ሂዚቄላ ቲንቢቴ 7:26 - Geeshsha Maxaafa

²⁶ Metoy meto bolla qasse iita yo7oy iita yo7o bolla yaana; istti nabeppe ajjuuta demmanaas baaxetana; woga timirtey qeeseppe, zoreykka cimappe dhayana.

ጋሞ ማጻፋ

²⁶ ሜቶይ ሜቶ ቦላ ቃሴ ኢታ ዮኦይ ኢታ ዮኦ ቦላ ያና፤ ኢስቲ ናቤፔ ኣጁታ ዴማናስ ባጼታና፤ ዎጋ ቲሚርቴይ ቄሴፔ፥ ዞሬይካ ጪማፔ ያና።

ሂዚቄላ ቲንቢቴ 7:26 ပူးပေါင်းရင်းမြစ်များ

ኤርማሳ ቲንቢቴ 4:20

Iita miishshi iita miish kaallees; mule biittay moorettides; ta dunkaanetinne magalashati eeson dhayda.

ሚኪያሳ ቲንቢቴ 3:6

Hessa gishshas istta bolla qammay beettontta, dhumay erontta gakki wodhdhana; nabeta bolla arshey gelananne gallassay isttas qammana.

ሂዚቄላ ቲንቢቴ 14:1

Isra7eele cimatappe guuththati taakko yiidi ta sinththan uttida.

ዬ ማጻፋ 74:9

Nu shaakki eranaas malatay deenna; hayssafe guye nabey dendenna; Hayssi awude gakkanawu hananaakko eriza asi nu giddon deenna.

ኤርማሳ ቲንቢቴ 37:17

Hessafe guye kawo Sedeqiyaasi as kiittidi Ermaasa ba dizaso kawo keeth xeygi ehisides; iza xalla efidi, «GODAAPPE yida qaalay neekkon dizee?» gi oychchides. Ermaasi zaaridi, «Ee dees; neni Baabiloone kawo kushen aadhdha imettana» gides.

ኤርማሳ ቲንቢቴ 21:2

Kiitettidaytikka, «Baabiloone Kawo Nabukadanaxoorey ba olanchchatara ha katama giddoththida gishshas ane nuus GODAA oychcha. GODAY beniyssa mala malalisiza ooso nu gishshas ooththidi iza guye zaaranaakko ooni erizee» gi oychchida.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ሂዚቄላ ቲንቢቴ 33:31

Ubbaa gallas istti ooththiza mala ta derey neekko yaana; ne qaalaa siyanaas istti ne sinththan uttana; gido attiin siyidayssa polettenna. Bantta metershan daro siiqo qoncciseettes; gido attiin istta wozinay bessontta go7an shempides.

ሂዚቄላ ቲንቢቴ 8:1

Usuppunththa layththan, usuppunththa aginan, ichchashanththa gallassan tani tason utta dishin, Yuhuda cimatikka ta sinththan utti dishin, Ubbaa Haariza GODAA wolqqay tana oykkides.

ኤርማሳ ዚላስ 2:9

Izi pengeti duge biittan gelida; kare gordiza birata kolatati meqeretti wodhdhida; izi kawozinne daannati ayzaabetan di7etti bida; hayssafe guye kase isttas diza wogay ooththenna; izi nabetaska hayssafe guye GODAAPPE ajjuutay qonccenna.

ኢሳያሳ ቲንቢቴ 47:11

Bashshi ne bolla yaana; neni wostta muurenna zaaranaakko erakka; ne qanxxo immada ne dandayontta qohoy ne bolla gakkana. Ne qoppontta metoy ne bolla dingate yaana.

ዛሬ ማጻፋ 32:23

Tani istta bolla zaareththa zaareththa bosha ehana; Taas diza wondafe ta istta bolla wursana.

ሌዌታ ማጻፋ 26:28

ta intte bolla hanqon dendana; intte nagaraa gishshas ta inttena laappun dakko qaxxayana.

ሌዌታ ማጻፋ 26:24

he wode tanikka inttes morkke gidana; intte nagara gishshas ta inttena laappun dakko qaxxayana.

ሌዌታ ማጻፋ 26:21

« ‹Ha7ikka intte taas ixxis giidi azazettontta aggiko tani intte bolla intte nagaraa keena qixaateza laappun kushe darsana.

ሌዌታ ማጻፋ 26:18

« ‹Hessi wurikka intte bolla gakkidaappe guyekka intte taas azazettontta ixxiko ta intte bolla yeggana qixaateza laappun kushe darsana.

1ሳሜላ ማጻፋ 3:1

Yelaga naa Sameeli Eeleppe garsara gididi Xoossas ooththishe dees; he wode biittaa bolla GODAA qaalay al7o; ajjuutaykka beetti erenna.

ሂዚቄላ ቲንቢቴ 11:2

GODAY tana, «Haysso asa nawu! Ha attumasati ha kataman iita halchcho halchchizaytanne gene zore zorizayta.

ሂዚቄላ ቲንቢቴ 12:22

«Haysso asa nawu! Isra7eele biittan, ‹Wodey aduqqides; ajjuutay ubbayka hada gidides› giidi intte tosse yootizay aazee?

ሂዚቄላ ቲንቢቴ 21:7

Istti nena, ‹Ays oolay?› gi oychchiko, neni, ‹Sinththara yiza iita wore gishshas oolays; wozina ubbay taahana; kushe ubbay doccana; shemppo ubbay poodhu gaana; gulbate ubbay haaxxana› ga yoota. Ubbaa Haariza GODAY, ‹Be7ite hessi yaananne polettana› gees» gides.

ሂዚቄላ ቲንቢቴ 22:26

Izi qeeseti ta wogaa bolla makkalleettes; ta geeshsha miishshatakka tuniseettes. Istti geeyidayssa tunappe shaakettenna; geeshshinne geesh gidonttayssa shaakki tamaarsettenna; ta sambatata yeggi aggida; hessa gaason ta istta giddon kadhettadis.

ሚልካሳ ቲንቢቴ 2:7

Qeesey ubbaa dandayza Ubbaafe Wolqqama GODAAS kiitettizaade gidida gishshas iza doonay erateth naaganaas asay iza doonappe timirte koyanaas bessees» gees Ubbaafe Wolqqama GODAY.

ሚልካሳ ቲንቢቴ 2:9

Histtiin intte ta ogen bontta gishshassinne intte intte timirteza dumma maado ooththida gishshas intte asa ubbaa sinththan kadhettana malanne intte guuxxana malata ooththadis.