ሜቴ ማጻፋ 3:16 - Geeshsha Maxaafa

¹⁶ Maccassayokka GODAA Xoossay, «Ne shaaraza aginan neni daro tuggatana; qasse neni wolqqama miixan nayta yelana. Gidikkoka neni ne azinara aqanaas amottana; izikka nena haarana» gides.

ጋሞ ማጻፋ

¹⁶ ማጫሳዮካ ጎዳ ጾሳይ፥ «ኔ ሻሪዛ ኣጊናን ኔኒ ዳሮ ቱጋታና፤ ቃሴ ኔኒ ዎልቃማ ሚጻን ናይታ ዬላና። ጊዲኮካ ኔኒ ኔ ኣዚናራ ኣቃናስ ኣሞታና፤ ኢዚካ ኔና ሃራና» ጊዴስ።

ሜቴ ማጻፋ 3:16 ပူးပေါင်းရင်းမြစ်များ

Titosas 2:5

Xoossa qaalay oona achchanka cayettontta mala istti barkka bana haarizaytanne geeshshata, keeththa giddon istta oosoy oykkidaytanne asas kiyata, ba azinatas azazettizayta gidana mala cima maccassati istta tamaarsetto.

ቆላሲያሴ ኣሳስ 3:18

Machchetoo! Godaa achchan inttes bessiza miish gidida gishshas intte azinatas azazettite.

1ቆሮንቶሴ ኣሳስ 11:3

Gido attiin ta intte erana mala koyzay attumasaas ubbaas hu7ey Kirstoosa gididayssa mala attumasay maccas ubbaas hu7e; qasse Xoossi Kirstoosas hu7e.

1ጺምቶሳስ 2:15

Gidikkoka maccassi ammanoninne siiqon geeshshateththan barkka bana haaron minniko naa yelon attana.

1ቆሮንቶሴ ኣሳስ 14:34

Ammaniza asay goynos shiiqizason maccassati co7u getto; Muse wogay kase gida mala istti azazetteto attiin shiiqoson istti haasayana mala isttas imettibeenna.

1ቆሮንቶሴ ኣሳስ 7:4

Machchi asateththi izis xalala gidontta azinaassara koththa; hessaththoka azinaa asateththi izas xalala gidontta machcheyssara koththa.

ዮሃኒሳ ሚሺራቾ 16:21

Maccassi yelo wodey gakkishin miixas hirgawus; gido attiin naa yela yeggidaappe guye biitta bolla nay yelettida gishshas ufayssafe dendidayssan kase ba waaydayssa zaara qoppuku.

ሜቴ ማጻፋ 4:7

Ne lo7o ooththidaa gididaakko Xoossi ne yarsho ekkenneeshin? Neni lo7o ooththontta ixxiko nagaray ne karen nena naagees; nagaray nena haarana koyees; neni iza xoonana bessees» gides.

ኤርማሳ ቲንቢቴ 6:24

Nuni he yo7o siyiin nu qesey kim7ilish gides. Maccas miixay oykkida mala nuna ceecey oykkides.

ታይቦ ማጻፋ 30:13

Izi azinay ay adina woykko caaqqa geppada bana barkka qachchida qaalaa digganaas woykko polisanaas izas maatay dees.

1ታሶሎንቄ ኣሳስ 5:3

Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.

ኣስቴሪ ማጻፋ 1:20

Hessafe guye kawoza awajjay izi haariza kumeththa deraa bolla yootettiko guuththatappe biidi gitata gakkanaas diza maccassay ubbay ba azina bonchchana» gi zaarides.

ኤርማሳ ቲንቢቴ 22:23

Hanne Libaanoosen dizaaree! Ne keeththaa ziga miththafe keexxidaaree! miixay oykkida maccassa mala metoy ne bolla yishin waana waassandii!» gees.

ኤርማሳ ቲንቢቴ 13:21

Neni nees dabbo gidana mala koyidayti nena xoonidi haariza wode ne ay gaanee? Yelo miixay oykkida maccassa mala nena miixay oykkennee?

ኢሳያሳ ቲንቢቴ 21:3

Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ኢሳያሳ ቲንቢቴ 13:8

Istti shirotana; istta waayeynne metoy gakkana; miixay oykkida maccassa mala istti miixattana; issoy issaara dagaman xeelettana; istta ayfesoy dagaman shaala may7ides.

ኤርማሳ ቲንቢቴ 49:24

Damasqoy daaburadus; baqatanaas guye simmadus; kokkoradus; miixay oykkida maccassa mala ceeceynne tuggay izo oykkides.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ዬ ማጻፋ 48:6

Istti hessan de7ishin istta yashsha kokkorisi oykkides; miixay oykkida maccassa mala miixattida.

1ጺምቶሳስ 2:13

Gaasoykka koyro Addaamey medhettides; kaallada Hewaana medhettadus.

1ታሪኬ ማጻፋ 4:9

Yabeexey ba ishata giddon keehi bonchchettida as gidides; iza aaya, «Tani iita miixan yelidayssa» gashe iza, «Yaabexe» ga sunththadus.