta heeran diza katamatikka laymatidanne salo medheteththatara laymatanaas amottida; hessa gishshas istti mernaa taman xuugetanaytas leemiso gidida.

ዮሃኒሳ ኣጁታ 11:8

Istta ahay leemisora Sodoomenne Gibxe geetettiza gita katamayn coo demban zin7ana; hinna katamaya kase istta Goday izin kaqettidasoyo.

ዮሃኒሳ ኣጁታ 18:18

Iza xuugettishin cuwattiza cuwaza be7idi, «Hanno ha gita katamayo misatiza katamay haray awan daandee?» gishe waassida.

ዳናታ ማጻፋ 10:16

Allaga xoossata ba giddofe diggidi GODAAS goynnida; istta waayeza be7idi GODAY co7u gi agganaas dandaybeenna.