ሜቴ ማጻፋ 4:10 - Geeshsha Maxaafa

¹⁰ GODAY Qayeele, «Hessa ays ooththadii? Beya; ne ishaa suuththi biittafe pude taakko waassees.

ጋሞ ማጻፋ

¹⁰ ጎዳይ ቃዬሌ፥ «ሄሳ ኣይስ ኦዲ? ቤያ፤ ኔ ኢሻ ሱ ቢታፌ ፑዴ ታኮ ዋሴስ።

ሜቴ ማጻፋ 4:10 ပူးပေါင်းရင်းမြစ်များ

Ibirawe 12:24

Ooraththa caaqon maqayinththizay Yesusaakko; hessaththoka Aabeeli shiishshida suuththaafe aadhdhiza caaqo qaala yootiza aracettida suuththaako gakkideta.

Ibirawe 11:4

Aabeeli Xoossas Qayeele yarshofe aadhdhiza yarsho ammanon shiishshides; Xoossi iza yarshoza gishshas haasayshe izi ammanon geesh gididayssa markkattides; izi hayqqiinka iza ammanoy ha7i gakkanaas haasayettees.

ኢሳያሳ ቲንቢቴ 5:7

Ubbaafe Wolqqama GODAA woyne tokkiza gadey Isra7eele asaa. Yuhuda asay izi ufayettiza atakilte. Istti suure pirda pirdana giidi naagides; gido attiin suuth gussishin be7ides. Izi xilloteth koyides; gido attiin meto waaso siyides.

ዬ ማጻፋ 72:14

Istta shemppo qohoppenne geneppe izi ashshana; istta suuththay iza sinththan al7o.

ያቆቤ ኪታ 5:4

Intte intte wozinan woththite; intte kath maxishe peydaytas istta wolqqa waagaa intte qanxxontta aggida gishshas intte bolla waassishe intte achchan deettes. Kath maxizayta waasoy ubba dandayza Godaa hayththan gakkides.

ዬ ማጻፋ 9:12

Ays giikko suuth gussizaytas halo kessiza Xoossi naaqettidayta waasoza izi dogenna.

ታይቦ ማጻፋ 35:33

Intte hessaththo ooththizaa gidikko intte biittaa tuniseeta; gaasoykka asa suuth gussizayssi biitta tunisees; he biittay geeyanay asa suuth gussidaade suuththay gukkiin attiin haran geeyenna.

ኢዮቤ ማጻፋ 16:18

«Biittazoo! Tana gakkida qohoza ne kammofa! Suure pirda gishshas ta shiishshiza maganay kametti attana mala ne ooththofa!

ሜቴ ማጻፋ 9:5

Tani intte shemppoy izan diza intte suuth meheppenne do7a ubbaafe tumu ta oychchana; qasse asa ubbaafekka iza mala asa suuth oychchana.

ዬ ማጻፋ 50:21

Neni hayssa ubbaa ooththiza wode tani co7u gadis; hessa gishshas neni tana ne mala gaada qoppadasa; gido attiin ha7i tani nena walassays; qasseka ta nena qonccen seerays.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ኢዮቤ ማጻፋ 24:12

Katamatan hayqqanaas tooqiza asati gootareettes; madunxida asatikka maado oyshon waasseettes. Xoossi gidikko istta bolla oosettida geneza beyibeenna.

2ካዎታ ማጻፋ 9:26

GODAY, ‹Tani zine Naabute suuththinne iza nayta suuth beyadis. Neni hayssa ha gadezan halo kessana mala kaseta giigsadis› gees; ha7ikka GODAA qaalay kaseti yootida mala denththada hayssa ha goshshaa giddon yegga» gides.

ኢያሶ ማጻፋ 7:19

Histtiin Iyaasoy Akaane, «Ta naazoo! GODAA Isra7eele Xoossaa bonchcha; izas paaxa; ane neni ooththidayssa qottontta dashe taas yoota» gides.

ሜቴ ማጻፋ 18:20

GODAY Abrahaame, «Sodoomenne Gamoora waasoy keehi darida gishshassinne istta nagaray keehi deexxida gishshas istti ooththidayssi taakko gakkida waaso mala iitakkonne iita gidonttaakko ane tani duge wodhdha beyays» gides.

ሜቴ ማጻፋ 3:13

GODAA Xoossay hessafe guye maccassayo, «Neni hessa ays ooththadii?» gi oychchides. Maccassayakka, «Tana shooshshay baleththiin madis» gadus.

ሃዋሬታ ኦሶ 5:9

Phexroosikka, «Intte Xoossa Ayana paaccanaas ays issi doona gididetii? Hekko ne azinaa moogida asati moogi simmidi karen penge bolla deettes. Istti nenakka kessi ekki efana» gides.

ሃዋሬታ ኦሶ 5:3

Qasse Phexroosi, «Haysso Hanaaniya! Neni Xillo Ayana bolla wordotanaassinne gadeza miishshaafe ashshana mala Xala7ey ays ne wozinan gelidee? Bayzanaappe kase gadezi neyssa gidennee? Ne bayzidaappe guye qasse miishshay ne kushen deennee? Histtiin ne hayssa mala wostta ne wozinan qoppadii? Neni Xoossa bolla wordotadasa attiin asa bolla gidenna» gides.

ዛሬ ማጻፋ 21:1

Intte laattana mala GODAA intte Xoossi inttes immiza biittayn ooni wodhidaakko erettontta asa ahay coo demban kundi beettiko,

1ሳሜላ ማጻፋ 13:11

Sameeli, «Ne ay ooththadii?» giidi iza oychchides; Sa7oolikka izas, «Ola asay laalettidayssa, nekka barida saaten yontta aggidayssa, Filisxeeme asay Makimaasen shiiqidayssa be7adis;

2ታሪኬ ማጻፋ 28:9

Odeede geetettiza GODAA nabey Samaariyan dees; Odeedi Samaariya yiza olanchchatara gayttanaas kezidi, «Be7ite, intte aawata GODAY Yuhuda hanqettida gishshas intte kushen aaththi immides; gido attiin intteka wogay baynda hanqo hanqettidi istta wursideta.

ዬ ማጻፋ 9:13

Abeet GODAWU! ta morkketi tana yedeththizayssa be7a. Neni taas qadhettada hayqoppe tana ashsha.