ሆሴኤ ቲንቢቴ 11:3 - Geeshsha Maxaafa

³ Efreemes kusheza oykkada hemeth tamaarsiday tana; Gido attiin istta paththiday tana gididayssa istti eribeettenna.

ጋሞ ማጻፋ

³ ኤፍሬሜስ ኩሼዛ ኦይካዳ ሄሜ ታማርሲዳይ ታና፤ ጊዶ ኣቲን ኢስታ ፓዳይ ታና ጊዲዳይሳ ኢስቲ ኤሪቤቴና።

ሆሴኤ ቲንቢቴ 11:3 ပူးပေါင်းရင်းမြစ်များ

ዬ ማጻፋ 107:20

Izi ba qaala kiittidi istta paththides; duufo doonappeka istta ashshides.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ኬሳ ማጻፋ 19:4

‹Tani Gibxe asaa bolla ay ooththidaakko qasse golle kafoy ba naa ba qefen tookkiza mala tani inttena wostta tookkada taakko ehidaakko intte intte ayfera beyideta.

ኬሳ ማጻፋ 23:25

GODAA intte Xoossaas goynnite; histtiko, izi inttena kaththaninne haaththan anjjana; ta intte giddofe harge diggana.

ኢሳያሳ ቲንቢቴ 1:2

GODAY, «Salotoo siyite! biittayee nekka ezga siya! Tani nayta yelada dichcha gaththiin istti ta bolla makkallida.

ኢሳያሳ ቲንቢቴ 30:26

GODAY meqqida ba deraa koolishin, madunththidayssa paththishin, aginay arshe mala poo7ana. Arshes issi gallassa poo7oykka laappun gallassa poo7o mala gidana.

ኢሳያሳ ቲንቢቴ 46:3

GODAY, «Intteno Yaaqoobe soo asatoo! Isra7eeleppe attida ubbatoo! Intte intte aayi ulon shaara attoosafe haa simmiin inttena ta oykkidaytoo! Intte yelettoosofe doommada ta tookkidaytoo! Ta gizaa siyite.

ኢሳያሳ ቲንቢቴ 63:9

Istta meto ubbaan ceecides; Iza duussaa erisiza kiitanchchay istta ashshides; izi ba siiqoninne ba maaroteththan istta wozzides. Kase aadhdhida wode ubbaan istta denththidesinne tookkides.

ኤርማሳ ቲንቢቴ 30:17

Inttena gidikko tani zaarada payyisana; intte madunththaaka paththana. Gaasoykka isttas, ‹Kadhettidaaro; oonikka koyontta Xiyoono› gida gishshassa» gees GODAY.

ኤርማሳ ቲንቢቴ 8:22

Gala7aaden tiyiza dhaley deennee? Woykko heen aakimey deennee? Histtiin ta deraa madunththi ays paxibeennee?

ሆሴኤ ቲንቢቴ 14:4

GODAY, «Ta hanqoy istta bollafe simmida gishshas taas ammanettontta ixxida ta deraa ta paththana; ta istta coo mela siiqana.

ሆሴኤ ቲንቢቴ 2:8

Tani izis kase kath, woyne ushshinne wogara zayte immidayssanne qasseka iza ba7aale geetettiza eeqa xoossas yarsho biranne worqqa izis darssiday tana gididayssa iza shaakka erabeekku.

ሆሴኤ ቲንቢቴ 7:1

«Tani ta dere Isra7eele asa paththanaassinne zaarada duresanaas koyza wode; Efreeme nagaraynne Samaariya asa iitateththi keehi dari beettides. Istti issoy issaas wordoteettes, kaysoti keeththe bookki gelidi kaysoteettes, pangati oge bolla aadhdhooson aadhdhooson bonqqeettes.

ሆሴኤ ቲንቢቴ 7:15

Tani istta tamaarsadissinne istta minththadis; istti gidikko ta bolla dendida.

ሃዋሬታ ኦሶ 13:18

Oyddu tammu layth kumeth istta bazzo biittan dandaydes.

ዛሬ ማጻፋ 1:31

Aaway ba naa al7isiza mala intte biza bazzo biitta ubbaan izi inttena kaaleththishe inttena saron hayssa wostti gaththidaakko intte beyideta.›

ዛሬ ማጻፋ 33:27

Mernaa Xoossay inttes duussaso; Mernaas diza iza qeseti inttefe garsara diidi kaafeettes; intte morkketa izi intte sinththafe gooddana; intte istta dhayssana mala izi inttena maaddana.

ዛሬ ማጻፋ 8:2

GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.