ሂዚቄላ ቲንቢቴ 9:4 - Geeshsha Maxaafa

⁴ GODAY xeygidi iza, «Yerusalaame katama ubbaa baada izi giddon oosettida harassiza eeqa xoossata gishshas mishettidi yeekkiza asata liiphe bolla malata woththa» gides.

ጋሞ ማጻፋ

⁴ ጎዳይ ጼይጊዲ ኢዛ፥ «ዬሩሳላሜ ካታማ ኡባ ባዳ ኢዚ ጊዶን ኦሴቲዳ ሃራሲዛ ኤቃ ጾሳታ ጊሻስ ሚሼቲዲ ዬኪዛ ኣሳታ ሊጴ ቦላ ማላታ ዎ» ጊዴስ።

ሂዚቄላ ቲንቢቴ 9:4 ပူးပေါင်းရင်းမြစ်များ

ሜቴ ማጻፋ 4:15

GODAY iza, «Nena oonikka wodhenna; wodhikko ne halo tani laappun kushe kessana» gides; hessa gishshas demmiday oonikka iza wodhontta mala GODAY iza bolla malata woththides.

2ካዎታ ማጻፋ 22:13

«Intte biidi ta gishshas, deraa gishshassinne Yuhuda asaa gishshas hayssa maxaafan xaafettidayssi ay gizaakko GODAA oychchite; gaasoykka nu aawati hayssa maxaafaza qaalaas azazettontta ixxida gishshas, nu gishshas izan xaafettidayssa ubbaaka istti polontta aggida gishshas ha7i nu bolla GODAA hanqoy wolqqama» gi azazides.

ዬ ማጻፋ 119:136

Ne wogay bonchchettontta gishshas ta afunththi haaththa mala goggees.

ዬ ማጻፋ 119:53

Iitati ne wogas azazettonttayssa be7ada keeha hanqettadis.

ኬሳ ማጻፋ 12:13

He suuththay intte diza keeththata erisiza malata gidana. Tani he suuththaa be7iza wode inttena agga aadhdhana; tani Gibxe biittaa boshan shociza wode intte bolla aykko boshaykka gakkenna.

ኬሳ ማጻፋ 12:23

GODAY Gibxe bayra nayta wodhanaas he biittara hemettiza wode suuth keeththa qosilaththataninne qoreta bolla be7idi karera aadhdhi baana; wodhizayssi intte soo gelidi inttena wodhontta mala iza GODAY diggana.

ኬሳ ማጻፋ 12:7

Shukkidi suuththafe ekkidi istta ashoza miza keeththas qosilaththaanne qoreza bolla tiyetto.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኤርማሳ ቲንቢቴ 13:17

Intte siyontta ixxiko, intte otoreteththaa gishshas ta shemppoya geeman yeekkana; GODAA wudey di7etti bichchida gishshas tani camo yeeho yeekkays; ta ayfeppe afunththi haaththa mala goggees.

ሂዚቄላ ቲንቢቴ 21:6

«Hessa gishshas haysso asa nawu! Meqqida wozinan camo oole oola.

ሂዚቄላ ቲንቢቴ 6:11

« ‹Ubbaa Haariza GODAY: yiillon ne kushe baqqa; ne tohonkka biitta qakkashe, Wuu! Wuy› ga waassa; Isra7eele asay ooththida iitateththaafenne harassiza hanoppe dendidayssan mashshan, koshaninne iita hargen wurana.

ሂዚቄላ ቲንቢቴ 9:5

Tani siyishin izi haratas, «Iza geedo kaallidi kaallidi katamayn dizaa wodhite! Oonakka mishetti ashshofte.

ሂዚቄላ ቲንቢቴ 9:6

Cimata, naateththatanne geela7ota, maccassatanne guuththa nayta ubbaaka shukkite; gido attiin malatara diza as oonakka bochchofte. Wodho ta Keeththan doommite» gides. Hessa gishshas istti Xoossa Keeththa sinththan eqqidi wodho cimatan doommida.

ኣሞጼ ቲንቢቴ 6:6

Woyne ushshu birillera gidontta otora uyizaytoo! Keehi al7o gidida shitto tiyettizaytoo! Isra7eele deraa bolla gakkida meto gishshas qadhettonttayto inttena aayye ana!

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ሶፎናሳ ቲንቢቴ 3:18

«Bonchcho ba7aale gallassati attida gishshas neni muuzottidayssanne, nees tooho gidida yeellaa ta neeppe diggana.

ሚልካሳ ቲንቢቴ 3:16

He wode GODAAS babbiza asati ba garsan issoy issaara haasayettida Godaa Xoossika istti gizayssa lo7eththi siyides; GODAAS babbizaytas qasseka iza sunththaa bonchchizaytas istti oosoy balettontta mala qofsiza maxaafay iza sinththan xaafettides.

2ቆሮንቶሴ ኣሳስ 1:22

Nu izayta gididayssa erisanaas ba maatame nu bolla shocidaynne nuni sinththafe demmana miishshas Ayana waaseteth nu wozinan woththiday iza.

2ቆሮንቶሴ ኣሳስ 12:21

Tani qasseka hee intteko bishin oonee erizay ta Goday tana intte sinththan kawushshandee gaada hirgays. Hayssafe kase nagara ooththidi he ooththida tunateththaan, laymaninne coo mela yeda duussas maaroteththan gelontta asata gaason ta muuzoteththan wodhdhandina gaada hirgays.

ጋላቲያ ኣሳስ 6:17

Tani Yesusa malaata ta asateththan tookkadis; hessa gishshas ha7i tana oonikka waayisenna.

ኤፌሶኔ ኣሳስ 4:30

Intte attana gallassas attamettida Xoossaa Xillo Ayana mishisopite.

2ጺምቶሳስ 2:19

Gido attiin, «Goday baas gidizayta erees.» Qasseka, «Godaa sunth xeygizay wuri iitappe haakko» giza maatamey iza bolla diza laamettontta Xoossaa yochchay laamettibeenna.

ዮሃኒሳ ኣጁታ 14:1

Hessafe guye hekko he dorsazi Xiyoone zumaa bolla eqqidayssa ta beyadis; iza sunththinne iza Aawaa sunththi istta liiphe bolla xaafettidayti xeetanne oyddu tammanne oyddu shii asati izara issife deettes.

ዮሃኒሳ ኣጁታ 20:4

Hessafe guye tani algata beyadis; he algata bolla pirda pirdanaas godateththi isttas imettidayti uttidayta beyadis; qasseka Yesusa gishshas istti markkattida gishshassinne Xoossa qaalaa gishshas istta qoodhey qanxxettida asata shemppoka beyadis; heytantti do7azassinne iza mislezas goynnibeettenna; iza malataakka ba liiphe bolla gidiin ba kushe bolla woththonttayta; istti hayqoppe dendida Kirstoosara issife shii layth kawotida.

ዮሃኒሳ ኣጁታ 9:4

Biitta bolla diza maata gidiin woykko ay miishshika hara cilila miish montta mala woykko ay miththika qohontta mala isttas yootettides; istti qohana bessizay qasse liiphe bolla Xoossa maatamey baynda asata xalla gidanaassa.