ኢዝራ ማጻፋ 8:21 - Geeshsha Maxaafa

²¹ Xoossi nu oge lo7eththana mala, nunanne nu nayta qasseka nuus dizaaz ubbaa naagana mala iza sinththan nunateththaa ziqqi ooththidi woossanaas Ahiwa shaafa achchan xooma awajjadis.

ጋሞ ማጻፋ

²¹ ጾሲ ኑ ኦጌ ሎኤና ማላ፥ ኑናኔ ኑ ናይታ ቃሴካ ኑስ ዲዛዝ ኡባ ናጋና ማላ ኢዛ ሲንን ኑናቴ ዚቂ ኦዲ ዎሳናስ ኣሂዋ ሻፋ ኣቻን ጾማ ኣዋጃዲስ።

ኢዝራ ማጻፋ 8:21 ပူးပေါင်းရင်းမြစ်များ

2ታሪኬ ማጻፋ 20:3

Histtiin Iyoosaafixey keehi yayyidi GODAA oychchanaas ba qofa qachchidi Yuhuda biittan ubbaan xooma awajjides.

2ታሪኬ ማጻፋ 20:4

Yuhuda asay ubbay GODAAPPE maado koyanaas issi bolla shiiqides; istti GODAAPPE maado koyanaas Yuhuda katamata ubbaafe yida.

ኢዝራ ማጻፋ 8:15

Tani Izray kumeththa dereza Ahiwa goggiza haaththa shaafaa ach shiishshada heen heedzdzu gallas gam7idos; he shiiqozan qeesetappe attiin hara Lewe zereththati bayndayssa eradis;

ኢዝራ ማጻፋ 8:31

Koyro aginay gelida mala tammanne nam7anththo gallas Yerusalaame baanaas nunikka Ahiwa shaafa achchafe dendidos; nu Xoossaa kushey nunara diza gishshas nu biza ogen diza morkketappenne pangatappe nuna ashshides.

ናሂሚያ ማጻፋ 9:1

He aginan nam7u tammanne oydanththo gallas Isra7eele asay issi bolla shiiqidi ba nagara gishshas keehi modhettidayssanne ceecidayssa qonccisiinaas maaqa may7idi ba hu7e bolla gudulla laallidi xoomides.

ኣስቴሪ ማጻፋ 4:16

«Baada Suusan diza Ayhuda asa ubbaa issiso shiishsha. Histtidi taas xoomite; heedzdzu gallassinne heedzdzu omars gakkanaas moopitenne uyopite. Taninne ta dangaxireti hessaththo xoomana; hessi polettidaappe guye hanozi wogappe karera gidikkoka tani kawozaakko gelana; tani hayqqikokka hayqqana» giza zaaro yeddadus.

ዬ ማጻፋ 137:1

Baabiloone shaafata lanqen uttidi nuni Xiyoone qoppida wode yeekkidos.

ዬ ማጻፋ 5:8

Abeet GODAWU! Ta morkketappe ne tana ashsha; tana ne xilloteththankka kaaleththa; ne oge ta sinththan suurisa.

ዬ ማጻፋ 5:9

Istta doonappe keziza qaalay tumu gidenna. Istta wozinankka geney kumides; istta doonay doyettida duufo mala; istti bantta inxarsan as cimmeettes.

ዬ ማጻፋ 8:2

Neni ne morkketa gishshas ne baalgaaranne ne bolla mandizayssa sirphi ooththanawu guuththa nayta doonaninne dhammiza nayta doonan galata kunththadasa.

ሌሚሶ ማጻፋ 3:6

Neni biza oge ubbaan iza sinththasa; izikka ne biza oge suurisana.

ኢሳያሳ ቲንቢቴ 30:21

Intte hadirs woykko ushach giikko intte guyera, «Ogezi hayssa; izara biite» gizayssa intte hayththi siyana.

ኢሳያሳ ቲንቢቴ 35:8

Heen wogga ogey oosettana; izikka, «Geeshshateththa Oge» geetettana. Tunati he ogera beettenna; ogezi he ogera bizaytas xalla gidana; geellati he ogaara baana dandayettenna.

