ሜቴ ማጻፋ 7:11 - Geeshsha Maxaafa

¹¹ Nohes usuppun xeetu layth gidishin nam7anththo aginan tammanne laappunththa gallassan he gallassankka biitta giddon diza gita ciimma pulttoy wuri dhuuqqides; salon diza haaththa maskootetikka doyetti wodhdhida.

ጋሞ ማጻፋ

¹¹ ኖሄስ ኡሱፑን ጼቱ ላይ ጊዲሺን ናምኣን ኣጊናን ታማኔ ላፑን ጋላሳን ሄ ጋላሳንካ ቢታ ጊዶን ዲዛ ጊታ ጪማ ፑልቶይ ዉሪ ቂዴስ፤ ሳሎን ዲዛ ሃ ማስኮቴቲካ ዶዬቲ ዎዳ።

ሜቴ ማጻፋ 7:11 ပူးပေါင်းရင်းမြစ်များ

ሜቴ ማጻፋ 6:17

«Tani saloppe garsan shemppora diza medheteththa ubbaa dhayssanaas ha biitta bollan dhayssa haath yeddiko biittan dizayssi wuri dhayana.

ሜቴ ማጻፋ 7:6

Dhaysa haaththi biitta bolla yiza wode Nohes layththay usuppun xeeta.

ሜቴ ማጻፋ 8:14

Nam7anththo aginan nam7u tammanne laappunththa gallassan biittay mulera melides.

ሜቴ ማጻፋ 8:2

Qasse biitta giddon diza ciimma pulttoynne salon diza haaththa maskooteti gordettida; iraykka salon teqettides.

2ካዎታ ማጻፋ 7:19

Olanchchata azazizayssi Xoossa nabezas, «Haray attiin GODAY salo maskoote doydaakko hessi hananee?» gida gishshas Xoossa nabezi «Neni hessa ne ayfera beyana gido attiin ne izappe aykkoka maakka» giidi kase izas zaaro immides.

2ካዎታ ማጻፋ 7:2

Kawozas keehi mata gidida olanchchata halaqazi nabeza, «Haray attiin GODAY salo maskoote doydaakkoka hessi hananee?» gi oychchides. Elssa7ikka izas, «Izi haniin ne iza ne ayfera be7ana; gido attiin izappe aykkoka ne doonan gelththaka» gides.

ኢዮቤ ማጻፋ 12:15

Xoossi ira diggiko kosha gidana; ira bukisikko qasse biittay haron meecettana.

ኢዮቤ ማጻፋ 28:4

Asi dizasoppe haakkidi, asa tohoy yedhdhi eronttaso gakkeettes. Heenkka ciimma olla bookkeettes; wodoro bollara kuulloti kuulloti wodhidi asappe shaaketti barkka ooththeettes.

ኢዮቤ ማጻፋ 38:16

«Ne duge ciimma abban wodhdhadii? Wogga gita abba garsan simeretta eray?

ኢዮቤ ማጻፋ 38:37

Ba eran shaarata qoodanaas dandayzay oonee? saloppe haath duge tiganaas dandayzay oonee?

ዬ ማጻፋ 33:7

Gita abba haaththa izi issison shiishshides; ciimma haaththa minjjason eelissides.

ዬ ማጻፋ 74:15

Neni pulttotanne kanchcheta doya yeddadasa; ubba wode goggiza shaafata qasse melissadasa.

ሌሚሶ ማጻፋ 3:20

Shaafati iza erateththan goggeettes; shaarati ira immeettes.

ኢሳያሳ ቲንቢቴ 24:18

Salo maskooteti doyettida gishshas, biitta yochchatikka qaaxxida; shiroppe baqatizay ollan kundana; ollafe kessi ekkidaykka woximaden oykettana.

ኢሳያሳ ቲንቢቴ 24:19

Biittay qaaxxides; za7idessinne phalqetti wodhdhides.

ኤርማሳ ቲንቢቴ 5:22

Intte taas yayyanaas bessennee? Intte ta sinththan kokkoranaas bessennee? Ays giikko izi mernaas kanththi bontta mala, tani ancco abbas zawa ooththadis. Dambalay bulakettikokka zawappe aadhdhenna; Izi guummikkoka pinnanaas dandayenna.

ኤርማሳ ቲንቢቴ 51:16

Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.

ሂዚቄላ ቲንቢቴ 26:19

«Ubbaa Haariza GODAY, ‹Isttan asi baynda katamata mala tani nena kayzisishin, wogga gita abban tani nena yeggada kammishin,

ሚልካሳ ቲንቢቴ 3:10

Ta keeththan miza kaththi daana mala intteka tana hayssan paaccanaas ane tammaafe issino ubbaa ha ta gootaran gelththite; ta inttes salo maskoote doyontta aggikonne inttes woththizasoy dhayana gakkanaas ta inttes anjja palahisontta aggiko beyandeta» gees Ubbaafe Wolqqama GODAA Xoossay.

Maatosa 24:38

Dhayssiza haaththafe kase Nohey markaben geliza gallas gakkanaas asay mishenne uyishe, ekkishenne gelshe gam7ides.

1ታሶሎንቄ ኣሳስ 5:3

Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.

2ጴጽሮሳ ኪታ 3:6

He wode diza alamezi haaththan mitetti dhaydes.