ኢምባቆ ቲንቢቴ 2:9 - Geeshsha Maxaafa

⁹ «Wordora baleththi ekkida miishshan baas daana keeth keexxizaadessinne ba morkke kusheppe attanaas ba keeth dhoqqasohon keexxizaades aayye ana!

ጋሞ ማጻፋ

⁹ «ዎርዶራ ባሌ ኤኪዳ ሚሻን ባስ ዳና ኬ ኬጺዛዴሲኔ ባ ሞርኬ ኩሼፔ ኣታናስ ባ ኬ ቃሶሆን ኬጺዛዴስ ኣዬ ኣና!

ኢምባቆ ቲንቢቴ 2:9 ပူးပေါင်းရင်းမြစ်များ

ኤርማሳ ቲንቢቴ 49:16

Nenoo zaalla gongolo giddon dizayssoo! Nenoo dhoqqa zumbulla hu7en uttidayssoo! Ne yombiza yombaynne ne wozina otoroy nena baleththides; neni ne keeth golle mala dhoqqasohon keexxikokka tani nena heeppe duge olana» gees.

ዩሁዳ ኪታ 1:11

Istti Qayeele ogen bida gishshas miishshas giidi Bala7aame mala balan kundida; qasse Qoorey eqettida mala isttika eqettidi dhayda gishshas isttas aayye ana!

ኣብዲዩ ቲንቢቴ 1:4

Ne golle kafo mala keeha pude piradhdhikokka, ne keeth xoolintte giddon keexxikokka ta nena heeppe haa duge woththana.

ኢሳያሳ ቲንቢቴ 28:15

Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ዬ ማጻፋ 52:7

«Xoossa baas zemppo ooththonttaade, ba dureteththa daron ammanettizaade ba iita ooson minnizaade hayssa be7ite!» gaana.

ዬ ማጻፋ 49:11

Daro gade istti ba sunththan haarikkoka isttas mernaa keeththay duufo; izikka isttas yeletappe yeleta gakkanawu duussaso gidana.

ኢሳያሳ ቲንቢቴ 5:8

Haratas sohoy dhayanaashe gakkanaas, keeth keeththa bolla gujjizaytoo! Gade gadera gaththi oyththidi, intterkka xalla biittaa bolla aakki de7izaytoo! Inttes aayye ana!

ኤርማሳ ቲንቢቴ 51:13

Hanne daro shaafata matan dizaaree! aqotan keeha duretidaaree! Ne dhayana wodey gakkides; nees wurseththi gakkides» gees.

ሂዚቄላ ቲንቢቴ 22:27

Izi giddon diza gita asati hayqqidayssa puuziza kana suyte mala; istti bessontta dureteth shiishshanaas suuth gusseettes.

ኤርማሳ ቲንቢቴ 17:11

Bessontta ogera aqota dagasiza asi ba phuqisontta ciye haphphiza kuracho mala. Iza layththay buro baggattishin izi aqota aggi baana; wurseththan iza eeyateththi qoncce kezana.

ኤርማሳ ቲንቢቴ 22:23

Hanne Libaanoosen dizaaree! Ne keeththaa ziga miththafe keexxidaaree! miixay oykkida maccassa mala metoy ne bolla yishin waana waassandii!» gees.

ኤርማሳ ቲንቢቴ 51:53

Baabilooney pude salo kezikokka, dhoqqu gida mino miixa ooththikokka tani dhayssizayta izi bolla yeddana» gees.