ሂዚቄላ ቲንቢቴ 6:7 - Geeshsha Maxaafa

⁷ Intte asay shukettidi intte giddon kundana; tani GODAA gididayssa intte hessan erana.

ጋሞ ማጻፋ

⁷ ኢንቴ ኣሳይ ሹኬቲዲ ኢንቴ ጊዶን ኩንዳና፤ ታኒ ጎዳ ጊዲዳይሳ ኢንቴ ሄሳን ኤራና።

ሂዚቄላ ቲንቢቴ 6:7 ပူးပေါင်းရင်းမြစ်များ

2ካዎታ ማጻፋ 19:19

Ha7ikka GODAWU nu Xoossawu! Neni xalla Xoossa gididayssa ha biittaa bolla diza kawoteththati erana mala iza kusheppe nuna ashsha» gi woossides.

ኬሳ ማጻፋ 14:18

Tani kawoza baggara iza para-gaareta baggaranne iza toga asata baggara taas bonchcho demmida wode tani GODAA gididayssa Gibxe asay erana» gides.

ኬሳ ማጻፋ 14:4

Tani kawoza wozina minththana; izi istta gooddana; tani kawoza baggaranne iza olanchchata ubbaa baggara bonchchettana; Gibxe asaykka tani GODAA gididayssa erana» gides. Histtiin Isra7eele asay izi yootida mala ooththides.

ኬሳ ማጻፋ 7:5

Qasse Gibxeti tani ta qese Gibxe asaa bolla denththada Isra7eele nayta istta giddofe kessiza wode tani GODAA gididayssa istti erana» gides.

ኤርማሳ ቲንቢቴ 14:18

Tani gaxare biikko, mashshan hayqqidayta be7ays; katama gelikko koshay wursidayta be7ays. Nabetinne qeeseti ba erontta dere baqatida› gees GODAY» gides.

ኤርማሳ ቲንቢቴ 18:21

Hessa gishshas istta nayta koshassinne mashshas aaththa imma; istta maccassati maynnenne am7eta gidetto; istta attumasatikka para hayqon wuretto; istta naateththa nayti olason mashshas gidetto

ኤርማሳ ቲንቢቴ 25:33

He woden GODAY wodhidayta ahay biitta gaxaappe biitta gaxa gakkanaas porccu gi kundana; isttas yeekettenna; istta ahay shiiqennanne moogettenna; biitta bolla buura mala olettana.

ኤርማሳ ዚላስ 4:9

Koshan hayqqidaytappe mashshan hayqqidayti lo7o;

ሂዚቄላ ቲንቢቴ 11:10

Intte mashshan wurana; tani inttena intte biittan pirdana. Tani GODAA gididayssa intte he wode erana.

ሂዚቄላ ቲንቢቴ 11:12

Tani GODAA gididayssa intte he wode erana. Intte intte yuushon diza kawoteththata wogaa kaallida gishshas ta azazo polibeekketa; ta wogaakka naagibeekketa» gides.

ሂዚቄላ ቲንቢቴ 12:15

«Istta tani dereta giddoninne kawoteththa giddon laalliza wode tani GODAA gididayssa istti erana.

ሂዚቄላ ቲንቢቴ 12:19

Biittan diza asaas, ‹Ubbaa Haariza GODAY Isra7eele biittan diza Yerusalaame asaas: istti bantta kath hirgishe maana; bantta haaththaaka gazhigazhishenne babbishe uyana. Heen diza asay ubbay genanchcha gidida gishshas istta biittay kayzana.

ሂዚቄላ ቲንቢቴ 13:14

Intte aannon meeshida keelaa ta laallana; iza yochchi beettanaashe gakkanaas ta laallana; gimbezi kundiza wode intte iza giddon wurana; tani GODAA gididayssa intte he wode erana.

ሂዚቄላ ቲንቢቴ 13:21

Tani intte bita goossaa dafa yeggada ta dereza intte kusheppe woththa ekkana; hayssafe guye istti intte shenen aqettenna; tani GODAA gididayssa intte he wode erana.

ሂዚቄላ ቲንቢቴ 13:23

Hessa gishshas hayssafe guye wordo ajjuuta be7ekketa; muurennoka muurenneketa; ta deraa intte kusheppe woththa ekkana; tani GODAA gididayssa intte he wode erana› gees» gides.

ሂዚቄላ ቲንቢቴ 13:9

Ta kushey wordo ajjuuta be7izayta bollanne muurenniza nabeta bolla dendana. Istti ta deraa duulatan gelettenna; Isra7eele asaa mazgaban xaafettettenna; Isra7eele biittaaka gelettenna. Tani Ubbaa Haariza GODAA gididayssa intte he wode erana.

ሂዚቄላ ቲንቢቴ 14:8

Iitateththan tani ta ayfeso hessaadeko zaarana; tossessinne qidhes ta iza kessana; tani iza ta deraa giddofe diggana; tani GODAA gididayssa intte he wode erana.

ሂዚቄላ ቲንቢቴ 15:7

Tani ta ayfeso iitateththan istta bolla zaarana; istti tamappe kessi ekki attidaa gidikkoka buro istta tamay maana; tani ta sinth iitateththan isttako zaariza wode tani GODAA gididayssa intte erana.

ሂዚቄላ ቲንቢቴ 20:26

Istta bayra nayta taman xuuggi yarshidi tunana mala ooththadis; ta hessa ooththiday istti dagammidi tani GODAA gididayssa erana malassa.

