ሜቴ ማጻፋ 7:23 - Geeshsha Maxaafa

²³ Ha biittan paxa dizay wuri asi, meheynne do7ay, biittara gooshettiza medheteththinne salo kafoti wurikka biittafe pitetti dhayiin Noheynne izara markabe giddon dizayti xalla attida.

ጋሞ ማጻፋ

²³ ሃ ቢታን ፓጻ ዲዛይ ዉሪ ኣሲ፥ ሜሄይኔ ዶኣይ፥ ቢታራ ጎሼቲዛ ሜቴኔ ሳሎ ካፎቲ ዉሪካ ቢታፌ ፒቴቲ ዪን ኖሄይኔ ኢዛራ ማርካቤ ጊዶን ዲዛይቲ ጻላ ኣቲዳ።

ሜቴ ማጻፋ 7:23 ပူးပေါင်းရင်းမြစ်များ

2ጴጽሮሳ ኪታ 2:5

Hessaththoka xilloteththa gishshas sabaake gidida Nohe hankko laappun asatara ashshidi Xoossas goynnontta asati diza alameza bolla dhayssiza haaththe ehishe qadhettidi kase he wode alameza maaribeenna.

1ጴጽሮሳ ኪታ 3:20

Heyti heen woyne keeththan diza shemppoti kase Nohe wode markabezi oosetti giigshin istti simmana mala Xoossi dandayan naagishin nuni nees azazettoko gidayta. He markabezan geliin haaththafe attidayta qooday osppun gidida guuththa asata xalla.

Ibirawe 11:7

Nohes Xoossi buro Nohey ba ayfen be7ontta miishshaa gishshas naagettana mala yootiin Nohey Xoossas babbidi baso asa ashshanaas ammanon markabe keexxidi alame asaa pirdisides; ammanon beettiza xilloteth laattizaade gidides.

2ጴጽሮሳ ኪታ 3:6

He wode diza alamezi haaththan mitetti dhaydes.

Maatosa 25:46

Heyti gede mernaa pirdan baana; xilloti gidikko mernaa de7okko baana» gides.

2ጴጽሮሳ ኪታ 2:9

Histtiin hessi wurikka hessa mala gidikko Goday baas goynnishe diza asata paaceppe ashshanayssanne nagaranchchatakka wostti qaxxayanaakkonne pirda gallassas wostti istta naagidi gaththanaakko hessa izi erees guussa.

ሌሚሶ ማጻፋ 11:4

Hanqo gallas dureteththi go7enna; gido attiin xilloteththi hayqoppe ashshees.

ዬ ማጻፋ 91:1

Ubbaafe Dhoqqa GODAAN zemppi de7izay, ubbaa dandayza Xoossa kuwan aqees.

ኢዮቤ ማጻፋ 5:19

Usuppun qommo boshappe nena ashshi ekkana; laappunththazanka ay qohoykka ne bolla gakkenna.

ዬ ማጻፋ 91:7

Issi shii ne millesora, qasse tammu shii neeppe ushachcha baggara kundana; gido attiin nena aykkoyka bochchenna.

ሜቴ ማጻፋ 6:17

«Tani saloppe garsan shemppora diza medheteththa ubbaa dhayssanaas ha biitta bollan dhayssa haath yeddiko biittan dizayssi wuri dhayana.

ሜቴ ማጻፋ 8:18

Nohey ba naytara, ba machcheyranne ba nayta machchetara markabeza giddofe kezides.