ሜቴ ማጻፋ 12:3 - Geeshsha Maxaafa

³ Nena anjjizayta ta anjjana; nena qanggizaytakka ta qanggana; biitta bolla diza asi wuri ne baggara anjjettana» gides.

ጋሞ ማጻፋ

³ ኔና ኣንጂዛይታ ታ ኣንጃና፤ ኔና ቃንጊዛይታካ ታ ቃንጋና፤ ቢታ ቦላ ዲዛ ኣሲ ዉሪ ኔ ባጋራ ኣንጄታና» ጊዴስ።

ሜቴ ማጻፋ 12:3 ပူးပေါင်းရင်းမြစ်များ

ሜቴ ማጻፋ 18:18

Abrahaamey tumappe gitanne wolqqama kawoteth gidana; ha biitta asi wuri iza baggara anjjettana.

ሜቴ ማጻፋ 18:19

Xilloteththinne suure ooso ooththidi GODAA oge naagana mala ba naytanne baappe guye ba soo asaa izi zorana mala tani iza dooradis; hessika GODAY Abrahaames immana gidayssa ubbaa polanaassa» gides.

ሜቴ ማጻፋ 22:18

Neni taas azazettida gishshas ha kawoteththay wuri ne zereththa baggara anjjettana» gides.

ሜቴ ማጻፋ 24:35

GODAY ta godaa Abrahaame keehi anjjiin izi duretides; dors, miiz, bira, worqqa, attuma aylleta, macca aylleta, gaamellatanne, hareta izas immides.

ሜቴ ማጻፋ 25:11

Abrahaamey hayqqidaappe guye Xoossi iza naa Yisaaqa anjjides. He wode Yisaaqi, «Tana Be7iza De7o Xoossaa Pultto» geetettiza pultto achchan dees.

ሜቴ ማጻፋ 26:29

Gido attiin nuni nees kiyateth xalla ooththidi nena saroteththan moyzidos; hessaththoka neni nu bolla iita miish ooththontta mala ane nenara caaqo caaqettoos; ha7i nena GODAY anjjidayssi qonccides» gida.

ሜቴ ማጻፋ 26:4

Ne zereththaa tani salo xoolintte mala darsana; hayssa biitta ubbaa ta isttas immana; biitta asay ubbay ne zereththaa baggara anjjettana.

ሜቴ ማጻፋ 27:29

Kawoteththati nees haarettetto; asi wuri nees gulbato; neni ne ishatas godaa gida; ne aayey zereththi nees gulbato; nena qanggizay qanggettidaaz gido; nena anjjizay anjjettidayssa gido» gides.

ሜቴ ማጻፋ 28:14

Ne zereththay biitta ace mala darana; isttika oyddu bagga gakkana; biitta bollan diza asi wuri ne baggaranne ne zereththa baggara anjjettana.

ሜቴ ማጻፋ 30:27

Qasse Laabay izas, «Tani nees issi miish yootays; GODAY ne geedon tana anjjidayssa ta beyadis.

ሜቴ ማጻፋ 30:30

Tani yaanaappe kase nees diza guuththay ha7i keehi darides; ta aadhdhida ubbason GODAY nena anjjides; gido attiin ha7i tani taso asaas ayde ooththoo?» gides.

ሜቴ ማጻፋ 39:5

Phixifaaray ba keeththan dizayssa ubbaa bollanne ba aqota ubbaa bolla sunththida wodeppe doommiin GODAY Gibxe addeza keeth Yooseefe geedon anjjides. GODAA anjjoy Phixifaara soon gidiin karen diza miish ubbaa bolla wodhdhides.

ዬ ማጻፋ 72:17

Kawoza sunththi mernaas minni de7o; arshey de7iza keena xeygettishe gam7o. Kawoteth ubbay iza baggara anjjetto; dere ubbay iza, «Ne anjjettidaade» gi anjjo.

ኬሳ ማጻፋ 23:22

Izi yootizayssa intte lo7eththi siyikko, tani yootizayssa ubbaa ooththiko intte morkketa ubbaa tani morkkana; inttenara eqettizaytara tanikka eqettana.

ታይቦ ማጻፋ 24:9

Hayssi kawoteththay gaammo mala zamadi uttides; macca gaammo malakka zuggi uttides; istti zamadi uttidasohoppe istta denththana dandayzay oonee? Nena anjjizaadey anjjetto; nena qanggizaadeyka qanggetto» gides.

Maatosa 25:40

Kawoykka zaaridi, ‹Ta inttes tumu gays; hayta laafa gidida ta ishatappe issaades ooththidayssi intte taas ooththida mala› gaana.

Maatosa 25:45

«He wode izikka isttas zaaridi, ‹Ta inttes tumu gays; hayta laafa ta ishatappe issaades intte ooththontta aggidayssi taas intte ooththontta aggida mala› gaana.

ሉቃሳ ሚሺራቾ 24:27

Museppenne nabetappe doommidi Geeshsha Maxaafatan iza gishshas xaafettidayssa isttas lo7eththi yootides.

ኦሮሜ ኣሳስ 4:11

Izi kase qaxxarettanaappe kase demmida xilloteththay qaxxaras malata gidana mala xilloteththas maatame ekkides. Hessa gishshas qaxxarettontta ammanizaytas xilloteththan qoodettana mala ubbatas izi aawa.

1ቆሮንቶሴ ኣሳስ 1:30

Inttena qasse Xoossi Yesus Kirstoosara issifeteththi daana mala ooththides; hessa gishshas Xoossi Yesus Kirstoosa nu erateth, nu xilloteth, nu geeshshateththinne nuna ashshizaade gidana mala ooththides.

ጋላቲያ ኣሳስ 3:16

Xoossi Abrahaames yootida qaalay Abrahaamessinne iza zereththassa; Geeshsha Maxaafay daro asas yootiza mala, «Iza zereththatas» geenna; gido attiin issi asas yootettiza mala, «Ne zereththas» gees; hessika Kirstoosa.

ጋላቲያ ኣሳስ 3:28

Intte wurikka Yesus Kirstoosan issino attiin Ayhudanne Girike, Ayllenne goqa, maccanne adde giza dummateththi deenna; intte wurikka Yesus Kirstoosan issino.

ጋላቲያ ኣሳስ 3:8

Ayzaabey ammanon attanayssa eridi Xoossi kase Geeshsha Maxaafan, «Derey wuri ne baggara anjjettana» giidi Mishiraachcho qaalaa Abrahaames yooti woththides.

ኤፌሶኔ ኣሳስ 1:3

Nu Godaa Yesus Kirstoosa baggara salon Ayana anjjo ubbaan nuna anjjida Godaa Yesus Kirstoosa Aaway Xoossi anjjetto.

ቆላሲያሴ ኣሳስ 3:11

Heen Girike as gidiin woykko Ayhuda as woykko qaxxarettidayta woykko qaxxarettonttayta woykko tamaardaytanne tamaaronttayta woykko maarettonttayta woykko aylle woykko goqa geetettiza dummateththi deenna; Kirstoosi heytantta ubbaassa; qasse ubbaankka dees.

ዮሃኒሳ ኣጁታ 7:9

Hessafe guye ta xeellishin qooday baynda daro derey dizayssa beyadis; heytanttika dereppe, dumma dumma qommofe, dumma dumma zarkkefenne dumma dumma qaala haasayzaytappe shiiqettidayta. Heyti wuri booththa may7o may7idi zamba hayth ba kushen oykkidi algaa sinththaninne dorsaza sinththan eqqida.