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 58:3

Istti shiiqidi, «Ne ekkonttaashin nu aazas xoomidonii? Ne wudu gonttaashin ays nuna kawushshidonii?» gaana. GODAY zaaridi isttas, «Gidikkoka intte xoomiza gallas intte wozina qofa mala ooththeeta; inttes ooththizaytappe bonqqeeta.

ኢሳያሳ ቲንቢቴ 58:5

Tani dooriday hayssa mala xoomaa? Asi bana kawushshanay hayssa mala gallas xallaa? Shacca mala bana ziqqi histteththee? woykko maaqa may7idi bidinththaa bolla bululeteththee? Histtiin ne xooma ga xeygizayssi hayssee? GODAY hessa malan ufayettizee?

ኤርማሳ ቲንቢቴ 10:23

Abeet GODAWU! Asa de7oy izaade kushen donttayssanne ba hemetaakka barkka ba shene mala lo7eththana dandayonttayssa ta erays.

ኤርማሳ ቲንቢቴ 42:3

Nuni biza ogenne nu ooththana miish izi nuna bessana mala GODAA ne Xoossa woossa» gida.

ዳኔላ ቲንቢቴ 9:3

Hessa gishshas tani maaqa may7adanne bidinththa bolla uttada xoomanaas, woossanaassinne gaannatanaas ta ayfe pude GODAA Xoossako denththadis.

ኢዩኤሌ ቲንቢቴ 1:14

Dumma xooma gallas awajjite; ayana shiiqos asa xeygite; deren diza cimatanne asaa ubbaa nu GODAA keeththan shiishshidi pude GODAAKKO waassite.

ሌዌታ ማጻፋ 16:29

«Hayssafe kaallidi inttes imettiza wogata hayssafe guye yaana layththatan ubbaan laamettontta eqqi diza woga histtidi naagite; layththafe laappunththa aginay gelida tammanththo gallas Isra7eele dere asaynne istta garsan diza hara dere asay xooma xoomanaas bessees; he gallas ay oosoykka oosettofo.

ሌዌታ ማጻፋ 16:31

He gallassay xooma gallassinne shempo shempiza sambata gallas gido; hessika mernaa woga gido;

ሌዌታ ማጻፋ 23:29

He gallas banateththaa kawushshidi maarettontta ay asikka deraa giddofe shaaketti dhayo.

ዮናሳ ቲንቢቴ 3:5

Histtiin Nannawe asay Xoossaa ammanidi xooma awajjides; gitatappe guuththata gakkanaas wurikka maaqa may7ida.

ዮናሳ ቲንቢቴ 3:7

Histtidi Nannawe asaas, «Kawozappenne kawo oosanchchatappe imettida azazo mala hachchife doommidi asinne mehey ubbay aykkoka mooppo; haaththika uyoppo.

ታይቦ ማጻፋ 14:3

GODAY nuna hinno he dereyo aazas efizee? Nuni wurikka olan wuranaas doos; nu machchetinne nu naytikka di7ettana; hessafe nuni duge Gibxe simmiko nuus lo7ana» gida.

ታይቦ ማጻፋ 14:31

Di7ettidi attana geetettida intte nayta intte kadhida biittayo ta gelththana; he biittayo ta istta laatissana.

ሃዋሬታ ኦሶ 2:39

Ufayssa qaalay inttessinne intte naytassa; qasseka Godaa Xoossi baakko xeygiza haahon dizaytassara ubbaassa» gides.

ዳናታ ማጻፋ 20:26

Hessafe guye Isra7eeleti ubbay Beetele biidi yeekkida; heen xoomidi sa7ay qammana gakkanaas, GODAA sinththan uttida; GODAA sinththan xuugettiza yarshonne issifeteththa yarsho shiishshida.

1ሳሜላ ማጻፋ 7:6

Isra7eele asay Mixiphphan shiiqida wode haath duuqqidi GODAA sinththan gussides; he gallassika xoomida; «Nuni GODAA qohidos» giidi paaxida. Sameeli Mixiphphan pirdishe deraa ayssides.