ሜቴ ማጻፋ 10:5 - Geeshsha Maxaafa

⁵ Haytanttafe abba doonan diza asay wuri ba biittan biittan, ba qaalan qaalan, ba qommon qommoninne, ba kawoteththan kawoteththan shaakettides.

ጋሞ ማጻፋ

⁵ ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴን ካዎቴን ሻኬቲዴስ።

ሜቴ ማጻፋ 10:5 ပူးပေါင်းရင်းမြစ်များ

ሜቴ ማጻፋ 10:20

Kaame attuma nayti ba qommon qommon, ba qaalan qaalan, ba biittan biittaninne ba kawoteththan kawoteththan xaafettidayti haytantta.

ሜቴ ማጻፋ 10:25

Eboores nam7u attuma nayti yelettida; biittan diza asay iza woden shaakettida gishshas issaa sunththi Peeleege geetettides; iza ishaza sunththi Yoqixaane geetettees.

ሜቴ ማጻፋ 10:32

Haytanti ba qommon qommoninne ba kawoteththan kawoteththan xaafettida Nohe attuma nayta zereththata; dhayssa haaththafe simmiin kawoteththati haytanttafe biitta ubbaa bolla laalettida.

ሜቴ ማጻፋ 10:4

Yaawaane attuma nayti Elishe, Tarseese, Kiitimenne Eroode.

ሜቴ ማጻፋ 10:6

Kaame attuma nayti Kuushe, Gibxe, Puuxenne Kanaane.

ሜቴ ማጻፋ 9:19

Hayti heedzdzayka Nohe nayta; biitta ubbaan diza asay isttafe yelettides.

ኣስቴሪ ማጻፋ 10:1

Kawo Arxekisisi ba haariza dere ubbaa bolla biidi abba lanqe gakkanaas dizayta bolla giira yeggides.

ዬ ማጻፋ 72:10

Tarseese kawotinne harurota kawoti izas giira ehana. Saabanne Saaba kawoti izas kushe genththo ehana.

ኢሳያሳ ቲንቢቴ 11:11

He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ኢሳያሳ ቲንቢቴ 24:15

Hessa gishshas arshey mokkiza baggara dizaytoo, abban diza haruroti GODAA Isra7eele Xoossaa, sunththaa dhoqqu dhoqqu histtite.

ኢሳያሳ ቲንቢቴ 40:15

Be7ite kawoteththati gombo giddon xokkida haaththa mala; istti meezaane bolla diza gudulla mala qoodetteettes; harurota liiqo biitta mala geeddarees.

ኢሳያሳ ቲንቢቴ 41:5

Haruroti be7idi yayyida; sa7a gaxatikka kokkorida; issi bolla shiiqidi sinth yida.

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 49:1

Intteno harurotoo, ta gizayssa siyite. Intteno haahon diza kawoteththatoo, hayssa ezgite. Tani ta aayi ulon dishin GODAY tana xeygides; ta yelettontta dishin tana ta sunththan xeygides.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ኤርማሳ ቲንቢቴ 2:10

Kiitime pinni xeellite; Qeedaare kiittidi lo7eththi xomosite; Histtidi ane hayssa mala hanoy kase hani erizaakko be7ite.

ኤርማሳ ቲንቢቴ 25:22

Xiroosenne Sidoona abbafe he pinththa gaxan diza kawota,

ሂዚቄላ ቲንቢቴ 26:15

«Ubbaa Haariza GODAY Xiroosis, ‹Madunxidayti toqqishin, ne giddon shemppo wodhishin, ne kundeththaa giirissafe dendidayssan haruroti qaaxxettennee?

ሂዚቄላ ቲንቢቴ 26:18

Ha7i ne kundeththa gallas abba gaxan diza dereti hirgida; ne laalettida gaason harurotikka qaaxxida› gees.

ዳኔላ ቲንቢቴ 11:18

Hessafe guye abba achchan diza dereta bolla meto gaththidi istta haarana; gido attiin olanchchata halaqay iza otoreteththaa purshisana; izi ooththida ubbaa iza bolla zaarana.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ዛሬ ማጻፋ 32:8

«Ubbaafe Dhoqqa Xoossay kawoteththatas biitta gishechchida wode, asa nayta istta zaren zaren shaakkida wode, Isra7eele asaa qooda keena kawoteththatas dhas woththides.