ኢዝራ ማጻፋ 1:3 - Geeshsha Maxaafa

³ Intte giddofe Xoossa as gididayssara Xoossi gido; Yuhuda deren diza Yerusalaame katama biidi GODAA Isra7eele Xoossa Keeththaa keexxo.

ጋሞ ማጻፋ

³ ኢንቴ ጊዶፌ ጾሳ ኣስ ጊዲዳይሳራ ጾሲ ጊዶ፤ ዩሁዳ ዴሬን ዲዛ ዬሩሳላሜ ካታማ ቢዲ ጎዳ ኢስራኤሌ ጾሳ ኬ ኬጾ።

ኢዝራ ማጻፋ 1:3 ပူးပေါင်းရင်းမြစ်များ

1ካዎታ ማጻፋ 18:39

Asay ubbay hessa be7ida wode gufannidi, «GODAY Xoossaa! GODAY izi xalla tumu Xoossaa!» gida.

1ካዎታ ማጻፋ 8:23

histtidi, «Abeet GODAWU, Isra7eele Xoossawu! Bolla salon woykko garsa sa7an ne mala Xoossi deenna; ba kumeththa wozinan ne sinththan minni eqqida ne oosanchchatas ne caaqqida qaalaa naagizaynne ne mino siiqoza qonccisizay nena.

1ታሪኬ ማጻፋ 28:20

Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

ኢዝራ ማጻፋ 1:4

Hayqoppe attidi ba dere simmizaytas heen ba dizason attizayti Yerusalaamen diza Xoossa Keeththaa keexos immiza imotaappe bollara bira, worqqa, Mehetanne hara miishshata gujji imon maaddetto; hessika istti bantta dosan immiza imota gido» gees.

ኢዝራ ማጻፋ 4:3

Gido attiin Zerubaabeley, Iyaasoynne korapinneti ubbay «Nu GODAA Xoossa Keeththaa keexxanaas inttena nunara gaththiza miishshi baawa; Paarise kawo Qiroosi nuna azazida mala Isra7eele Xoossa Keeththaa nu nurkka keexxana» gi zaarida.

ኢዝራ ማጻፋ 5:13

Hessafe guye qasse Baabiloone deren kawo Qiroosi kawotida koyro layth hayssa Xoossa Keeththaa keexxana mala azazides.

ኢዝራ ማጻፋ 5:3

He wode Efiraaxise shaafa pinththan arshey wulliza baggara dere ayssiza Tatenayeynne Saterboozinay qasseka isttara issife ooththiza daannati Yerusalaame yiidi «Inttes ha Xoossa Keeththa keexxanaassinne gimbeza ooraxisanaas ooni inttes piqaade immidee?» gi oychchida.

ኢዝራ ማጻፋ 6:7

Intte oosoza dhupheththontta mala naagettite; Ayhudata ayssizayssinne Ayhudata kaaleththizayti Xoossa Keeththa kase izi dizason zaari keexetto.

ዬ ማጻፋ 132:13

GODAY Xiyoono doorides; baas de7izaso ooththanaas amottidi,

ዬ ማጻፋ 83:18

Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.

ኢሳያሳ ቲንቢቴ 37:16

«Abeet GODAWU, Ubbaafe Wolqqama Xoossawu, kirubetappe giddon uttiza Isra7eele Xoossawu, sa7aa kawoteththata ubbaa bolla ne xalla Xoossaa. Salonne sa7a neni medhdhadasa.

ኢሳያሳ ቲንቢቴ 44:28

Qiroosekka, ‹Izi ta heenththanchcha; izi ta shene polana› gaana; Yerusalaameykka, ‹Simma eqqu› gaana; Xoossa Keeththaas, ‹Iza yochchi yegetto› gaana» gees.

ኢሳያሳ ቲንቢቴ 45:5

Tani GODAA; taappe haray oonikka deenna; taappe hara Xoossi deenna; ne tana erontta aggikokka ta nena minththana.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ዳኔላ ቲንቢቴ 2:47

Kawozi Daaneela, «Hayssa xuura yo7oza ne birshana dandayda gishshas tumappe intte Xoossay xoossatas Xoossa; izi kawotas Goda; izi xuura qonccisiza Xoossa» gides.

ዳኔላ ቲንቢቴ 6:26

Ta kawoteththan diza derey wurikka Daaneela Xoossas yayyana malanne iza bonchchana mala tani awajja kessadis; izi mernaas de7iza De7o Xoossa; iza kawoteththi dhayontta kawoteththa; iza kawoteththaskka wurseththi deenna.

ሃዋሬታ ኦሶ 10:36

Xoossi ubbaas Godaa gidida Yesus Kirstoosa baggara Isra7eele asas kiittida saroteththa Mishiraachcho kiitay hayssa.

ዛሬ ማጻፋ 32:31

Haray attoshin nu morkketi istta xoossay laafa gididayssanne Isra7eele Xoossaa mala gidonttayssa ereettes.

ኢያሶ ማጻፋ 1:9

Neni bizason ubbaan GODAA ne Xoossay nenara diza gishshas aykkoy baa, minna, yayyofa, dagammofa gaada ta nena azazabeekkinaa!» gides.