ሂዚቄላ ቲንቢቴ 20:38

Ta bolla makkallidaytanne tana qohidayta tani intte giddofe diggana; ha7i istti diza biittafekka ta istta kessana; gido attiin istti Isra7eele biitta gelettenna. Tani GODAA gididayssa intte he wode erana» gees.

ሂዚቄላ ቲንቢቴ 20:42

Tani kase intte aawatas immanaas ta kushe denththa caaqqida Isra7eele biitta inttena zaara gelththiza wode tani GODAA gididayssa intte he wode erana.

ሂዚቄላ ቲንቢቴ 20:44

Intteno Isra7eele asatoo! Intte iita ogenne intte iita ooso mala gidontta ta sunththaa gishshas gaada ta inttena wochchiza wode Ubbaa Haariza GODAY tani Xoos gididayssa intte erana» gees.

ሂዚቄላ ቲንቢቴ 22:16

Kawoteththata giddon tunada tani GODAA gididayssa he wode neni erana› » gides.

ሂዚቄላ ቲንቢቴ 23:49

Intte intte ziita gate ekkana; intte eeqa xoossata goynon ooththida nagara qixaate intte tookkana; tani Ubbaa Haariza GODAA gididayssa intte he wode erana» gides.

ሂዚቄላ ቲንቢቴ 24:24

He woden Hiziqeeli inttes malata gidana; izi ooththida mala intteka ooththana› gides. Ubbaa Haariza GODAY tana gididayssa hayssi haniza wode intte erana» gees.

ሂዚቄላ ቲንቢቴ 24:27

He gallas ne doonay doyettana; nenikka izara haasayana; hessafe guye ne doona duude gidakka; ne isttas malata gidana; tani GODAA gididayssa istti he wode erana» gides.

ሂዚቄላ ቲንቢቴ 25:17

Tani istta bolla wolqqama halo kessana; ta boshankka istta qaxxayana; ta istta qaxxayiza wode istti tani GODAA gididayssa erana› gees» gides.

ሂዚቄላ ቲንቢቴ 26:6

He biittan abbaafe haakki diza gutati mashshan wurana; tani GODAA gididayssa istti he wode erana.

ሂዚቄላ ቲንቢቴ 28:23

Tani izi bolla iita harge ehana; izi ogetan suuththi gukkana mala ta ooththana; Ubbaa baggara yiza mashshan siifettidayti, izi giddon kundana; hessafe guye tani GODAA gididayssa istti erana.

ሂዚቄላ ቲንቢቴ 30:26

Ta Gibxeta kawoteththata giddon laallana; dereta giddonkka zerana; hessafe guye tani GODAA gididayssa istti he wode erana› gees» gides.

ሂዚቄላ ቲንቢቴ 32:15

Ta Gibxe bulasishin biittayn dizay ubbay dhayshin, heen diza ubbaa tani shocishin, tani GODAA gididayssa istti he wode erana› gees» gides.

ሂዚቄላ ቲንቢቴ 35:15

Isra7eele keeththaa xinxxoy bula gidida wode ne ufayettida gishshas tanikka ne bolla hessaththo ooththana; haysso Seyre zumazoo! Neninne kumeththa Eedoomey bulattana; hessafe guye tani GODAA gididayssa istti erana› gees» gides.

ሂዚቄላ ቲንቢቴ 38:23

Tani ta gitateththaanne ta geeshshateththaa hessan bessana. Qasse daro kawoteththata sinththan tani tanateththaa erisana. Hessafe guye tani GODAA gididayssa istti erana› gees.

ሂዚቄላ ቲንቢቴ 6:13

Istta asaappe shukettidayti yarsho yarshizasohota yuusho ubbaan, istta eeqa xoossata giddo ubbaan, zumbullata bolla ubbaan, zumata xeera bolla ubbaan, cilila miththa garsatan ubbaaninne wogga wolata garsata ubbaan, bantta eeqa xoossatas sawiza yarsho yarshizasohota ubbaan yegetti attidayta intte be7idi he wode tani GODAA gididayssa intte erana.

ሂዚቄላ ቲንቢቴ 6:6

Intte isttan diza katamati ubbay kays gidana; intte goynnizasoti ubbay laalettana; hessaththoka intte yarshizasohoti tunananne laaletti dhayana; intte eeqa xoossati nippi gi meqerettana; intte exaane yarshizasohoti nippi gi meqerettana; intte kushe oosoti dippi gi dhayana.

ሂዚቄላ ቲንቢቴ 6:8

« ‹Tani inttefe mashshafe kessi ekki attida guuththata ashshana; hessafe guye kawoteththata giddoninne dereta giddon inttena ta laallana.

ሂዚቄላ ቲንቢቴ 7:4

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana› gees.

ሂዚቄላ ቲንቢቴ 7:9

Ta inttena qadheta ayfen xeellike; ta inttena maarikke; intte hanota mala ta intte bolla pirdana; intte giddon diza harassiza eeqa xoossata ta qonccisana; tani GODAA gididayssa intte he wode erana.

ሂዚቄላ ቲንቢቴ 9:7

Hessafe guye GODAY isttas, «Ta keeththaa tunisite; zagotakka ahan kunththite; biite» gides; isttika kezidi katama giddon ubbaan yuuyidi wodho doommida.