ጋላቲያ ኣሳስ 6:9 - Geeshsha Maxaafa

⁹ Ane nu lo7o ooso ooththanaas azalloko; nu ufays qanxxontta aggiko wodey gakkishin gakkida kath nu maxana.

ጋሞ ማጻፋ

⁹ ኣኔ ኑ ሎኦ ኦሶ ኦናስ ኣዛሎኮ፤ ኑ ኡፋይስ ቃንጾንታ ኣጊኮ ዎዴይ ጋኪሺን ጋኪዳ ካ ኑ ማጻና።

Gamo Geesha Maxxafa New Testamen

⁹ Ane nu loo7o ootho oothanas azaloko nu ufaysi qanxonta agiko wodey gakishin nu gakida kaatha maxana.

ጋላቲያ ኣሳስ 6:9 ပူးပေါင်းရင်းမြစ်များ

ሜቴ ማጻፋ 29:7

Histtiin Yaaqoobey isttas, «Be7ite! Arshey ha7i dhoqqan dees; mehe soo shiishshiza wodey buro gakkibeenna; dorsata haath ushshidi efi heemmiishshite» gides.

ዬ ማጻፋ 104:27

Koshshiza wode ne isttas mizaaz immana mala istti ubbay neekko xeelleettes.

ዬ ማጻፋ 126:5

Yeekkishe zeridayti ufayssan yexxishe shiishshana.

ዬ ማጻፋ 145:15

Ubbaa ayfey neekko xeellees; isttas koshshiza woden neni isttas quma immaasa.

ሌሚሶ ማጻፋ 11:18

Iita asi demmiza wodhey deenna; xilloteth zeriza asi gidikko suure woyto ekkana.

ኤራንቻታ ማጻፋ 11:1

Ne kath haaththan yegga; daro gallassatappe guye neni zaara demmana.

ኤርማሳ ቲንቢቴ 45:3

Neni, ‹GODAY ta sako bolla ceece gujjida gishshas taas aayye ana! Tani daro yeekkida gishshas daaburadis; shempoyka taas baawa› gadasa» gees.

ሌዌታ ማጻፋ 26:4

tani inttes ira wodera bukisana; biittayakka kath darsa immana; ayfe immiza miththatikka darssi ayfana.

ሶፎናሳ ቲንቢቴ 3:16

He wode asay Yerusalaames, ‹Xiyoone ne babbofa; ne qesey daaburoppo.

ሚልካሳ ቲንቢቴ 1:13

Qasseka, ‹Hayssi daabura› guussan leqo mixilth iza bolla mixilleeta» gees Ubbaafe Wolqqama GODAA Xoossay. «Bonqqi ekkida mehe wobbenne hargiza mehe intte yarsho shiishshiin intte kusheppe ta hessa ekkanaas bessizee?» gees Ubbaafe Wolqqama GODAA Xoossay.

Maatosa 10:22

Ta gishshas asi wurikka inttena ixxana. Gido attiin wurseth gakkanaas minni eqqiday izi attana.

Maatosa 24:13

Wurseth gakkanaas minnidaadey attana.

Maatosa 25:17

Qasseka nam7u shii bira ekkidayssi hara nam7u shii bira wodhisides.

Maatosa 9:19

Yesusi dendidi izara bides; Yesusa kaallizaytikka izara bida.

ማርቆሳ ሚሺራቾ 3:3

Izikka kushey silida addeza, «Heen shiiqi uttida asaa sinththan denda eqqa» gides.

ሉቃሳ ሚሺራቾ 18:1

Bana kaallizayti azallontta ubba wode woossanaas bessizayssa erisanaas Yesusi ha leemisoza isttas yootides.

ኦሮሜ ኣሳስ 2:7

Lo7o ooso aggontta ooththidi bonchcho sabanne mernaa de7o koyzaytas mernaa de7o immana.

1ቆሮንቶሴ ኣሳስ 15:58

Hessa gishshas ta siiqo ishatoo! Minni eqqite; ay miishshankka yark yarkofte; Godaa oosos intte daaburza daabursay hada gidonttayssa eridi ubba wode pacey baynda Godaas ooththanaas minettite.

2ቆሮንቶሴ ኣሳስ 4:1

Xoossa maaroteththa daroppe dendidayssan hayssi ha oosozi nuus diza gishshas nuni hidota qanxxoko.

2ቆሮንቶሴ ኣሳስ 4:16

Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.

2ቆሮንቶሴ ኣሳስ 9:6

«Guuth zerida asi guuth shiishshana; daro zeridaadey qasse daro kath shiishshana» giza qaalaa yuushshi qopite.

ኤፌሶኔ ኣሳስ 3:13

Hessa gishshas intte bonchchettana mala tani intte gishshas ta bolla gakkida waayezan intte ufays qanxxontta mala ta inttena hadara gays.

ዛሬ ማጻፋ 11:14

Intte hessaththo ooththiko intte kaththaa, woynenne zayte pacey baynda shiishshana mala GODAY inttes badhdhesa iranne balgo ira woden woden bukisana.

2ታሶሎንቄ ኣሳስ 3:13

Intte gidikko ta ishatoo! Lo7o ooso ooththanaappe mulekka azallofte.

Ibirawe 12:3

Histtiko intte daaburdi hidota qanxxontta mala hessaththoka nagaranchchatappe kase iza bolla gakkida hessa mala eqeteth dandayda Yesusa qopite.

Ibirawe 12:5

Intte Xoossa nayta gidi uttidi qaalay gizayssa balideta; «Ta naazoo Xoossa seera kawushshan xeellofa; nena izi seeriza wode hidota qanxxofa.

Ibirawe 3:14

Nuus kase koyroppe diza ammano nuni wurseth gakkanaas lo7eththi minththi oykkiko nuni Kirstoosara issife laattana.

Ibirawe 3:6

Kirstoosi gidikko Xoossa Keeththaa bolla ammanettida naa mala. Nunikka iza bolla ammanettiza ufayssaynne ceeqettiza hidotaa lo7eththi oykkiko nu izas duussa keeththa.

ያቆቤ ኪታ 5:7

Hessa gishshas ta ishatoo! Goday haa yaana gakkanaas dandayte; goshshe goyizaadey biittay lo7o kaththi kaxxana gakkanaas waani dandayzaakko koyro iranne wurseththa ira izi wostti naagizaakko ane akeekite.

1ጴጽሮሳ ኪታ 2:15

Intte lo7o ooson hankko eray baynda eeyateththan haasayzayta co7u histtana mala hessika Xoossa shene.

1ጴጽሮሳ ኪታ 3:17

Xoossa shene gidikko intte iita ooso ooththidi waayettanayssafe lo7o ooso ooththidi waayettiko lo7o.

1ጴጽሮሳ ኪታ 4:19

Hessa gishshas Xoossa shene mala waayettiza asati banateththaa ubbaa ammanettida bana medhdhidayssas hadara immidi lo7o ooso ooththontta aggofetto.

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

ዮሃኒሳ ኣጁታ 2:3

Neni dandayan minna eqqidayssanne ta sunththaa gishshas salettontta ne waaye be7idayssa ta erays.

ዮሃኒሳ ኣጁታ 2:7

«Ayanay Woosa Keeththatas gizayssa hayththi dizay wurikka siyo! ‹Xoonidaadey Xoossa Gannate giddon diza de7o miththa ayfe maana mala ta ooththana.›